ସାଉଦିରେ ଏମିତି ଘଟିଛି : ପକ୍ଷୀ ପିଞ୍ଜରାରେ ବନ୍ଦୀ ହେଲେ ଭାରତୀୟ ଫୁଟ୍ବଲ୍ ଫ୍ୟାନ୍
ନୂଆଦିଲ୍ଲୀ : ଏମିତି ଏକ ଘଟଣା ଯାହା କେବେ ଦେଖି ନଥିବେ କି ଶୁଣି ନଥିବେ । ସାଉଦି ଆରବରେ ହୋଇଥିଲା ଭାରତ ଓ ୟୁଏଇ ଦଳ ମଧ୍ୟରେ ଏସୀୟ ଫେଡେରସନ୍ କପ୍ (ଏଏଫ୍ସି) ଫୁଟବଲ୍ ମ୍ୟାଚ୍ । ଏଥିରେ ଘରୋଇ ଦଳ ଭାରତକୁ ୨-୦ ଗୋଲ୍ରେ ପରାସ୍ତ କରିଥିଲା । ହେଲେ ଗୁରୁବାର ଦିନ ଆବୁଧାବିରେ ଖେଳା ଯାଇଥିବା ଏହି ମ୍ୟାଚ୍ ପୂର୍ବରୁ ଭାରତୀୟ ଫୁଟ୍ବଲ୍ ପ୍ରେମୀଙ୍କୁ ସାଉଦିର ଜଣେ ବ୍ୟକ୍ତି ଗୋଟିଏ ପକ୍ଷୀ ରହୁଥିବା ପିଞ୍ଜରା ଭିତରେ ବନ୍ଦୀ କରି ରଖିଥିଲେ । ବ୍ୟକ୍ତି ଜଣକ ଭାରତୀୟମାନଙ୍କୁ ପିଞ୍ଜରାରେ ବନ୍ଦ କଲା ଭଳି କରି ବାଡ଼ି ଦେଖାଇ ସେମାନଙ୍କୁ ତାଗିଦ ମଧ୍ୟ କରୁଛନ୍ତି । ଅବଶ୍ୟ ଘଟଣା ପ୍ରଘଟ ହେବା ପରେ ସଂପୃକ୍ତ ବ୍ୟକ୍ତିଙ୍କୁ ସ୍ଥାନୀୟ ପୋଲିସ୍ ଗିରଫ କରିଛି । ଏହି ଭିଡିଓ ଭାଇରାଲ ହେବା ପରେ ଦେଶରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।
ତେବେ ବ୍ୟକ୍ତି ଜଣକ ପରେ ସଫେଇ ଦେଇ ଆଉ ଏକ ଭିଡିଓ ଜାରି କରିଥିଲେ । ସେ କହିଥିଲେ ଯେ ଏହି ଘଟଣା ଏକ ଡ୍ରାମା । ମୋ ପାଖରେ ଅନେକ ବର୍ଷ ଧରି କିଛି ଭାରତୀୟ କାମ କରୁଛନ୍ତି । ସେମାନଙ୍କ ସହ ମୋର ବହୁତ ଭଲ ସମ୍ପର୍କ ରହିଛି । ଆମେ ଏକା ଥାଳିରେ ଖାଉ । ଫୁଟବଲ୍ ମ୍ୟାଚ୍ ପୂର୍ବରୁ ମୁଁ ଥଟ୍ଟା ପରିହାସ ଛଳରେ ଏଭଳି କରିଥିଲି ପ୍ରକୃତରେ ସେମାନଙ୍କୁ ମୁଁ ବନ୍ଦୀ କରି ନଥିଲି କି ମାରପିଟ୍ ବି କରି ନାହିଁ ବୋଲି ଅଭିଯୁକ୍ତ କହିଛନ୍ତି । ତେବେ ଏହି ଭିଡିଓକୁ ନେଇ ଚର୍ଚ୍ଚା ଜୋର ଧରିଛି ।
ଦେଖନ୍ତୁ ଏହି ଭିଡିଓ…
🔻دولـة الامارات العربية المتحدة
النائب العام للدولة: تم اتخاذ الإجراءات القانونية ضد صاحب فيديو حبس أشخاص من الجنسية الآسيوية داخل قفص طيور ليدفعهم لتشجيع المنتخب الإماراتي وعرضه على النيابة المختصة باعتبار أن هذا المسلك جريمة معاقب عليها قانونا ولايعبر عن قيم التسامح فالإمارات pic.twitter.com/twUlfbsXaQ— فاطمة الحبسي (@AlhabsiFatma) 11 January 2019
