ଜୈନ ମୁନି ଆଚାର୍ଯ୍ୟ ବିଦ୍ୟାସାଗର ମହାରାଜଙ୍କ ଦେହାନ୍ତ, ପ୍ରଧାନମନ୍ତ୍ରୀ ଜଣାଇଲେ ଶୋକ
ଆଚାର୍ଯ୍ୟ ବିଦ୍ୟାସାଗରଙ୍କ ସମାଧିରେ ସାରା ଜୈନ ସମ୍ପ୍ରଦାୟ ଶୋକରେ ଭାଙ୍ଗି ପଡ଼ିଛି । ଛତିଶଗଡର ଡୋଙ୍ଗରଗଡ ସ୍ଥିତ ଚନ୍ଦ୍ରଗିରି ତୀର୍ଥରେ ଗତକାଲି ବିଳମ୍ବିତ ରାତି ୨.୩୫ରେ ତାଙ୍କ ମୃତ୍ୟୁ ହୋଇଛି । ତେବେ ତାଙ୍କ ମୃତ୍ୟୁରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୋକ ପ୍ରକାଶ କରିଛନ୍ତି ।
ଜୈନ ଧର୍ମର ଦିଗମ୍ବର ମୁନି ପରମ୍ପରାର ଆଚାର୍ଯ୍ୟ ଶ୍ରୀ ବିଦ୍ୟାସାଗର ମହାରାଜ ନିଜ ଶରୀର ତ୍ୟାଗ କରିଛନ୍ତି । ଛତିଶଗଡର ଡୋଙ୍ଗରଗଡ ସ୍ଥିତ ଚନ୍ଦ୍ରଗିରି ତୀର୍ଥରେ ଗତକାଲି ବିଳମ୍ବିତ ରାତି ୨.୩୫ରେ ତାଙ୍କ ମୃତ୍ୟୁ ହୋଇଛି । ମୃତ୍ୟୁ ପୂର୍ବରୁ ସେ ଆଚାର୍ଯ୍ୟ ପଦ ତ୍ୟାଗ କରିବା ସହିତ ୩ ଦିନ ଉପାସ ରହିଥିଲେ । ଏହାଛଡା ମୌନ ବ୍ରତ ଧାରଣ କରିଥିଲେ । ୩ ଦିନ ଉପାସ ରହିବା ପରେ ଶରୀର ତ୍ୟାଗ କରିଥିଲେ ।
ଗତ କିଛି ମାସରୁ ଛତିଶଗଡ଼ର ଡୋଙ୍ଗରଗଡ଼ରେ ରହୁଥିଲେ ଆଚାର୍ଯ୍ୟ ବିଦ୍ୟାସାଗର । ତେବେ ଦୀର୍ଘ ଦିନରୁ ତାଙ୍କର ସ୍ୱାସ୍ଥ୍ୟାବସ୍ଥା ଭଲ ନଥିବା ଜାଣିବାକୁ ମିଳିଛି । ଆଚାର୍ଯ୍ୟ ବିଦ୍ୟାସାଗରଙ୍କ ସମାଧିରେ ସାରା ଜୈନ ସମ୍ପ୍ରଦାୟ ଶୋକରେ ଭାଙ୍ଗି ପଡ଼ିଛି । ତେବେ ତାଙ୍କ ମୃତ୍ୟୁରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୋକ ପ୍ରକାଶ କରିଛନ୍ତି । ମୋଦି X ରେ ପୋଷ୍ଟ କରିଛନ୍ତି, ଆଚାର୍ଯ୍ୟ ଶ୍ରୀ ୧୦୮ ବିଦ୍ୟାସାଗର ଜୀ ମହାରାଜଙ୍କ ବ୍ରହ୍ମଲୀନ ହେବା ଦେଶ ପାଇଁ ଅପୂରଣୀୟ କ୍ଷତି । ଲୋକଙ୍କ ମଧ୍ୟରେ ଆଧ୍ୟାତ୍ମିକ ଜାଗ୍ରତ କରିବା ପାଇଁ ବହୁମୂଲ୍ୟ ଚେଷ୍ଟା ସବୁବେଳେ ସ୍ମରଣୀୟ ହୋଇ ରହିବ ।
आचार्य श्री 108 विद्यासागर जी महाराज जी का ब्रह्मलीन होना देश के लिए एक अपूरणीय क्षति है। लोगों में आध्यात्मिक जागृति के लिए उनके बहुमूल्य प्रयास सदैव स्मरण किए जाएंगे। वे जीवनपर्यंत गरीबी उन्मूलन के साथ-साथ समाज में स्वास्थ्य और शिक्षा को बढ़ावा देने में जुटे रहे। यह मेरा… pic.twitter.com/mvJJPbiiwM
— Narendra Modi (@narendramodi) February 18, 2024
ସେ ଆହୁରି କହିଛନ୍ତି, ମୋତେ ତାଙ୍କର ନିରନ୍ତର ଆଶୀର୍ବାଦ ମିଳୁଥିଲା । ଗତବର୍ଷ ଛତିଶଗଡରେ ଚନ୍ଦ୍ରଗିରି ଜୈନ ମନ୍ଦିରରେ ତାଙ୍କ ସହିତ ସାକ୍ଷାତ ସ୍ମରଣୀୟ ହୋଇ ରହିବ । ସେତେବେଳେ ଆଚାର୍ଯ୍ୟ ମୋତେ ଭରପୂର ସ୍ନେହ ଏବଂ ଆଶୀର୍ବାଦ ପ୍ରଦାନ କରିଥିଲେ । ସମାଜ ପାଇଁ ତାଙ୍କ ଯୋଗଦାନ ପ୍ରତ୍ୟେକ ପିଢିକୁ ପ୍ରେରଣା ଦେବ ।
୧୦ ଅକ୍ଟୋବର ୧୯୪୬ ମସିହାରେ କର୍ଣ୍ଣାଟକର ବେଲଗାମ୍ ଜିଲ୍ଲାର ସାଦାଲଗା ଗାଁର ଜୈନ ପରିବାରରେ ଜନ୍ମ ହୋଇଥିବା ଶିଶୁ ବିଦ୍ୟାଧର ଶରଦ ପୂର୍ଣ୍ଣିମା ପିଲାଦିନରୁ ଧର୍ମ ପ୍ରତି ଆଗ୍ରହ ପ୍ରକାଶ କରିଥିଲେ । ସେ ଯେଉଁ ଘରେ ଜନ୍ମ ହୋଇଥିଲେ ତାହା ବର୍ତ୍ତମାନ ଏକ ମନ୍ଦିର ଏବଂ ସଂଗ୍ରହାଳୟ ।
