ଆଣ୍ଠୁଏ ଉଚ୍ଚା ବରଫରେ ପହରା ଦେଉଛନ୍ତି ITBP ଯବାନ; ଭିଡିଓ ଦେଖିଲେ ଗର୍ବରେ ଛାତି ଫୁଲିଉଠିବ
ଭାରତୀୟ ସେନା ସବୁବେଳେ ନିଜ ଜୀବନକୁ ବାଜିରେ ଲଗାଇ ଦେଶକୁ ସୁରକ୍ଷା ଦେଇ ଆସୁଛନ୍ତି। ସେନା ବାହିନୀଙ୍କ ଯୋଗୁ ହିଁ ଆମେ ଘରେ ଶାନ୍ତିରେ ଶୋଇପାରୁଛେ। ଏଣୁ ଯବାନଙ୍କ ସାହସିକତା ଦେଖିଲେ ଗର୍ବ ଅନୁଭବ ହୋଇଥାଏ। ତେବେ ବର୍ତ୍ତମାନ ଉତ୍ତରାଖଣ୍ଡର ହିମାଳୟରୁ ସେଭଳି କିଛି ଫଟୋ ଓ ଭିଡିଓ ସାମ୍ନାକୁ ଆସିଛି, ଯାହାକୁ ଦେଖିବା ପରେ ଗର୍ବରେ ଛାତି ଚଉଡ଼ା ହୋଇଯିବ। ଭାରତ-ତିବ୍ଦତ ସୀମା ପୋଲିସର ଯବାନ ଉତ୍ତରାଖଣ୍ଡ ହିମାଳୟ ନିକଟରେ ଶୂନରୁ କମ୍ ଡିଗ୍ରୀ ତାପମାତ୍ରାରେ ୧୫,୦୦୦ ଫୁଟ୍ ବରଫାଞ୍ଚଳରେ ପହରା ଦେଉଛନ୍ତି। ସାମ୍ନାକୁ ଆସିଥିବା ଏହି ଭିଡିଓରେ ଯବାନମାନେ ପରସ୍ପର ପଛରେ ଦଉଡ଼ି ଧରି ଆଗକୁ ବଢ଼ୁଛନ୍ତି।
ଦେଖନ୍ତୁ ଭିଡିଓ:
#WATCH | Indo-Tibetan Border Police (ITBP) personnel patrolling in a snow-bound area at 15,000 feet in sub-zero temperatures around in Uttarakhand Himalayas. pic.twitter.com/9IobbXquEj
— ANI (@ANI) February 17, 2022
ଭିଡିଓରେ ନଜର ଆସୁଥିବା ଯବାନଙ୍କ କାନ୍ଧରେ ଅସ୍ତ୍ର ଶସ୍ତ୍ର ଝୁଲିଥିବା ବେଳେ ହାତରେ ବାଡ଼ି ରହିଛି। ଭିଡିଓରେ ସ୍ପଷ୍ଟ ଦେଖାଯାଉଛି ଯେ ବରଫ ଯବାନଙ୍କ ଆଣ୍ଠୁ ଉଚ୍ଚା ରହିଛି। ଫଳରେ ସେମାନଙ୍କୁ ଆଗକୁ ବଢ଼ିବାରେ ଅସୁବିଧା ହେଉଛି। ତଥାପି ସେମାନେ ନ ଅଟକି ଧୀରେ ଧୀରେ ଆଗକୁ ବଢ଼ି ଚାଲିଛନ୍ତି। ଏହି ଭିଡିଓଟି ଭାଇରାଲ ହେବା ପରେ ଲୋକମାନେ ଯବାନଙ୍କ ସାହସିକତାକୁ ସଲାମ୍ କରୁଛନ୍ତି।
प्रशिक्षण ही श्रेष्ठ है!
हर परिस्थिति में प्रशिक्षण का प्रण।Indo-Tibetan Border Police (ITBP) personnel train in extreme snow and cold conditions in Uttrakhand at minus 25 degree temperature around.#Himveers pic.twitter.com/LG12KdLr21
— ITBP (@ITBP_official) February 13, 2022
ସୂଚନାଯୋଗ୍ୟ ଯେ ୧୯୬୨ ମସିହାରେ ଭାରତ-ତିବ୍ଦତ ସୀମା ପୋଲିସର ଗଠନ ହୋଇଥିଲା। ଆଇଟିବିପିର ଯବାନଙ୍କୁ ସୀମା ବ୍ୟତୀତ ନକ୍ସଲ ବିରୋଧୀ ଅଭିଯାନ ଓ ଅନ୍ୟ ଅପରେସନ୍ ପାଇଁ ବି ନିୟୋଜିତ କରାଯାଏ। ବର୍ଷସାରା ଏହି ଯବାନମାନେ ହିମାଳୟର କୋଳରେ ବରଫାବୃତ ଅଞ୍ଚଳରେ ରହି ଦେଶ ସେବା କରିଥାନ୍ତି। ଏହା ଏମାନଙ୍କ ମୁଖ୍ୟ କର୍ତ୍ତବ୍ୟ। ଏଣୁ ଏହି ଯବାନଙ୍କୁ ‘ହିମବୀର’ ବୋଲି ମଧ୍ୟ କୁହାଯାଏ।