ଆମେରିକାର ଟ୍ରମ୍ପ ପ୍ରଶାସନ ଭାରତକୁ ୭୧ ହଜାର କୋଟି ତାଙ୍କର ଏମ କେ ୪୫ ତୋପ ବିକ୍ରି କରିବା ପ୍ରସ୍ତାବ ଉପରେ ମଞ୍ଜୁରୀ ଦେଇଛନ୍ତି । ଏହି ତୋପ ଗୁଡିକ ଆଗକୁ ଭାରତୀୟ ନୌସେନାର ଶକ୍ତିକୁ ବହୁ ଗୁଣ ବଢାଇବ ବୋଲି ଜଣାଯାଇଛି । ଏହି ତୋପର (ଏମକେ-୪୫) ର ବ୍ୟବହାର ଯୁଦ୍ଧପୋତ, ସମୁଦ୍ର ତଟବର୍ତ୍ତୀ ସ୍ଥାନ, ଶତ୍ରୁ ପକ୍ଷର ବିମାନ ଉପରେ ବମ ବର୍ଷେଇବା ପାଇଁ ହିଁ ବ୍ୟବହାର କରାଯାଇ ପାରିବ । ଏବାବଦରେ ସୁରକ୍ଷା ମନ୍ତ୍ରାଳୟ ତରଫରୁ ଏକ ଅଧିସୂଚନାରେ କୁହାଯାଇଛିକି ବିଏଇ ସିଷ୍ଟମ ଲେନ୍ଡ ଏଣ୍ଡ ଆର୍ମାମେଣ୍ଟ ଦ୍ୱାରା ପ୍ରସ୍ତୁତ କରାଯାଇଥିବା ଏହି ତୋପର ଯୋଗାଣ ଦ୍ୱାରା ଭାରତକୁ ତାର ଜଟିଳ ଶତ୍ରୁପକ୍ଷ ସହ ଲଢ଼ିବାକୁ ଶକ୍ତି ମିଳିଯିବ । ଏହା ଦ୍ଵାରା ଭାରତ ବିଶାଳ ସମୁଦ୍ର ମଧ୍ୟରେ ଶତ୍ରୁପକ୍ଷ ସହ ଲଢ଼ିବା ଓ ନିଜ ସୀମାବର୍ତ୍ତୀ ଅଞ୍ଚଳର ସୁରକ୍ଷା କ୍ଷେତ୍ରରେ ବେଶ ଶକ୍ତିଶାଳୀ ହୋଇପାରିବ ।
ଏହା ସହ ପଢନ୍ତୁ: ଟ୍ୟାକ୍ସ ଫାଙ୍କିବାକୁ ଝରକା ବାଟେ ଫିଙ୍ଗିଦେଲେ ୫୦୦, ୨୦୦୦ ଟଙ୍କିଆ ନୋଟ୍ ବଣ୍ଡଲ, ଦେଖନ୍ତୁ ଭିଡିଓ
କିନ୍ତୁ ମନ୍ତ୍ରାଳୟ ତରଫରୁ ଏହା ମଧ୍ୟ ସ୍ପଷ୍ଟ କରାଯାଇଛିକି ଏହା ଦ୍ୱାରା କ୍ଷେତ୍ରରେ ସୈନ ମୁତୟନରେ କୌଣସି ପ୍ରକାର ପରିବର୍ତ୍ତନ କରାଯିବ ନାହିଁ । ଅନ୍ୟପକ୍ଷରେ ଏହା ମଧ୍ୟ କୁହାଯାଉଛିକି ଟ୍ରମ୍ପ ପ୍ରଶାସନ ଏହି ପ୍ରସ୍ତାବରେ ହଁ ଭରିବାର ମାନେ ନୁହେଁ କି ଏହି ପ୍ରସ୍ତାବକୁ ଆଇନଗତ ମଞ୍ଜୁରୀ ମିଳିଯାଇଛି । ଏହା ଉପରେ ଆଇନର ମୋହର ଲାଗିବ ମଧ୍ୟ ନିହାତି ଜରୁରୀ ଅଟେ । ଏବେ ପର୍ଯ୍ୟନ୍ତ ଆମେରିକା ଏହି ଧରଣର ତୋପ ଗୁଡିକୁ ଅଷ୍ଟ୍ରେଲିଆ, ଜାପାନ ଓ ଦକ୍ଷିଣ କୋରିଆ ପରି ରାଷ୍ଟ୍ର ମାନଙ୍କୁ ହିଁ ବିକ୍ରି କରିଆସୁଛି ଏହା ଥାଇଲାଣ୍ଡକୁ ବି ଉନ୍ନତ ସଂସ୍କରଣର ଅସ୍ତ୍ରଶସ୍ତ୍ର ମାନ ଯୋଗାଇଆସୁଛି । ଏହାବାଦ ଆମେରିକା ତାର ମିତ୍ର ରାଷ୍ଟ୍ର ଭବେ ଜଣା ଯାଉଥିବା ବ୍ରିଟେନ ଓ କାନାଡ଼ା ପରି ଦେଶ ମାନଙ୍କୁ ମଧ୍ୟ ନିଜ ତୋପ ଗୁଡିକୁ ଯୋଗାଇବା ପାଇଁ ଏକ ପ୍ରକାର ପ୍ରତିବଦ୍ଧ ଅଛି । ଯଦି ଭାରତର ଏହି ପ୍ରସ୍ତାବକୁ ଆମେରିକା ପ୍ରଶାସନ ତରଫରୁ ଆଇନ ଗତ ମଞ୍ଜୁରୀ ମିଳିଯାଏ ତେବେ ଭାରତୀୟ ନୌସେନାର କ୍ଷମତା ବହୁ ମାତ୍ରାରେ ବଢ଼ିଯିବ ।