ତାମିଲନାଡୁ ବର୍ଷା ବିତ୍ପାତ : ଟ୍ରେନ ବାତିଲ ଯୋଗୁଁ ଫସିଛନ୍ତି ୮୦୦ ଯାତ୍ରୀ, ବାୟୁସେନା ଯୋଗାଉଛି ଖାଦ୍ୟ ଏବଂ ଚିକିତ୍ସା ସାମଗ୍ରୀ
ତାମିଲନାଡୁରେ ଗତ ୨ ଦିନ ହେଲାଣି ପ୍ରବଳ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ତାମିଲନାଡୁର ଦକ୍ଷିଣ ଭାଗରେ ପ୍ରବଳ ବର୍ଷା ଯୋଗୁ ରେଲଓ୍ୱେ ଟ୍ରାକ୍ କ୍ଷତିଗ୍ରସ୍ତ ହୋଇଛି । ୮୦୦ରୁ ଅଧିକ ଯାତ୍ରୀ ରେଲଓ୍ୱେ ଷ୍ଟେସନରେ ଫସି ରହିଛନ୍ତି ।
ପ୍ରବଳ ବର୍ଷା ଯୋଗୁଁ ପାଣିରେ ଉବୁଡୁବୁ ତାମିଲନାଡୁ । ଗତ ୨ ଦିନ ହେଲାଣି ପ୍ରବଳ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ତାମିଲନାଡୁରେ ପ୍ରବଳ ବର୍ଷା ଯୋଗୁଁ ଭୟଙ୍କର ପରିସ୍ଥିତି ସୃଷ୍ଟି ହୋଇଛି । ତାମିଲନାଡୁର ଦକ୍ଷିଣ ଭାଗରେ ପ୍ରବଳ ବର୍ଷା ଯୋଗୁ ରେଲଓ୍ୱେ ଟ୍ରାକ୍ କ୍ଷତିଗ୍ରସ୍ତ ହୋଇଛି । ଫଳରେ ଅଧାରାସ୍ତାରେ ଅଟକି ରହିଛି ଯାତ୍ରୀବାହୀ ଟ୍ରେନ୍। ୮୦୦ରୁ ଅଧିକ ଯାତ୍ରୀ ରେଲଓ୍ୱେ ଷ୍ଟେସନରେ ଫସି ରହିଛନ୍ତି । ଏହି ଟ୍ରେନ୍ ତିରୁଚେନ୍ଦୁରରୁ ଚେନ୍ନାଇ ଯାଉଥିଲା । ପ୍ରବଳ ବର୍ଷା ଯୋଗୁଁ ୩ ଜଣଙ୍କର ମୃତ୍ୟୁ ହୋଇଥିବା ଖବର ମିଳିଛି ।
ତାମିଲନାଡୁର ତୁତିକୋରିନ ଜିଲ୍ଲାର ଶ୍ରୀବୈକୁଣ୍ଠମରେ ଯାତ୍ରୀମାନେ ଫସି ରହିଛନ୍ତି । ଟ୍ରାକ୍ କ୍ଷତିଗ୍ରସ୍ତ ହୋଇଥିବାରୁ କେବଳ ଲୁହା ରଡ ଓ ସିମେଣ୍ଟ ସ୍ଲାବ ଦେଖାଯାଉଛି । ଏଥିଯୋଗୁ ଟ୍ରେନ୍ ଚଳାଚଳ ଠପ୍ ହୋଇଯାଇଛି । ରେଳଯାତ୍ରୀଙ୍କୁ ରିଲିଫ ସାମଗ୍ରୀ ପହଞ୍ଚାଯାଇଛି । ଅସୁସ୍ଥ ଯାତ୍ରୀଙ୍କୁ ଭାରତୀୟ ବାୟୁସେନା ଏୟାରଲିଫ୍ଟ କରାଉଛି ।
On 18 Dec 2023,Tamil Nadu
received unprecedented rains in last 24 hours,that has caused extensive
flooding in Tirunelveli and Thoothukudi districts.IAF responded swiftly and tasked AF Station Sulur for an HADR Ops which is
currently being undertaken by MI -17 V5 helicopter . pic.twitter.com/uzlOxsNsvu— SAC_IAF (@IafSac) December 18, 2023
ତାମିଲନାଡୁର ଚାରୋଟି ଜିଲ୍ଲା କନ୍ୟାକୁମାରୀ, ଥୁଥୁକୁଡି, ତେନକାସି ଓ ତିରୁନେଲବେଲି ବର୍ଷା ଯୋଗୁ ଅଧିକ ପ୍ରଭାବିତ ହୋଇଛି । ପ୍ରବଳ ବର୍ଷା ଯୋଗୁ ବନ୍ୟା ପରିସ୍ଥିତି ଉପୁଜିଛି । ଏହାକୁ ନେଇ ତାମିଲନାଡୁ ମୁଖ୍ୟମନ୍ତ୍ରୀ ଏମ୍କେ ଷ୍ଟାଲିନ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଛନ୍ତି । ତେବେ ଉଦ୍ଧାର କାର୍ଯ୍ୟରେ ଭାରତୀୟ ବାୟୁସେନାରେ Mi-17 V5 ହେଲିକପ୍ଟର ନିୟୋଜିତ ରହିଛି । ବାୟୁସେନାର ଥୁଥୁକୁଡି ତିରୁନେଲବେଲି ଜିଲ୍ଲାରେ ହେଲିକପ୍ଟରରୁ ଖାଇବା ଏବଂ ଚିକିତ୍ସା ପ୍ୟାକେଜ ପକାଇଯାଇଛି । ଭାରତୀୟ ବାୟୁସେନା ଥୁଥୁକୁଡିର ବାସବପ୍ପାପୁରମ ଅଞ୍ଚଳରୁ ବନ୍ୟା ପ୍ରଭାବିତ ୧୧୮ ଲୋକଙ୍କୁ ଉଦ୍ଧାର କରିଛି ।
ଦକ୍ଷିଣ ତାମିଲନାଡୁର ୪ ଜିଲ୍ଲା ତିରୁନେଲବେଲି, ଥୁଥୁକୁଡ଼ି, କନ୍ୟାକୁମାରୀ ଓ ତେନକାସୀରେ ପ୍ରବଳ ବର୍ଷା ହେଉଛି । ତେଣୁ ଏହିସବୁ ଜିଲ୍ଲାରେ ରେଡ ଆଲର୍ଟ ଜାରି କରାଯାଇଛି । ପ୍ରବଳ ବର୍ଷା ଯୋଗୁ ରାଜ୍ୟର ବହୁ ସ୍ଥାନରେ ଜନଜୀବନ ଅସ୍ତବ୍ୟସ୍ତ ହୋଇ ପଡ଼ିଛି । ପ୍ରଭାବିତ ୪ ଜିଲ୍ଲାରେ NDRF ମୁତୟନ କରାଯାଇଛି । ଏହାସହ ଉଦ୍ଧାର କାର୍ଯ୍ୟ ପାଇଁ ୪ ହଜାର ପୋଲିସ କର୍ମଚାରୀଙ୍କୁ ନିୟୋଜିତ କରାଯାଇଛି ।
ପ୍ରଭାବିତ ଜିଲ୍ଲାରେ ସ୍କୁଲ, କଲେଜ ଓ ଅନ୍ୟ ଅନୁଷ୍ଠାନ ଛୁଟି ଘୋଷଣା କରିଛନ୍ତି ରାଜ୍ୟ ସରକାର । ପ୍ରଭାବିତ ଅଞ୍ଚଳରେ ରିଲିଫ କାର୍ଯ୍ୟ ଆରମ୍ଭ କରାଯାଇଛି । ତିରୁନେଲବେଲି, ଥୁଥୁକୁଡ଼ି, କନ୍ୟାକୁମାରୀ ଓ ତେନକାସୀରେ ରେଡ ଆଲର୍ଟ ଜାରି କରାଯାଇଛି ।
