ଜାତୀୟ ଶିକ୍ଷା ନୀତି ୨୦୨୦ : ପିଲା ପଢିବେ ରାମାୟଣ ଓ ମହାଭାରତ, ସ୍କୁଲ କାନ୍ଥରେ ରହିବ ସମ୍ବିଧାନର ମୁଖବନ୍ଧ
ସ୍କୁଲ ପାଠ୍ୟକ୍ରମରେ ସାମିଲ ହୋଇପାରେ ରାମାୟଣ ଓ ମହାଭାରତ। ସପ୍ତମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ପଢିବେ ରାମାୟଣ ଓ ମହାଭାରତ।
ସ୍କୁଲ ପାଠ୍ୟକ୍ରମରେ ସାମିଲ ହୋଇପାରେ ରାମାୟଣ ଓ ମହାଭାରତ। ସପ୍ତମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ପଢିବେ ରାମାୟଣ ଓ ମହାଭାରତ। ସୋସିଆଲ ସାଇନ୍ସ ପାଠ୍ୟକ୍ରମ ସଂଶୋଧନ ପାଇଁ ଏନସିଇଆରଟି ପକ୍ଷରୁ ଗଠିତ ଉଚ୍ଚସ୍ତରୀୟ କମିଟି ରାମାୟଣ, ମହାଭାରତକୁ ପାଠ୍ୟକ୍ରମରେ ସାମିଲ କରିବା ସହ ଶ୍ରେଣୀ କାନ୍ଥରେ ସମ୍ବିଧାନର ମୁଖବନ୍ଧ ବା ପ୍ରିଆମ୍ବଲ ଲେଖିବାକୁ ସୁପାରିଶ କରିଛି।
ଏହି କମିଟିର ସୁପାରିଶ ଜାତୀୟ ସିଲାବସ ଓ ଟିଚିଂ ଲର୍ଣ୍ଣିଂ ମ୍ୟାଟେରିଆଲ କମିଟିରେ ଉପସ୍ଥାପିତ ହେବ। ରାମାୟଣ ଓ ମହାଭାରତ ସ୍କୁଲ ପାଠ୍ୟକ୍ରମରେ ସାମିଲ ହେବା ଦ୍ୱାରା ଛାତ୍ରଛାତ୍ରୀଙ୍କ ମଧ୍ୟରେ ଆତ୍ମସମ୍ମାନ ବଢିବ, ଦେଶପ୍ରେମ ସୁଦୃଢ ହେବ ଓ ଦେଶର ସଂସ୍କୃତିକୁ ସେମାନେ ବୁଝିପାରିବେ ବୋଲି କମିଟି ମତ ଦେଇଛି। ପୂର୍ବରୁ ଏହି କମିଟି ସ୍କୁଲ ପାଠ୍ଯପୁସ୍ତକରେ ଇଣ୍ଡିଆ ବଦଳରେ ଭାରତ ଲେଖିବାକୁ ଓ ପ୍ରାଚୀନ ଇତିହାସ ବଦଳରେ କ୍ଲାସିକାଲ ହିଷ୍ଟ୍ରି ସାମିଲ କରିବାକୁ ସୁପାରିଶ କରିଛି। ଜାତୀୟ ଶିକ୍ଷା ନୀତି ୨୦୨୦ ଅନୁଯାୟୀ ଏନସିଇଆରଟି ସ୍କୁଲ ପାଠ୍ୟକ୍ରମ ସଂଶୋଧନ କରୁଛନ୍ତି। ଆଗାମୀ ଶିକ୍ଷା ବର୍ଷରୁ ନୂଆ ଏନସିଇଆରଟି ପାଠ୍ୟପୁସ୍ତକ ପ୍ରଚଳନ ହେବ।