ଲଦାଖ: ଭାରତୀୟ ସେନା ଚୀନ ସୀମା ଅର୍ଥାତ୍ ପୂର୍ବ ଲଦାଖ ଅଞ୍ଚଳରେ ଯୁଦ୍ଧାଭ୍ୟାସ କରିଛନ୍ତି। ଏହି ଅଭ୍ୟାସରେ ବଖତରବନ୍ଦ ସେନାର ସଦସ୍ୟ, ବାୟୁସେନା ଓ ଭାରତୀୟ ସେନା ସମେତ ବହୁ ଯବାନ ସାମିଲ ହୋଇଥିଲେ। ଏଥିସହ ନର୍ଦନ କମାଣ୍ଡୋ ଲେଫଟନାଣ୍ଟ ଜେନେରାଲ ରଣବୀର ସିଂହ ମଧ୍ୟ ଏହି ଯୁଦ୍ଧାଭ୍ୟାସରେ ଯୋଗ ଦେଇଥିଲେ। ଏଥିରେ ଭାରତୀୟ ଯବାନମାନେ ଆଧୁନିକ ଶୈଳୀ ଓ ଉପକରଣ ବ୍ୟବାହାର କରିଥିବା ଜଣାପଡ଼ିଛି। ତେବେ ଯୁଦ୍ଧାଭ୍ୟାସର ଏକ ଭିଡିଓ ସୋସିଆଲ ମିଡିଆରେ ଜାରି କରାଯାଇଛି।
#WATCH Ladakh: Integrated exercise of the Army, held in eastern Ladakh yesterday. The exercise was witnessed by Northern Army Commander. pic.twitter.com/L4NDVp1ETs
— ANI (@ANI) September 18, 2019
ଲଦାଖର ଏହି ଅଞ୍ଚଳ ଚାଇନା ସହ ଲାଗିଥିବାରୁ ଭାରତୀୟ ସେନାଙ୍କ ଏହି ଅଭ୍ୟାସ ପ୍ରଥମ ହୋଇଥିବା ବେଳେ ବେଶ୍ ଗୁରୁତ୍ୱପୂର୍ଣ୍ଣ ମଧ୍ୟ। କାରଣ ଏହି ରାସ୍ତା ଦେଇ ଚୀନ ସେନା ଭାରତ ସୀମାରେ ଅନୁପ୍ରବେଶ କରୁଥିବା ବେଳେ ବହୁଥର ଦୁଇ ସେନାର ଯବାନମାନଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି। ତେବେ ଏହାରି ଭିତରେ ଏହି ଅଞ୍ଚଳରେ ଭାରତୀୟ ସେନାର ଯୁଦ୍ଧାଭ୍ୟାସ ଚୀନକୁ ଏକ ବାର୍ତ୍ତା ଦେଉଛି।