କରୋନା ବିପକ୍ଷରେ ଲଢ଼େଇକୁ ମଜବୁତ କରିବା ପାଇଁ ମିଶିଲେ ଆମେରିକା ଏବଂ ଜାପାନ। କରୋନା ଟୀକା ଏବଂ ଔଷଧ ବନାଇବା ପାଇଁ ଜାପାନର ପ୍ରଧାନମନ୍ତ୍ରୀ ସିଂଜୋ ଆବେ ଏବଂ ଆମେରିକାର ରାଷ୍ଟ୍ରପତି ଡୋନାଲଡ଼ ଟ୍ରମ୍ପ ହାତ ମିଳାଇଛନ୍ତି। କେବଳ ଏତିକି ନୁହେଁ ଉଭୟ ଦେଶର ଅର୍ଥବ୍ୟବସ୍ଥାକୁ ବଢାଇବା ପାଇଁ ମଧ୍ୟ ଆଗଭର ହୋଇଛନ୍ତି। ଦୁଇ ନେତା ଜାପାନ ଏବଂ ଆମେରିକା ମଧ୍ୟରେ ବ୍ୟବସାୟିକ ଗତିବିଧିକୁ ଆରମ୍ଭ କରିବା ପାଇଁ ଫୋନ ଜରିଆରେ କଥା ହୋଇ ନିଷ୍ପତ୍ତି ନେଇଛନ୍ତି।
ଜାପାନର ସଚିବ ଜଣାଇଛନ୍ତି ଯେ ଉଭୟ ଦେଶ କରୋନା ଟୀକା ଏବଂ ମେଡ଼ିସିନ ପ୍ରସ୍ତୁତ କରିବା ପାଇଁ ଏକ ହୋଇଛନ୍ତି। ଏହି ପରିପ୍ରେକ୍ଷୀରେ ଜାପାନର ସ୍ୱାସ୍ଥ୍ୟ ମନ୍ତ୍ରାଳୟ ଗୁରୁବାର ଆମେରିକୀୟ କମ୍ପାନୀ ଜିଲିଡ଼ ସାଇନ୍ସସେଜର ଆଣ୍ଟିଭାଇରସ ଔଷଧ ରେମେଡିସିବିରକୁ ସଂକ୍ରମିତ ରୋଗୀଙ୍କ ଚିକିତ୍ସାରେ ପ୍ରୟୋଗ କରିବା ପାଇଁ ଅନୁମତି ଦେଇସାରିଛନ୍ତି।