ଡିସେମ୍ବର ୬ରେ ଭାରତ ଆସୁଛନ୍ତି ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ୍, ମୋଦିଙ୍କୁ ଭେଟିବେ
ଭାରତ ଆସୁଛନ୍ତି ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ୍। ଭାରତ ଓ ରୁଷ ମଧ୍ୟରେ ୨୧ତମ ଶିଖର ବାର୍ତ୍ତା ପାଇଁ ଡିସେମ୍ବର ୬ରେ ଭାରତ ଆସିବେ ପୁଟିନ୍। ଏ ଅବସରରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାକ୍ଷାତ କରିବେ। କରୋନା କାଳ ମଧ୍ୟରେ ନରେନ୍ଦ୍ର ମୋଦି ଓ ପୁଟିନ୍ଙ୍କର ଏହା ପ୍ରଥମ ସାକ୍ଷାତ। ଏ ଅବସରରେ ଉଭୟ ଦେଶକୁ ମଜଭୁତ କରିବା ପାଇଁ ଦୁଇ ନେତା ଆଲୋଚନା କରିବେ। ପୁଟିନ୍ଙ୍କ ଭାରତ ଗସ୍ତ ସମ୍ପର୍କରେ ବିଦେଶ ମନ୍ତ୍ରାଳୟର ପ୍ରବକ୍ତା ଅରିନ୍ଦମ୍ ବାଗ୍ଚୀ ସୂଚନା ଦେଇଛନ୍ତି।
Russian President Vladimir Putin will visit India on Dec 6, 2021. During the negotiations with PM Narendra Modi, it is planned to discuss further development of relations of the special and privileged strategic partnership between the two countries: Russian Embassy pic.twitter.com/0hO2FcY12L
— ANI (@ANI) November 26, 2021
୬ ଡିସେମ୍ବର ୨୦୨୧ରେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ନୂଆଦିଲ୍ଲୀରେ ପହଞ୍ଚିବେ। ଭାରତ-ରୁଷ ‘ଟୁ-ପ୍ଲସ୍-ଟୁ’ ମିଟିଂ ରକ୍ଷା ଓ ବିଦେଶ ମନ୍ତ୍ରିସ୍ତରୀୟ ସମ୍ବାଦର ପ୍ରଥମ ସଂସ୍କରଣ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରାଷ୍ଟ୍ରପତି ଭ୍ଲାଦିମିର ପୁଟିନ୍ଙ୍କର ଏକ ଶିଖର ବୈଠକ ସହ ଆୟୋଜିତ ହେବ। ଭାରତ ଓ ରୁଷ ମଧ୍ୟରେ ପ୍ରଥମ ୨+୨ ବାର୍ତ୍ତା ଡିସେମ୍ବର ୬ରେ ଅନୁଷ୍ଠିତ ହେବ।
ଭାରତ ଗସ୍ତ ବେଳେ ପୁଟିନ୍ ଅନେକଗୁଡ଼ିଏ ଚୁକ୍ତିନାମାରେ ସ୍ୱାକ୍ଷର କରିପାରନ୍ତି। ୨୦୨୧ରେ ପୁଟିନ୍ଙ୍କର ଏହା ଦ୍ୱିତୀୟ ବିଦେଶ ଯାତ୍ରା। ଶିଖର ସମ୍ମିଳନରେ ଯୋଗ ଦେବା ପାଇଁ ପୁଟିନ୍ ଶେଷ ଥର ପାଇଁ ୨୦୧୮ରେ ଆସିଥିଲେ। ଏ ଅବସରରେ ଏସ୍-୪୦୦ ଡିଲ୍ରେ ଉଭୟ ଦେଶ ହସ୍ତାକ୍ଷର କରିଥିଲେ।
