କାରୋନା ଭାଇରସର ସହ ଲଢେଇ କରିବାକୁ ଏବେ ସାରା ଦେଶକୁ ଲକଡାଉନ କରାଯାଇଛି। ଲୋକମାନେ ଘରେ ରହି କେମିତି ନିଜକୁ ସୁରକ୍ଷିତ ରହିବେ ସେ ନେଇ ପ୍ରଧାନମନ୍ତ୍ରୀ ଲୋକମାନଙ୍କୁ ଅନୁରୋଧ କରିଛନ୍ତି। କିନ୍ତୁ କିଛି ଲୋକ ଏହି ଲକଡାଉନର ନିୟମକୁ ନ ମାନି ବାହାରେ ବୁଲୁଛନ୍ତି। ଆଉ ଏଥିପାଇଁ ଚାରିଆଡେ ପୋଲିସକର୍ମୀଙ୍କୁ ନିୟୋଜିତ କରାଯାଇଛି। ଲକଡାଉନବେଳେ ଯେଉଁ ଲୋକଙ୍କୁ ପୋଲିସ ବାହାରେ ଦେଖୁଛି ତାଙ୍କୁ ମାଡ଼ ମାରି ଘରକୁ ଯିବା ପାଇଁ କହୁଛନ୍ତି। ନିକଟରେ ଆପଣ ଅନେକ ଭିଡିଓ ଭାଇରଲ ହେଉଥିବା ଦେଖିଥିବେ ଯେଉଁଥିରେ ପୋଲିସ ବାହାରେ ବୁଲୁଥିବା ଲୋକଙ୍କ ଉପରେ ଲାଠି ମାଡ କରୁଛନ୍ତି କିନ୍ତୁ ଆଜି ଆମେ ଆପଣଙ୍କ ପାଇଁ ଯେଉଁ ଖବର ବିଷୟରେ କହୁଛୁ ସେଠି ଏହି ଘଟଣାର ଠିକ ଓଲଟା ହୋଇଛି। ରାସ୍ତାରେ ପୋଲିସ ଲୋକମାନଙ୍କୁ ନୁହେଁ ବରଂ ଲୋକେ ପୋଲିସକୁ ମାରୁଛନ୍ତି।
ଭାରତୀୟ କ୍ରିକେଟର ହରଭଜନ ସିଂ ନିକଟରେ ନିଜର ଟ୍ଵିଟର ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି, ଯାହା ଏବେ ଖୁବ ଭାଇରଲ ହେଉଛି। ଏହି ଭିଡ଼ିଓରେ ଆପଣ ଦେଖିପାରୁଥିବେ ଯେ ଲକଡାଉନ ସମୟରେ ମଧ୍ୟ କିଛି ଲୋକ ରୁଣ୍ଡ ହୋଇ ବାହାରେ ବୁଲୁଥିବା ଦେଖିବାକୁ ମିଳୁଛି। କିନ୍ତୁ ଯେତେବେଳେ ପୋଲିସ ଏହି ଲୋକମାନଙ୍କୁ ଅଟକାଇ ଘରକୁ ଯିବାକୁ କହିଲେ ସେତେବେଳେ ଏହି ଲୋକମାନେ ପୋଲିସ ଉପରେ ପାଲଟା ଆକ୍ରମଣ କଲେ।
We have to change our fucking attitude towards police.don’t forget they are putting their life to save ours.they also have families but they r doing their duty for the nation..why can’t we all just stay at home and be sensible for once for better tomorrow. Plz be sensible 😡😡😡 pic.twitter.com/lEXD0LJSgM
— Harbhajan Turbanator (@harbhajan_singh) March 26, 2020
କେବଳ ଏତିକି ନୁହେଁ କିଛି ଲୋକେ ଦୁଇଜଣ ପୋଲିସକର୍ମୀଙ୍କୁ ଘେରି ଯାଇଥିବା ନଜର ଆସୁଛି। ଭିଡ଼ିଓରେ ଆପଣ ଦେଖିପାରୁଥିବେ ଯେ ଜଣେ ଯୁବକ ପୋଲିସକୁ ମାରି ମାରି ରାସ୍ତାରେ ପକାଇଦେଉଛି। ଏହାପରେ ବି ଲଗାତାର ପୋଲିସକୁ ମାଡ ମରିଚାଲିଥିଲେ। ତେବେ ଏହାରି ଭିତରେ ମଧ୍ୟ ଜଣେ ଯୁବକ ଆକ୍ରମଣ କରୁଥିବା ଜୀବକକୁ ଅଟକାଉଥିଲେ କିନ୍ତୁ ସେ ଯୁବକ ଜଣକ ବିନା ଡରରେ ପୋଲିସକୁ ମାଡ ମାରି ଚାଲିଥିଲେ।
ହରଭଜନ ଏହି ଭିଡ଼ିଓକୁ ସେୟାର କରି ଲେଖିଛନ୍ତି, “ପୋଲିସଙ୍କ ପ୍ରତି ଆମର ଖରାପ ଚିନ୍ତାଧାରାକୁ ବଦଳାଇବାକୁ ପଡିବ। ଆମେ ଏହା ଭୁଲିବା ଉଚିତ ନୁହେଁ ଯେ ସେମାନେ ଆମର ଜୀବନ ବଞ୍ଚାଇବା ପାଇଁ ନିଜ ଜୀବନକୁ ବାଜି ଲଗାଇ ସାରା ଦିନ ରାସ୍ତା ଉପରେ ଜଗି ରହୁଛନ୍ତି। ସେମାନଙ୍କର ମଧ୍ୟ ପରିବାର ରହିଛି,କିନ୍ତୁ ସେମାନେ ଦେଶ ପାଇଁ ନିଜର କର୍ତ୍ତବ୍ୟ କରୁଛନ୍ତି। ଆମର ବି କର୍ତ୍ତବ୍ୟ ଯେ ଏଭଳି ସ୍ଥିତିରେ ଆମ ସମାଜ ଏବଂ ଦେଶର ରକ୍ଷା ପାଇଁ ଘରେ ରହିବା ଉଚିତ।
ଏହି ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରଲ ହେଉଛି। ଲୋକେ ଭିଡ଼ିଓକୁ ଦେଖି ବିଭିନ୍ନ ପ୍ରକାର ପ୍ରତିକ୍ରିୟା ମଧ୍ୟ ଦେଉଛନ୍ତି।