ସ୍କୁଲ ବସ୍ ଓ ଡମ୍ପର ଧକ୍କା, ଜଣେ ସ୍କୁଲ ଛାତ୍ରୀ ସହିତ ପ୍ରିନ୍ସିପାଲ ମୃତ
ଏକ ଖେଳ ପ୍ରତିଯୋଗିତାରେ ଭାଗ ନେବା ପାଇଁ ଯାଇଥିବା ବେଳେ ଘଟିଲା ଦୁର୍ଘଟଣା । ସ୍କୁଲ ବସ୍ ଏବଂ ଡମ୍ପର ଧକ୍କା ହେବା ଫଳରେ ଜଣେ ଛାତ୍ରଙ୍କ ସହିତ ପ୍ରିନ୍ସିପାଲଙ୍କର ମୃତ୍ୟୁ ହୋଇଥିବା ଖବର ମିଳିଛି । ରାଜସ୍ଥାନ ବାଡମେରରେ ଘଟିଛି ଏଭଳି ଘଟଣା ।
ରାଜସ୍ଥାନର ବାଡମେର ଜିଲ୍ଲାରେ ସ୍କୁଲ ବସ୍ ଏବଂ ଡମ୍ପର ଧକ୍କା । ଫଳରେ ଜଣେ ସ୍କୁଲ ଛାତ୍ରୀ ଏବଂ ସ୍କୁଲ ପ୍ରିନ୍ସପାଲଙ୍କର ମୃତ୍ୟୁ ହୋଇଥିବା ବେଳେ ଅନେକ ଛାତ୍ରୀ ଆହତ ହୋଇଛନ୍ତି । ସ୍କୁଲ ଛାତ୍ରମାନେ ଏକ ଖେଳ ପ୍ରତିଯୋଗିତାରେ ଭାଗନେବାକୁ ଯାଇଥିବା ବେଳେ ଏହି ଦୁର୍ଘଟଣା ଘଟିଥିଲା । ଘଟଣା ବିଷୟରେ ସୂଚନା ମିଳିବା ପରେ ପୋଲିସ ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
ଖବର ମୁତାବକ, ରାଜସ୍ଥାନର ବାଡମେର ଜିଲ୍ଲାରେ ଥିବା ମଡେଲ ସ୍କୁଲ ଡେଟାନୀର ଛାତ୍ରମାନେ ଏକ ଖେଳ ପ୍ରତିଯୋଗିତାରେ ଭାଗ ନେବା ପାଇଁ ରାନୀଓ୍ଵାଡା ଯାଇଥିଲେ । ସେଠାରୁ ଫେରୁଥିବା ସମୟରେ ସ୍କୁଲ ବସ୍ ଏବଂ ଡମ୍ପର ମଧ୍ୟରେ ଜୋରଦାର ଟକ୍କର ହୋଇଥିଲା । ଫଳରେ ଜଣେ ଛାତ୍ରୀ ଜୀବନ ଚାଲିଯାଇଥିବା ବେଳେ ଅନେକ ଛାତ୍ରୀ ଆହତ ହୋଇଛନ୍ତି । ଆହତ ଛାତ୍ରୀଙ୍କୁ ସିଏଚସି ଗାଗାରିଆରେ ଭର୍ତ୍ତି କରାଯାଇଛି ।
#WATCH | Rajasthan: One dead, several students injured in a collision between a school bus and dumper in Sahlau village of Barmer
Additional District Collector, Anjum Tahir Samma says, “According to the initial information, girl students and the staff of Model School Detani went… pic.twitter.com/XLbEDv7Mr7
— ANI MP/CG/Rajasthan (@ANI_MP_CG_RJ) September 24, 2023
ଘଟଣାରେ ସ୍କୁଲ ପ୍ରିନ୍ସିପାଲ ମହମ୍ମଦ ଇବ୍ରାହିମ ଗୁରୁତର ଆହତ ହୋଇଥିଲେ । ଚିକିତ୍ସା ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ପୋଲିସ କହିଛି । ପୋଲିସ ଘଟଣା ସ୍ଥଳରେ ତଦନ୍ତ ଆରମ୍ଭ କରିଛି । ଗୁରୁତର ୩ ଜଣ ଛାତ୍ରୀଙ୍କୁ ଯୋଧପୁର ରେଫର କରାଯାଇଛି ।
