ମଣିପୁରରେ ଥମୁନି ହିଂସା, ହେଲିପ୍ୟାଡ୍ ନିରୀକ୍ଷଣ କରିବା ବେଳେ SDPOଙ୍କୁ ଗୁଳି କରି ହତ୍ୟା
ମଣିପୁରରେ ହିଂସା ଥମୁନି। ଏବେ ପୁଣି ଏଠାରୁ ଏକ ସମ୍ବେଦନଶୀଳ ମାମଲା ସାମ୍ନାକୁ ଆସିଛି। ତେଙ୍ଗନୌପାଲ୍ ଜିଲ୍ଲାର ମୋରେହରେ ଏସ୍ଡିପିଓ ଚିଙ୍ଗ୍ଥମ ଆନନ୍ଦଙ୍କୁ ଗୁଳି କରି ହତ୍ୟା କରାଯାଇଛି।
ମଣିପୁରରେ ହିଂସା ଥମୁନି। ଏବେ ପୁଣି ଏଠାରୁ ଏକ ସମ୍ବେଦନଶୀଳ ମାମଲା ସାମ୍ନାକୁ ଆସିଛି। ତେଙ୍ଗନୌପାଲ୍ ଜିଲ୍ଲାର ମୋରେହରେ ଏସ୍ଡିପିଓ ଚିଙ୍ଗ୍ଥମ ଆନନ୍ଦଙ୍କୁ ଗୁଳି କରି ହତ୍ୟା କରାଯାଇଛି। ଏସ୍ଡିପିଓ ଆନନ୍ଦ ସୀମାନ୍ତ ସହରରେ ନୂତନ ଭାବେ ନିର୍ମିତ ହେଲିପ୍ୟାଡ୍ର ନିରୀକ୍ଷଣ କରୁଥିଲେ। ଏହି ସମୟରେ ଉଗ୍ରବାଦୀମାନେ ତାଙ୍କ ଉପରକୁ ଗୁଳି ଚଳାଇଥିଲେ।
ରିପୋର୍ଟ ମୁତାବକ, ଗୁଳି ବାଜିବା ପରେ ଏସଡିପିଓଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା, ହେଲେ ସେଠାରେ ତାଙ୍କର ମୃତ୍ୟୁ ଘଟିଥିଲା। ଏହି ଘଟଣାରେ ମଣିପୁର ମୁଖ୍ୟମନ୍ତ୍ରୀ ଏନ୍ ବିରେନ ସିଂ ଦୁଃଖ ପ୍ରକାଶ କରିବା ସହ ଏହାକୁ ଏକ ନୃଶଂସ ହତ୍ୟାକାଣ୍ଡ ବୋଲି କହିଛନ୍ତି।
ସେପଟେ ଏହି ଘଟଣା ପରେ ପୋଲିସ ଉଗ୍ରବାଦୀମାନଙ୍କୁ ଧରିବା ପାଇଁ ଅଞ୍ଚଳରେ ବ୍ୟାପକ ଅଭିଯାନ ଆରମ୍ଭ କରିଛି। ସକାଳ ପ୍ରାୟ ସାଢ଼େ ୯ଟା ସମୟରେ ଏହି ଘଟଣା ଘଟିଥିବା କୁହାଯାଉଛି। କହି ରଖୁଛୁ ଯେ ଅନେକ ଆଦିବାସୀ ସଙ୍ଗଠନ ସୀମାନ୍ତ ସହର ମୋରେହରୁ ମଣିପୁର ପୋଲିସକୁ ହଟାଇବାକୁ ଦାବି କରିବାର କିଛି ଦିନ ପରେ ଏହି ଘଟଣା ଘଟିଛି। ସୀମାନ୍ତ ସହରରେ ଚୋରି ମାମଲାରେ ସମ୍ପୃକ୍ତ ମିଆଁମାରର ଅନେକ ନାଗରିକଙ୍କୁ ପୋଲିସ ଗିରଫ କରିଛି।
ସୂଚନାଥାଉ କି, ମେ’ରୁ ବହୁ ସଂଖ୍ୟକ ମେତେଇ ଏବଂ କୁକୀ ଜନଜାତିଙ୍କ ମଧ୍ୟରେ ସଂଘର୍ଷ କାରଣରୁ ୧୮୦ରୁ ଅଧିକ ଲୋକ ପ୍ରାଣ ହରାଇଛନ୍ତି। ୬୦,୦୦୦ରୁ ଅଧିକ ଲୋକ ବିସ୍ଥାପିତ ହୋଇଛନ୍ତି।
