‘ମୁଁ ଏକ ସାପ’…ମଲ୍ଲିକାର୍ଜୁନ ଖରଗେଙ୍କ ଆପତ୍ତିଜନକ ଟିପ୍ପଣୀ ଉପରେ ନିଜର ପ୍ରତିକ୍ରିୟା ରଖି ଖୁବ୍‌ ବର୍ଷିଲେ ପ୍ରଧାନମନ୍ତ୍ରୀ ମୋଦି

କର୍ଣ୍ଣାଟକର କୋଲାରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି କଂଗ୍ରେସକୁ ଟାର୍ଗେଟ କରିଛନ୍ତି। ମୋଦି କହିଛନ୍ତି ଯେ କଂଗ୍ରେସ ହେଉଛି ସେହି ପୁରୁଣା ଇଞ୍ଜିନ, ଯାହା ସବୁବେଳେ ବିକାଶରେ ବାଧା ସୃଷ୍ଟି କରିଥାଏ। ଏହା ସହିତ ମୋଦି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖରଗେଙ୍କ ଆପତ୍ତିଜନକ ଟିପ୍ପଣୀ ଉପରେ ମଧ୍ୟ ଆକ୍ରମଣାତ୍ମକ ଢଙ୍ଗରେ ନିଜର ପ୍ରତିକ୍ରିୟା ରଖିଛନ୍ତି।

କର୍ଣ୍ଣାଟକର କୋଲାରରେ ଏକ ଜନସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖରଗେଙ୍କ ସାପ ବିବୃତ୍ତି ଉପରେ ଆକ୍ରମଣାତ୍ମକ ପ୍ରତିକ୍ରିୟା ଦେଇଛନ୍ତି। ମୋଦି କହିଛନ୍ତି, ଯେ କଂଗ୍ରେସ ମୋତେ ସାପ ସହିତ ତୁଳନା କରୁଛି, କିନ୍ତୁ ଏହା ଜାଣେ ନାହିଁ ଯେ ଭଗବାନ ଶିବଙ୍କ ଗଳାରେ ଥିବା ସାପ ତାଙ୍କର ଶୋଭାବର୍ଦ୍ଧକ। ମୋ ପାଇଁ ଦେଶର ଲୋକମାନେ ଭଗବାନ ଶିବଙ୍କ ପରି।

କଂଗ୍ରେସକୁ ଟାର୍ଗେଟ କରି ପ୍ରଧାନମନ୍ତ୍ରୀ କହିଛନ୍ତି, ପୁରୁଣା ଇଞ୍ଜିନ ପରି କଂଗ୍ରେସ ମଧ୍ୟ ବିକାଶରେ ବାଧା ସୃଷ୍ଟି କରିଥାଏ। କଂଗ୍ରେସ ଦଳ ଯାହା ବି କରୁ, କିନ୍ତୁ କର୍ଣ୍ଣାଟକର ଜନତା ଏହାର ମିଥ୍ୟା ପ୍ରତିଶ୍ରୁତିରେ ଫସିବେ ନାହିଁ।

କହି ରଖୁଛୁ ଯେ କର୍ଣ୍ଣାଟକରେ ବିଧାନସଭା ନିର୍ବାଚନ ପ୍ରଚାର ମଧ୍ୟରେ ଏବେ ରାଜନୀତି ବ୍ୟକ୍ତିଗତ ଆକ୍ଷେପ ପ୍ରତି ଆକ୍ଷେପରେ ପହଞ୍ଚିଛି। କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖରଗେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନେଇ ଦେଇଥିବା ବିବାଦୀୟ ଟିପ୍ପଣୀ ମାମଲା ଶାନ୍ତ ପଡ଼ି ନ ଥିବାବେଳେ ସେପଟେ ଏହାର ଜବାବରେ କର୍ଣ୍ଣାଟକର ବିଜେପି ବିଧାୟକ ବାସନାଗୌଡ଼ା ୟତନାଲ ମଧ୍ୟ ସୋନିଆ ଗାନ୍ଧୀଙ୍କୁ ‘ବିଷକନ୍ୟା’ ବୋଲି କହି ହଙ୍ଗାମା ସୃଷ୍ଟି କରିଛନ୍ତି।