ମୋଦିଙ୍କ ସହ ଫୋନ୍ରେ କଥା ହେଲେ ପୁଟିନ୍, ଓ୍ଵାଗନର ବିଦ୍ରୋହ ଓ ରୁଷ୍-ୟୁକ୍ରେନ ଯୁଦ୍ଧକୁ ନେଇ ଆଲୋଚନା
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଫୋନରେ କଥା ହୋଇଛନ୍ତି। ଏହି ସମୟରେ ଉଭୟ ନେତା ଓ୍ଵାଗନର ବିଦ୍ରୋହ ଏବଂ ରୁଷ୍-ୟୁକ୍ରେନ ଯୁଦ୍ଧ ବିଷୟରେ ଆଲୋଚନା କରିଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଫୋନରେ କଥା ହୋଇଛନ୍ତି। ଏହି ସମୟରେ ଉଭୟ ନେତା ଓ୍ଵାଗନର ବିଦ୍ରୋହ ଏବଂ ରୁଷ୍-ୟୁକ୍ରେନ ଯୁଦ୍ଧ ବିଷୟରେ ଆଲୋଚନା କରିଥିଲେ।
ରୁଷ୍ ରାଷ୍ଟ୍ରପତି ଭବନ ‘କ୍ରେମଲିନ୍’ ଏକ ବିବୃତ୍ତି ଜାରି କରି କହିଛି ଯେ ପ୍ରଧାନମନ୍ତ୍ରୀ ମୋଦି ଓ ରାଷ୍ଟ୍ରପତି ପୁଟିନ ଦ୍ୱିପାକ୍ଷିକ ସହଭାଗିତାକୁ ମଜଭୁତ କରିବା ଉପରେ ମଧ୍ୟ ଆଲୋଚନା କରିଥିଲେ।
ବିଭିନ୍ନ କ୍ଷେତ୍ରରେ ରୁଷ୍ ଏବଂ ଭାରତ ମଧ୍ୟରେ ପ୍ରମୁଖ ମିଳିତ ପ୍ରକଳ୍ପର ନିରନ୍ତର କାର୍ଯ୍ୟକାରିତା ଉପରେ ଗୁରୁତ୍ୱାରୋପ କରିଥିଲେ। ଏହା ସହିତ ସଂଘାଇ ସହଯୋଗ ସଙ୍ଗଠନ ଏବଂ ଜି-୨୦ରେ ସହଯୋଗକୁ ନେଇ ମଧ୍ୟ ଦୁଇ ନେତାଙ୍କ ମଧ୍ୟରେ ଆଲୋଚନା ହୋଇଥିଲା।
ପୁଟିନ ଏହାପୂର୍ବରୁ ଗୁରୁବାର ପ୍ରଧାନମନ୍ତ୍ରୀ ମୋଦିଙ୍କୁ ମସ୍କୋର ‘ଭଲ ବନ୍ଧୁ’ ବୋଲି ବର୍ଣ୍ଣନା କରିଥିଲେ। ସେ କହିଥିଲେ ଯେ ‘ମେକ୍ ଇନ୍ ଇଣ୍ଡିଆ’ ଅଭିଯାନ ଭାରତୀୟ ଅର୍ଥନୀତି ଉପରେ ବାସ୍ତବରେ ପ୍ରଭାବଶାଳୀ ପ୍ରଭାବ ପକାଇଛି।