ଫନିର ତାଣ୍ଡବରେ କଣ ରହିଛି ରାଜଧାନୀର ଚିତ୍ର, ନାସା ଜାରି କଲା ଟ୍ଵିନସିଟି ଫଟୋ
ଭୁବନେଶ୍ୱର(କେନ୍ୟୁଜ୍) : ମାତ୍ର ଦୁଇଘଣ୍ଟାର ତାଣ୍ଡବରେ ଓଡିଶାର ଟ୍ଵିନସିଟିର ସ୍ଥିତି ପରିବର୍ତ୍ତନ କରିଛି ସାମୁଦ୍ରିକ ବାତ୍ୟା ଫନି। ବାତ୍ୟା ‘ଫନି’ ତାଣ୍ଡବ ରଚି ଗଲା ପରେ ଦୀର୍ଘ ୫ଦିନ ଧରି ଅନ୍ଧାରରେ ରହିଥିଲା ଟ୍ୱିନସିଟି । ଘୂର୍ଣ୍ଣିବାତ୍ୟା ‘ଫନି’ ପରେ ଓଡ଼ିଶାର ଅନ୍ୟାନ୍ୟ କେତେକ ଅଞ୍ଚଳ ସହ ବିପର୍ୟ୍ୟସ୍ତ ହୋଇ ପଡ଼ିଥିବା କଟକ ଓ ଭୁବନେଶ୍ୱର ସହରର ପର ଏବଂ ପୂର୍ବ ଫଟୋ ଶେୟାର୍ କରିଛି ଆମେରିକୀୟ ସ୍ପେସ୍ ଏଜେନ୍ସି ‘ନାସା’ ।
Power outages in #Bhubaneswar and #Cuttack after Cyclone #Fani. https://t.co/X7A9NYDsGi #NASA #India pic.twitter.com/fA4raahpyb
— NASA Earth (@NASAEarth) May 8, 2019
ବାତ୍ୟାର ୫ଦିନ ପରେ ମଧ୍ୟ ଟ୍ଵିନ ସିଟିର ଅଧିକାଂଶ ଅଞ୍ଚଳ ଅନ୍ଧାକାରରେ ରହିଛି। ଏପରିକି ମୋବାଇଲ ନେଟଓ୍ଵାର୍କ ମଧ୍ୟ ସଠିକ୍ ହୋଇନାହିଁ। ‘ନାସା’ ସେୟାର୍ କରିଥିବା ଫଟୋଗୁଡ଼ିକ ବାତ୍ୟା ସ୍ଥଳ ଭାଗରେ ପ୍ରବେଶ କରିବାର ଦୁଇ ଦିନ ପୂର୍ବ ଓ ଦୁଇ ଦିନ ପରର । ଅର୍ଥାତ୍ ଏପ୍ରିଲ୍ ୩୦ ତାରିଖ ଏବଂ ମେ ୫ ତାରିଖର । ଏଥିରେ ଓଡ଼ିଶାର ଦୁଇ ପ୍ରମୁଖ ସହର କଟକ ଓ ଭୁବନେଶ୍ୱରର ରାତ୍ରୀକାଳୀନ ଦୃଶ୍ୟ ଦେଖାଯାଉଛି ।
