ଦିଲ୍ଲୀରୁ ମଧ୍ୟପ୍ରଦେଶର ଜବଲପୁର ଯାଉଥିବା ସ୍ପାଇସଜେଟର ଏକ ବିମାନ ବଡ ଦୁର୍ଘଟଣାରୁ ବଞ୍ଚିଯାଇଛି। ଖାସ୍ ଏଥିପାଇଁ ବିମାନ ଜରୁରୀ ଅବତରଣ କରିଛି । ସୂଚନା ଅନୁସାରେ, ବିମାନଟି ପ୍ରାୟ ୫ ହଜାର ଫୁଟ ଉପରେ ଉଡୁଥିବା ବେଳେ କ୍ୟାବିନ୍ରେ ଧୂଆଁ ଦେଖିବାକୁ ପାଇଥିଲେ । ଏହା ପରେ ତୁରନ୍ତ ବିମାନଟିକୁ ଦିଲ୍ଲୀକୁ ଫେରାଇ ଅଣାଯାଇଥିଲା । ଦିଲ୍ଲୀରେ ଜରୁରୀ ଅବତରଣ ପରେ ଯାତ୍ରୀମାନେ ସୁରକ୍ଷିତ ଭାବେ ଓହ୍ଲାଇଥିବା ଜଣାପଡିଛି । ଘଟଣାର ଯାଞ୍ଚ କରାଯାଉଛି। ଏବେ ଦେଖନ୍ତୁ ଭିଡିଓ :
#WATCH | A SpiceJet aircraft operating from Delhi to Jabalpur returned safely to the Delhi airport today morning after the crew noticed smoke in the cabin while passing 5000ft; passengers safely disembarked: SpiceJet Spokesperson pic.twitter.com/R1LwAVO4Mk
— ANI (@ANI) July 2, 2022
ଏହାରି ମଧ୍ୟରେ ବିମାନ ଭିତରର ଏକ ଭିଡିଓ ଏବେ ସାମ୍ନାକୁ ଆସିଛି । ଭିଡିଓରେ ସ୍ପାଇସଜେଟର ସେହି ବିମାନଟି ସମ୍ପୂର୍ଣ୍ଣ ଧୂଆଁମୟ ହୋଇଯାଇଥିବା ଦେଖିବାକୁ ମିଳିଛି । ଇଲେକ୍ଟ୍ର ସର୍ଟ ସର୍କିଟ୍ ଯୋଗୁଁ ଏପରି ହୋଇଥାଇପାରେ ବୋଲି ଆଶଙ୍କା କରାଯାଉଛି । ଆପଣ ଭିଡିଓ ଦେଖିଲେ ନିଶ୍ଚିତ ଅନୁମାନ କରିପାରିବେ ଯେ, ବିମାନ ଏବଂ ଯାତ୍ରୀ ଏକ ବଡ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି।
ସୂଚନାଯୋଗ୍ୟ, ଜୁନ୍ ୧୯ କୁ ପାଟନାରୁ ଦିଲ୍ଲୀ ଯାଉଥିବା ବିମାନରେ ଏମିତି ଏକ ଦୁର୍ଘଟଣା ଘଟିଥିଲା। ଉଡାଣ ଭରିଥିବା ସ୍ପାଇସଜେଟ ବିମାନର ଇଂଜିନରେ ନିଆଁ ଲାଗିଯାଇଥିଲା। ଆଉ ପରେ ବିମାନ ଜରୁରୀ ଅବତରଣ କରିଥିଲା। ବିମାନରେ ପକ୍ଷୀ ମାଡ ହେବା ଯୋଗୁଁ ଇଂଜିନରେ ନିଆଁ ଲାଗିଥିବା ଡିଜିସିଏ କହିଥିଲା।