‘ମୁମ୍ବାଇ ବିସ୍ଫୋରଣରେ ଉଡିବ …’ ଧମକପୂର୍ଣ୍ଣ କଲ୍ ଆସିବା ପରେ ହାଇ ଆଲର୍ଟରେ ମୁମ୍ବାଇ ପୋଲିସ
ନୂଆବର୍ଷ ପୂର୍ବରୁ ହାଇ ଆଲର୍ଟରେ ମୁମ୍ବାଇ ପୋଲିସ୍ । ମୁମ୍ବାଇର ବିଭିନ୍ନ ସ୍ଥାନରେ ବିସ୍ଫୋରକ ରଖା ଯାଇଛି ବୋଲି କହି ଅଜଣା ବ୍ୟକ୍ତି ଜଣକ ଫୋନ୍ କାଟି ଦେଇଥିଲା । ଏହାପରେ ପୋଲିସ୍ ପକ୍ଷରୁ ବିଭିନ୍ନ ସ୍ଥାନରେ ଯାଞ୍ଚ କରାଯାଇ କଡ଼ା ପଦକ୍ଷେପ ନିଆଯାଇଛି ।
ନୂଆବର୍ଷ ପୂର୍ବରୁ ହାଇ ଆଲର୍ଟରେ ମୁମ୍ବାଇ ପୋଲିସ୍ । ସହରର ବିଭିନ୍ନ ସ୍ଥାନରେ ବିସ୍ଫୋରକ ରଖାଯାଇଛି ବୋଲି ଏକ ଅଜଣା କଲ୍ ଆସିବା ପରେ ମୁମ୍ବାଇ ପୋଲିସ୍ ତତ୍ପର ହୋଇ ଉଠିଛି । ଗତକାଲି ସନ୍ଧ୍ୟା ୬ଟାରେ ମୁମ୍ବାଇ ପୋଲିସ୍ କଣ୍ଟ୍ରୋଲ ରୁମକୁ ଏହି ଅଜଣା ଫୋନ୍ କଲ୍ ଆସିଥିଲା ।
ମୁମ୍ବାଇର ବିଭିନ୍ନ ସ୍ଥାନରେ ବିସ୍ଫୋରକ ରଖା ଯାଇଛି ବୋଲି କହି ଅଜଣା ବ୍ୟକ୍ତି ଜଣକ ଫୋନ୍ କାଟି ଦେଇଥିଲା । ଏହାପରେ ପୋଲିସ୍ ପକ୍ଷରୁ ବିଭିନ୍ନ ସ୍ଥାନରେ ଯାଞ୍ଚ କରାଯାଇଥିଲା । ତେବେ କୌଣସି ସନ୍ଦିଗ୍ଧ ଜିନିଷ ମିଳିନାହିଁ । ପୋଲିସ କଲ୍ ଡିଟେଲ ଜାଣିବା ପାଇଁ ଚେଷ୍ଟା କରୁଛି । ତଥାପି ପୋଲିସ୍ ପକ୍ଷରୁ ସୁରକ୍ଷା ଦିଗରେ କଡ଼ା ପଦକ୍ଷେପ ନିଆଯାଇଛି ।
Mumbai Police Control received a threatening phone call last evening at around 6 pm where the caller claimed that there would be blasts in Mumbai and disconnected the call after saying this. Police have started investigations at several places but till now nothing suspicious has…
— ANI (@ANI) December 31, 2023
ତେବେ ଏଭଳି ଘଟଣା ପ୍ରଥମଥର ପାଇଁ ନୁହେଁ । ପୂର୍ବରୁ ଅନେକ ଥର ଏଭଳି ଧମକପୂର୍ଣ୍ଣ କଲ୍ ଆସିସାରିଛି । ଏହା ପୂର୍ବରୁ ଆରବିଆଇ ଅଫିସ ସହିତ ମୁମ୍ବାଇର ୧୧ଟି ଅଲଗା ଅଲଗା ସ୍ଥାନରେ ବୋମା ଥିବା ଧମକ ମିଳିଥିଲା । ୨୬ ଡିସେମ୍ବରରେ ଏହି ମାମଲାକୁ ନେଇ ମୁମ୍ବାଇ କ୍ରାଇମ ବ୍ରାଞ୍ଚ ଗୁଜରାଟରୁ ୩ ଜଣକୁ ଗିରଫ କରିଥିଲା । ଆରବିଆଇ ଅଫିସକୁ ଇମେଲରେ ବୋମାରେ ଉଡାଇବାକୁ ଧମକ ମିଳିଥିଲା ।