କହ୍ନେୟା ସିଙ୍ଗ ହତ୍ୟା ମାମଲାରେ ବଡ ଖୁଲାସା : ପିତାଙ୍କ ଜୀବନ ନେବା ଲାଗି ହତ୍ୟାକାରୀକୁ ସୁପାରୀରେ ଝିଅ ଦେଇଥିଲା ହୀରାରେ ନିର୍ମିତ ମୁଦି

ନୂଆଦିଲ୍ଲୀ : ଝାଡ଼ଖଣ୍ଡର ସଢ଼େଇକଳା ଜିଲ୍ଲା ଆଦିତ୍ୟପୁରରେ ଗତ ଜୁନ୍ ୨୯ ତାରିଖରେ ହୋଇଥିବା ପୂର୍ବତନ ବିଧାୟକ ଅରବିନ୍ଦ ସିଂହଙ୍କ ସାଳକ ହତ୍ୟା ମାମଲାରେ ପୋଲିସ ବଡ଼ ଖୁଲାସା କରିଛି । ବ୍ୟବସାୟୀ କହ୍ନେୟା ସିଂହଙ୍କ ହତ୍ୟା ମାମଲାରେ ପୁଲିସ କହିଛି ଯେ, ପ୍ରେମ ପ୍ରସଙ୍ଗ ଲାଗି ହତ୍ୟାକାଣ୍ଡ ହୋଇଛି, ଯେଉଁଥିରେ ମୃତକଙ୍କ ଝିଅର ହାତ ମଧ୍ୟ ରହିଛି ।

ସାମ୍ବାଦିକ ସମ୍ମିଳନୀରେ ଏସ୍‌ପି ଆନନ୍ଦ ପ୍ରକାଶ ଓ ଏସଆଇଟିର ଅଧ୍ୟକ୍ଷ ହରବିନ୍ଦ ସିଂହ କହିଛନ୍ତି ଯେ, କହ୍ନେୟା ସିଙ୍ଗ ଙ୍କ ହତ୍ୟା ପ୍ରେମରେ ଫାଟ ଓ ରାଜବୀର ସିଂହଙ୍କ ପରିବାରକୁ ପ୍ରତାଡିତ କରି ଆଦିତ୍ୟପୁର ଭାଗିବାର ପରିଣାମ ସ୍ୱରୂପ । ଏହି ୨ ଘଟଣାରେ ରାଜବୀର ରାଗରେ ଥିଲା । ଏଥି ପାଇଁ ରାଜବୀର ସିଂହ ନିଜର ପ୍ରେମିକା ଓ କହ୍ନେୟା ସିଂହଙ୍କ ଝିଅ ଅପର୍ଣ୍ଣା ଓ ବନ୍ଧୁ ନିଖିଲ ଗୁପ୍ତାଙ୍କ ସହାୟତା ନେଇ ହତ୍ୟା ଘଟଣାର ରୂପ ଦେଇଥିଲା ।

ଏସ୍‌ପି କହିଛନ୍ତି ଯେ, କହ୍ନେୟା ସିଂହଙ୍କ ହତ୍ୟାକାଣ୍ଡର ସୂତ୍ରଧର ତାଙ୍କର ଝିଅ, ଯିଏକି ସବୁ ତଥ୍ୟ ଓ ଲୋକେଶନ ହତ୍ୟାକାରୀଙ୍କୁ ଦେଉଥିଲା । ପୋଲିସ କହିଛି ଯେ, ଜୁନ ୨୦ରେ ପାଟଣାରେ ହତ୍ୟା ହୋଇଥାନ୍ତା । କିନ୍ତୁ ସୁଯୋଗ ମିଳି ନଥିଲା । ରାଜବୀର ଓ ଅପର୍ଣ୍ଣା ସିଂହଙ୍କ ପ୍ରେମ ୫ ବର୍ଷର ପୁରୁଣା । ଡିଏଭି ଏନଆଇଟିରେ ରାଜବୀର ୧୦ମ ଓ ଅପର୍ଣ୍ଣା ୮ମ ଶ୍ରେଣୀର ଛାତ୍ରୀ ଥିଲେ, ସେହିଦିନଠାରୁ ଉଭୟଙ୍କ ମଧ୍ୟରେ ପ୍ରେମ ହୋଇଥିଲା । ହତ୍ୟାକାଣ୍ଡର ମୁଖ୍ୟ ଶୁଟର ନିଖିଲ ଗୁପ୍ତାକୁ କହ୍ନେୟା ସିଂହଙ୍କ ହତ୍ୟା କରିବା ଲାଗି ସୁକାରୀରେ ରାଜବୀର ମାତ୍ର ୪ ହଜାର ଟଙ୍କା ଓ ନିଜର ପ୍ରେମିକାର ହୀରା ମୁଦି ଦେଇଥିଲା । ହତ୍ୟା ପରେ କିଛି ଟଙ୍କା ଦେବା ପାଇଁ ମଧ୍ୟ ବୁଝାମଣା ହୋଇଥିଲା । ପାଟନାରେ କହ୍ନେୟା ସିଂଙ୍କୁ ମଧ୍ୟ ହତ୍ୟା କରିବାର ଉଦ୍ୟମ ହୋଇଥିଲା। ବିଫଳତା ଉପରେ, ୨୯ ଜୁନ୍ ରେ ଏହି ହତ୍ୟାକାଣ୍ଡ କରାଯାଇଥିଲା ।କୁହାଯାଉଛି ଯେ ଏହି ହତ୍ୟାକାଣ୍ଡରେ ବ୍ୟବହୃତ ଦେଶୀ ପିସ୍ତଲ ସ୍ଥାନୀୟ କଂଗ୍ରେସ ଜିଲ୍ଲା ସଭାପତିଙ୍କ ପୁଅ ଦ୍ୱାରା ଉପଲବ୍ଧ କରାଯାଇଥିଲା।

ଏହି ଘଟଣାର ଖୁଲାସା କରିଥିବା ସମସ୍ତ ପୋଲିସ କର୍ମଚାରୀଙ୍କୁ ପୁରସ୍କୃତ କରିବାକୁ ଏବଂ ଶୀଘ୍ର ଘଟଣାର ତଦନ୍ତ କରି ଦୋଷୀଙ୍କୁ ଦଣ୍ଡ ଦେବାକୁ ଏସପି କହିଛନ୍ତି। ଏହା ମଧ୍ୟ କୁହାଯାଉଇଛି ଯେ ବହୁ ଅନୁସନ୍ଧାନ ପରେ ଆମେ ଏହି ହତ୍ୟାକାଣ୍ଡକୁ ଉନ୍ମୋଚନ କରିଥିଲୁ, ଯାହା ଏକ ଚ୍ୟାଲେଞ୍ଜ ଥିଲା, ଉପରୁ ରାଜନୈତିକ ଚାପ ମଧ୍ୟ ରହିଥିଲା। ଏହା ସତ୍ତ୍ୱେ ଆମେ ଏହି ଘଟଣାର ସତ୍ୟତା ବାହାରକୁ ଆଣିପାରିଛୁ ।