ଟଙ୍କା ଅଭାବରୁ ଭାରତରେ ଫସି ରହିଥିଲେ ଦୁଇ ପ୍ରେମୀ ଯୁଗଳ, ଲୋକେ କରାଇଦେଲେ ବିବାହ
ଭାରତ ଭ୍ରମଣରେ ଆସିଥିବା ଦୁଇ ପ୍ରେମୀଯୁଗଳ ଲକଡାଉନ ଯୋଗୁଁ ଭାରତରେ ଫସିରହିଛନ୍ତି । ଧିରେ ଧିରେ ସମସ୍ତ ଟଙ୍କା ଶେଷ ହୋଇଯାଇଥିବାରୁ ବର୍ତ୍ତମାନ କେବଳ ପଦଯାତ୍ରା ହିଁ ସାହାରା କିନ୍ତୁ ଦୁହିଁଙ୍କ ମଧ୍ୟରେ ପ୍ରେମ କମି ନାହିଁ । ଦୁହେଁ ବିବାହ କରିବାକୁ ଚିନ୍ତା କରିଥିଲେ କିନ୍ତୁ ଏଠାରେ ମଧ୍ୟ ଅର୍ଥର ଅଭାବ ଆସିଥିଲା । ଶେଷରେ ସାମାଜିକ କର୍ମୀ ଅମିତ ସାଜୱାନ୍ ତାଙ୍କୁ ସାହାଯ୍ୟ କରିଥିଲେ ।
ସୂଚନା ଅନୁଯାୟୀ ସେଜଲ ଏବଂ ମେରିକ ଲକଡାଉନ ପୂର୍ବରୁ ଭାରତ ଆସିଥିଲେ । ସେଜଲ ଆମେରିକାର ଏବଂ ମେରିକ୍ ସ୍ପେନର । ଆଜିକାଲି ସେ କେଦାରଘାଟିର ପର୍ଯ୍ୟଟନ ସ୍ଥାନ ପରିଦର୍ଶନ କରିବାକୁ ବାହାରିଛନ୍ତି କିନ୍ତୁ ଟଙ୍କା ଅଭାବରୁ ସେ କେବଳ ପାଦରେ ହିଁ ଯାତ୍ରା କରୁଛନ୍ତି । ବର୍ତ୍ତମାନ ସେ ପାଦରେ ଚାଲି ଚାଲି ଯାଇ ବନସ୍ୱାରା ଠାରେ ଅଟକିଛନ୍ତି । ଯେଉଁଠାରେ ସେ ସ୍ଥାନୀୟ ବାସିନ୍ଦା ଅମିତ ସଜୱାନଙ୍କୁ ତାଙ୍କ କାହାଣୀ କହିଥିଲେ ଏବଂ ଅର୍ଥ ଅଭାବରୁ ସେମାନେ କେତେ ହଇରାଣ ହେଉଛନ୍ତି ସେ ବିଷୟରେ ମଧ୍ୟ ଜଣାଇଥିଲେ ।
ଶେଷରେ ସାମାଜିକ କର୍ମୀ ଅମିତ ସାଜୱାନ ଭାରତୀୟ ରୀତିନୀତି ଅନୁଯାୟୀ ମନ୍ଦିରରେ ସେମାନଙ୍କର ବିବାହ କରାଇଥିଲେ । ବିବାହ ସମାପ୍ତ ହେବା ପରେ ବିଦେଶୀ ପୁରୁଷ ଏବଂ ମହିଳା ବହୁତ ଖୁସି ହୋଇଯାଇଥିଲେ । ତେବେ କିଛି ଦିନ ପୂର୍ବରୁ ରୁଦ୍ରପ୍ରାୟଗରେ ମଧ୍ୟ ଜଣେ ବିଦେଶୀ ଏବଂ ଜଣେ ମହିଳା ନଜର ଆସିଥିଲେ ଏବଂ ସେମାନେ ପୋଲିସକୁ ନିଜର କାହାଣୀ ଶୁଣାଇଥିଲେ ।
