ହେଲିକପ୍ଟରରେ ମାଛଭଜା ଓ ରୁଟି ଖାଇଲେ ତେଜସ୍ୱୀ ଯାଦବ, ଭିଡିଓ ଜାରି କହିଲେ… କିଛି ଲୋକଙ୍କୁ ନିଶ୍ଚିତ ରାଗ ଲାଗୁଥିବ
ହେଲିକପ୍ଟରରେ ମାଛଭଜା ଓ ରୁଟି ଖାଇଲେ ତେଜସ୍ୱୀ ଯାଦବ । ତେଜସ୍ୱୀ ଥାଳିରେ ଥିବା ଲଙ୍କା ଉଠାଇ କହୁଛନ୍ତି, ଆମ ଦୁଇଜଣଙ୍କୁ ଏକାଠି ଦେଖି ଅନେକ ଲୋକଙ୍କୁ ନିଶ୍ଚିତ ରାଗ ଲାଗୁଥିବ । ତେଜସ୍ୱୀ କହୁଛନ୍ତି, ଦିନଯାକ ପ୍ରଚାର କରିବା ପରେ ମାତ୍ର ୧୦-୧୫ ମିନିଟ ଏଭଳି ଲଞ୍ଚ କରିବାକୁ ସମୟ ମିଳୁଛି ।
ଲୋକସଭା ନିର୍ବାଚନକୁ ନେଇ ରାଜନୈତିକ ମଇଦାନରେ କଡ଼ା ଟକ୍କର ଦେଖିବାକୁ ମିଳିଛି । ସମସ୍ତ ଦଳର ନେତା ବିଭିନ୍ନ ସ୍ଥାନରେ ଜନସଭା କରି ଲୋକମାନଙ୍କୁ ନିଜ ଆଡକୁ ଆକୃଷ୍ଟ କରିବାକୁ ଲାଗିପଡିଛନ୍ତି । ବିହାରର ପୂର୍ବତନ ଉପ ମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ଏବଂ ଗଠବନ୍ଧନର ସହଯୋଗୀ ପ୍ରାର୍ଥୀଙ୍କ ସହିତ ରାଲି କରି ଭୋଟ ମାଗୁଛନ୍ତି । ତେବେ ଏହା ମଧ୍ୟରେ ନବରାତ୍ରି ଚାଲିଥିବା ବେଳେ ନିଜ ସୋସିଆଲ ମିଡିଆ ଆକାଉଣ୍ଟ X ରେ ଏକ ଭିଡିଓ ଜାରି କରିଛନ୍ତି । ଯେଉଁଥିରେ ସେ ହେଲିକପ୍ଟରରେ ଭିଆଇପି ପ୍ରମୁଖ ମୁକେଶ ସହନୀଙ୍କ ସହିତ ଲଞ୍ଚରେ ମାଛ ଏବଂ ରୁଟି ଖାଉଥିବାର ନଜର ଆସିଛନ୍ତି । ଯାହା ଏବେ ଭାଇରଲ ହେଉଛି ।
ଭିଡିଓରେ ଦେଖିବାକୁ ମିଳିଛି କି, ତେଜସ୍ୱୀ ଥାଳିରେ ଥିବା ଲଙ୍କା ଉଠାଇ କହୁଛନ୍ତି, ଆମ ଦୁଇଜଣଙ୍କୁ ଏକାଠି ଦେଖି ଅନେକ ଲୋକଙ୍କୁ ନିଶ୍ଚିତ ରାଗ ଲାଗୁଥିବ । ତେଜସ୍ୱୀ କହୁଛନ୍ତି, ଦିନଯାକ ପ୍ରଚାର କରିବା ପରେ ମାତ୍ର ୧୦-୧୫ ମିନିଟ ଏଭଳି ଲଞ୍ଚ କରିବାକୁ ସମୟ ମିଳୁଛି । ଭିଡିଓ ସେୟାର କରି ତେଜସ୍ୱୀ ଲେଖିଛନ୍ତି, ନିର୍ବାଚନ ପ୍ରଚାର ବ୍ୟସ୍ତତା ଭିତରେ ହେଲିକପ୍ଟରରେ ଭୋଜନ !
चुनावी भागदौड़ एवं व्यस्तता के बीच हेलिकॉप्टर में भोजन! दिनांक- 08/04/2024 #TejashwiYadav #bihari #politics #Bihar #biharifood #बिहार #india pic.twitter.com/JIfgbXfQpP
— Tejashwi Yadav (@yadavtejashwi) April 9, 2024
ସେ ଆହୁରି ମଧ୍ୟ କହିଛନ୍ତି, ବାହାରେ ଲୁ ବୋହୁଛି, ତେଣୁ ନିଜ ସାଥିରେ ପିଇବା ପାଇଁ ମଠା, ବେଲ ପଣା, ଛତୁଆ ଏବଂ ତରଭୂଜ ଜୁସ୍ ରଖିନ୍ତୁ । ପୁରା ଦିନ ପ୍ରଚାର କରୁଛି । ଆମକୁ ଏହି ୧୦-୧୫ ମିନିଟ ସମୟ ମିଳୁଛି କି ଆମେ ଲଞ୍ଚ କରିବୁ । ଆଜି ମୁକେଶଜୀ ଖାଇବା ଆଣିଥିଲେ । ମାଛ ଆଣିଛନ୍ତି । ବହୁତ ଟେଷ୍ଟି । ଏହାସହିତ ରୁଟି, ଲୁଣ, ପିଆଜ ଏବଂ କଞ୍ଚାଲଙ୍କା । ମୁକେଶ ଜୀଙ୍କୁ ମାଛ ଖୁଆଇଥିବାରୁ ଧନ୍ୟବାଦ ।
