୫ ହଜାର ଟଙ୍କାରେ ସ୍ତ୍ରୀକୁ ବିକି ଦେଲା ଜହ୍ଲାଦ ସ୍ୱାମୀ, ସବୁ ସୀମା ପାର୍ କରିଦେଲେ ଦୁଇ ସାଙ୍ଗ… ପୁଅ ପହଞ୍ଚି ଯିବାରୁ ତାକୁ ବି ନିର୍ଦ୍ଧୁମ ପିଟିଲେ
ଜୟପୁରରେ ଦୁଷ୍କର୍ମ ମାମଲା ଥମିବାର ନାଁ ନେଉ ନାହିଁ। ଏବେ ପୁଣି ମାଲପୁରା ଗେଟ୍ ଥାନା ଅଞ୍ଚଳରେ ଏକ ଗଣଦୁଷ୍କର୍ମ ମାମଲା ସାମ୍ନାକୁ ଆସିଛି। ଏଠାରେ ଜଣେ କଳିଯୁଗର ସ୍ୱାମୀ ୫ ହଜାର ଟଙ୍କାରେ ନିଜ ସ୍ତ୍ରୀର ସଉଦା କରି ଦେଇଛି ଏବଂ ତାଙ୍କୁ ଦୁଇ ସାଙ୍ଗଙ୍କ ହାତରେ ଟେକି ଦେଇଛି। ଏ ନେଇ ପୀଡିତା ମହିଳା ଜଣକ ପୋଲିସରେ ଅଭିଯୋଗ କରିଛନ୍ତି। ଅଭିଯୋଗରେ ଉଲ୍ଲେଖ କରାଯାଇଛି କି, ପୀଡ଼ିତା ଚା’ ବିକି ପରିବାର ଚଳାନ୍ତି।
ଡିସେମ୍ବର ୧୯ରେ ପୀଡିତାଙ୍କ ସ୍ୱାମୀ ତାଙ୍କ ସହିତ ଅନ୍ୟ ଦୁଇ ବ୍ୟକ୍ତିଙ୍କୁ ଆଣିଥିଲେ। ଏହାପରେ ସେ ସ୍ତ୍ରୀଙ୍କୁ କହିଥିଲେ ଯେ ସେ ତାଙ୍କୁ ୫୦୦୦ ଟଙ୍କାରେ ସଉଦା କରିଛନ୍ତି ଏବଂ କିଛି ଦିନ ତାଙ୍କୁ ତାଙ୍କ ସାଙ୍ଗମାନଙ୍କ ସହିତ ରହିବାକୁ ପଡିବ। ଏହାକୁ ନେଇ ଯେତେବେଳେ ପୀଡ଼ିତା ନିଜ ସ୍ୱାମୀଙ୍କୁ ବିରୋଧ କରିଥିଲେ, ତ ଅଭିଯୁକ୍ତ ସ୍ୱାମୀ ପୀଡ଼ିତାଙ୍କ ସହିତ ମାରପିଟ କରିବା ଆରମ୍ଭ କରି ଦେଇଥିଲେ ଏବଂ ତାଙ୍କୁ ଜୋର୍ ଜବରଦସ୍ତ ଚା’ ଷ୍ଟଲ ପଛ ପଟୁକୁ ଟେକି ନେଇଥିଲେ।
ସେଠାରେ ଅଭିଯୁକ୍ତ ସ୍ୱାମୀ ପୀଡିତାଙ୍କ ହାତକୁ ଜାବୁଡ଼ି ଧରିଥିଲେ। ଏହାପରେ ତାଙ୍କର ଦୁଇ ସାଙ୍ଗ ସ୍ୱାମୀଙ୍କ ସାମ୍ନାରେ ହିଁ ମହିଳାଙ୍କୁ ଗଣଦୁଷ୍କର୍ମ କରି ଅତ୍ୟନ୍ତ ନିଷ୍ଠୁର ଭାବେ ମାଡ଼ ମାରିଥିଲେ। ଏହି ସମୟରେ ଯେତେବେଳେ ପୀଡିତାଙ୍କ ପୁଅ ସେଠାରେ ପହଞ୍ଚିଥିଲା, ତ ତା’ ସହିତ ମଧ୍ୟ ଅଭିଯୁକ୍ତମାନେ ଖୁବ୍ ମାରପିଟ କରିଥିଲେ। ପୀଡିତା ଓ ତାଙ୍କ ପୁଅର ପାଟି ଶୁଣି ଯେତେବେଳେ ଲୋକମାନେ ଏକାଠି ହେବା ଆରମ୍ଭ କରିଥିଲେ, ସେତେବେଳେ ତିନିଜଣ ଅଭିଯୁକ୍ତ ପୀଡିତା ଓ ତାଙ୍କ ପୁଅକୁ ଜୀବନରୁ ମାରିଦେବାକୁ ଧମକ ଦେଇଥିଲେ ଏବଂ ତତ୍କ୍ଷଣାତ ଘଟଣାସ୍ଥଳରୁ ଫେରାର ହୋଇ ଯାଇଥିଲେ। ଏହି ପୂରା ଘଟଣା ପରେ ପୀଡିତା ଓ ତାଙ୍କ ପୁଅ ୨ ଦିନ ପର୍ଯ୍ୟନ୍ତ ଗଭୀର ଦୁଃଖରେ ରହିଥିଲେ। ଗୁରୁବାର ବିଳମ୍ବିତ ରାତିରେ ପୀଡ଼ିତା ମହିଳା ଜଣକ ମାଲପୁରା ଗେଟ୍ ଥାନାରେ ପହଞ୍ଚି ନିଜ ସ୍ୱାମୀଙ୍କ ସହ ଅନ୍ୟ ଦୁଇ ଅଭିଯୁକ୍ତଙ୍କ ବିରୋଧରେ ଗଣଦୁଷ୍କର୍ମ ମାମଲା ରୁଜୁ କରାଇଥିଲେ।
ବର୍ତ୍ତମାନ ପୋଲିସ ଅଭିଯୁକ୍ତମାନଙ୍କୁ ଖୋଜାଖୋଜି ଆରମ୍ଭ କରି ଦେଇଛି। ପ୍ରାଥମିକ ତଦନ୍ତରେ ଅଭିଯୋଗ ସତ୍ୟ ବୋଲି ଜଣା ପଡିବା ପରେ ପୋଲିସ ମାମଲା ରୁଜୁ କରିଛି। ଏହି ଘଟଣା ପରେ ମହିଳା ଓ ତାଙ୍କ ପୁଅ ଭୟଭୀତ ଅବସ୍ଥାରେ ଥିବା ବେଳେ ସେପଟେ ଅଭିଯୁକ୍ତ ସ୍ୱାମୀ ଏବଂ ତାଙ୍କର ଦୁଇ ବନ୍ଧୁ ଫେରାର ଅଛନ୍ତି।
