ଆପଣ ଘରେ କୁକୁର ରଖିଛନ୍ତି କି ? କୁକୁର ରଖିଥିଲେ ସାବଧାନ ହୋଇଯାଆନ୍ତୁ ! ଯଦି ଆପଣଙ୍କ କୁକୁର କାହାକୁ କାମୁଡେ ତେବେ ଆପଣ ୧୦ ହଜାର ଜରିମାନା ସହିତ ଚିକିତ୍ସା ଖର୍ଚ୍ଚ ମଧ୍ୟ ବହନ କରିବାକୁ ବାଧ୍ୟ । ଏମିତି ନିଷ୍ପତ୍ତି ନୋଏଡା ଅଥରିଟି ନେଇଛି । ଆପଣଙ୍କ ଜନ୍ତୁ କୌଣସି ସାର୍ବଜନୀନ ସ୍ଥାନରେ ଅପରିଷ୍କାର କଲେ ଆପଣଙ୍କୁ ସେହି ସ୍ଥାନକୁ ସଫା କରିବାକୁ ହେବ।
ନୋଏଡା ଅଥରିଟିର ୨୦୭ ତମ ବୋର୍ଡ ବୈଠକରେ ବୁଲା/ପୋଷା କୁରୁର/ପୋଷା ବିଲେଇ ପାଇଁ ପ୍ରାଧିକରଣ ନୀତି ନିର୍ଦ୍ଧାରଣ ସମ୍ବନ୍ଧରେ ବଡ ନିଷ୍ପତ୍ତି ନିଆଯାଇଛି । ନୋଏଡା ପାଇଁ ଆନିମଲ୍ ୱେଲଫେୟାର ବୋର୍ଡ ଅଫ୍ ଇଣ୍ଡିଆର ଗାଇଡ୍ ଲାଇନର ଅନୁପାଳନ କରି ନୋଏଡା ଅଥୋରିଟି ନୀତିର ନିର୍ଦ୍ଧାରଣ କରିଛି । ନୋଏଡା ଅଥୋରିଟିର ନୂଆ ନିୟମ ଅନୁସାରେ ଯଦି ପୋଷା କୁକୁର କାହାକୁ କାମୁଡିଲେ ତାର ମାଲିକଙ୍କୁ ୧୦ ହଜାର ଟଙ୍କା ଜରିମାନା ସହିତ ଚିକିତ୍ସା ଖର୍ଚ୍ଚ ମଧ୍ୟ ଦେବାକୁ ପଡିବ । ଟ୍ଵିଟ୍ କରି ଜଣାଇଛନ୍ତି ନୋଏଡା ଅଥରିଟିର ସିଇଓ ।
आज @noida_authority की 207वीं बोर्ड की बैठक में आवारा/पालतू कुत्तों/पालतू बिल्लियों हेतु नौएडा प्राधिकरण की नीति निर्धारण के संबंध में निर्णय लिए गए।
नौएडा क्षेत्र हेतु एनीमल वेलफेयर बोर्ड ऑफ इण्डिया की गाइडलाइन का अनुपालन करते हुये प्राधिकरण द्वारा नीति का निर्धारण किया गया है।— CEO, NOIDA Authority #IndiaFightsCorona (@CeoNoida) November 12, 2022
ନୋଏଡା ଅଥରିଟି ଅନୁସାରେ ୩୧ ଜାନୁୟାରୀ ୨୦୨୩ ସୁଦ୍ଧା ପୋଷା କୁକୁର ଏବଂ ବିଲେଇର ରେଜିଷ୍ଟ୍ରେସନ ବାଧ୍ୟତାମୂଳକ । ରେଜିଷ୍ଟ୍ରେସନ ନ କଲେ ଜରିମାନା ଲଗାଯିବ ।
ପୋଷା କୁକୁରର ଷ୍ଟରଲାଇଜେସନ/ ଏଣ୍ଟିରେବିଜକୁ ବାଧ୍ୟତାମୂଳକ କରାଯାଇଛି ।
୧ ମାର୍ଚ୍ଚ ୨୦୨୩ରୁ ପ୍ରତି ମାସରେ ୨୦୦୦ ଜୋରିମାନା ଲଗାଯିବା ନିୟମ ରହିଛି । ପୋଷା ଜୀବଜନ୍ତୁ ସାର୍ବଜନିକ ସ୍ଥଳରେ ଅପରିଷ୍କାର କଲେ ସଫାସଫି ନେଇ ଦାୟିତ୍ୱ ମାଲିକ ବୁଝିବେ ।
ପୋଷା କୁକୁର ଏବଂ ବିଲେଇ ଯୋଗୁଁ ଯଦି କୌଣସି ଅପ୍ରିୟ ପରିସ୍ଥିତି ଉପୁଜେ ତେବେ ୧୦ ହଜାର ଟଙ୍କା ମାଲିକ ଉପରେ ଆର୍ଥିକ ଦଣ୍ଡ ଲଗାଯିବ । ଏହାସହିତ ଆହତ ବ୍ୟକ୍ତିଙ୍କ ଚିକିତ୍ସା ଖର୍ଚ୍ଚ ମଧ୍ୟ ମାଲିକଙ୍କୁ ଦେବାକୁ ପଡିବ।