ଜ୍ୱାଲା ଦେଲା ଖୁସି ଖବର, ୩ଟି ଶାବକ ଜନ୍ମ ଦେଇ ବଢାଇଲା ଚିତା ସଂଖ୍ୟା

ନାମ୍ବିଆରୁ ଆସିଥିବା ବାଘୁଣୀ ଚିତା ଜ୍ବାଲା ୩ ଶାବକଙ୍କୁ ଜନ୍ମ ଦେଲା  । ୩ ଶାବକ ସମ୍ପୂର୍ଣ୍ଣ ସୁସ୍ଥ ଥିବା ସୂଚନା ମିଳିଛି । ଏହାକୁ ମିଶାଇ ମଧ୍ୟପ୍ରଦେଶ କୁନୋରେ ଚିତା ସଂଖ୍ୟା ୨୧କୁ ବୃଦ୍ଧି ପାଇଛି ।

ମଧ୍ୟପ୍ରଦେଶ କୁନୋ ଜାତୀୟ ଉଦ୍ୟାନରେ ବାଘୁଣୀ ଜ୍ବାଲା ଖୁସି ଖବର ଦେଇଛି । ନାମ୍ବିଆରୁ ଆସିଥିବା ବାଘୁଣୀ ଚିତା ଜ୍ବାଲା ୩ ଶାବକଙ୍କୁ ଜନ୍ମ ଦେଲା  । ୩ ଶାବକ ସମ୍ପୂର୍ଣ୍ଣ ସୁସ୍ଥ ଥିବା ସୂଚନା ମିଳିଛି । ଏହାକୁ ମିଶାଇ ମଧ୍ୟପ୍ରଦେଶ କୁନୋରେ ଚିତା ସଂଖ୍ୟା ୨୧କୁ ବୃଦ୍ଧି ପାଇଛି ।

ତା’ ପୂର୍ବରୁ ମାର୍ଚ୍ଚ ୨୦୨୩ରେ ନାମ୍ବିଆରୁ ଆସିଥିବା ଚିତା ବାଘ ଜ୍ୱାଲା ପୂର୍ବରୁ ଚାରିଟି ଶାବକଙ୍କୁ ଜନ୍ମ ଦେଇଥିଲା । ହେଲେ ସେଥିରୁ ମାତ୍ର ଗୋଟିଏ ଜୀବିତ ରହିଛି । ୨୦୨୨, ସେପ୍ଟେମ୍ବର ୧୭ ତାରିଖରେ ଚିତା ପୁନର୍ବାସନ ପାଇଁ ପ୍ରୋଜେକ୍ଟ ଚିତା ଆରମ୍ଭ ହୋଇଥିଲା । ୮ଟି ଚିତା ଭାରତ ଅଣାଯାଇଥିଲା ।

କୁନୋ ଜାତୀୟ ଉଦ୍ୟାନରେ ଗତ ୧ ମାସ ମଧ୍ୟରେ ୬ଟି ଶାବକ ଜନ୍ମ ନେଇସାରିଲାଣି । ଗତ ମାସରେ ଚିତା ଆଶା ୩ଟି ଶାବକ ଜନ୍ମ ଦେଇଥିଲେ । ତେବେ ଏବେ ସମସ୍ତ ଶାବକ ସୁସ୍ଥ ଥିବା ଜଣାପଡିଛି । ଧୀରେ ଧୀରେ କୁନୋରେ ଚିତା ସଂଖ୍ୟା ବଢିବାରେ ଲାଗିଛି ।

ପରିବେଶ ମନ୍ତ୍ରୀ ଭୂପେନ୍ଦ୍ର ଯାଦବ ସୋସିଆଲ ମିଡିଆରେ ଏକ ପୋଷ୍ଟ କରି ଲେଖିଛନ୍ତି, କୁନୋରେ ନୂଆ ଶାବକ, ଜ୍ୱାଲା ନାମକ ନାମ୍ବିଆ ଚିତା ୩ ଶାବକକୁ ଜନ୍ମ ଦେଇଛି । ଆଶା ଦ୍ୱାରା ଶାବକ ଜନ୍ମ ଦେବା ପରର କିଛି ସପ୍ତାହ ପରେ ପୁଣି ଏକ ଖୁସି ଖବର ମିଳିଛି । ସମସ୍ତ ବନ୍ୟଜନ୍ତୁ ପ୍ରେମୀଙ୍କୁ ଅଭିନନ୍ଦନ । ଏଭଳି ବନ୍ୟଜନ୍ତୁ ବଢନ୍ତୁ ଆଉ ପ୍ରୋଜେକ୍ଟ ଚିତା ସଫଳ ହେଉ ।

Leave A Reply

Your email address will not be published.