କଳ ମୂଳେ ବସି ସାଧାରଣ ଲୋକ ଭଳି ଗାଧୋଉଛନ୍ତି ମନ୍ତ୍ରୀ, କହିଲେ- ‘ଆମ ସରକାରରେ କୌଣସି ଭିଆଇପି କଲଚର ନାହିଁ’
ଉତ୍ତର ପ୍ରଦେଶ: ଥରେ ମନ୍ତ୍ରୀ ପଦରେ ବସିବା ପରେ ବ୍ୟକ୍ତିଙ୍କ ଚାଲି ଚଳଣି ସମ୍ପୂର୍ଣ୍ଣ ବଦଳିଯାଏ। ସେ ଆଉ ସାଧାରଣ ଲୋକ ଭଳି ଜୀବନ ବଞ୍ଚନ୍ତି ନାହିଁ। ସାଧାରଣ ଲୋକଙ୍କର ଏହି ଧାରଣାକୁ ଭୁଲ ପ୍ରମାଣିତ କରିଛନ୍ତି ବିଜେପିର ଜଣେ ମନ୍ତ୍ରୀ। ଉତ୍ତର ପ୍ରଦେଶ ସରକାରଙ୍କର ଜଣେ ମନ୍ତ୍ରୀ ଲୋକଙ୍କର ଏହି ଭ୍ରମ ଧାରଣାକୁ ଭୁଲ ପ୍ରମାଣିତ କରି ଜଣ କର୍ମୀଙ୍କ ଘରେ ସାଧାରଣ ଭାବେ ରାତି କଟାଇଥିବା ଦେଖାଯାଇଛି। ପାର୍ଟି କାର୍ଯ୍ୟକର୍ତ୍ତାଙ୍କ ଘରେ ରାତି ବିତାଇବା ପରେ ସେ କଳ ମୂଳରେ ଗାଧୋଇବା ବେଳର ଭିଡିଓକୁ ନିଜ ସୋସିଆଲ ମିଡିଆରେ ସେୟାର କରିଛନ୍ତି। ଏହି ଭିଡିଓ ସେୟାର କରି ମନ୍ତ୍ରୀ କହିଛନ୍ତି- ଯୋଗୀ ସରକାରରେ କୌଣସି ଭିଆଇପି କଲଚର ନାହିଁ।
ରାଜ୍ୟର ଔଦ୍ୟୋଗିକ ବିକାଶ ମନ୍ତ୍ରୀ ନନ୍ଦ ଗୋପାଳ ଗୁପ୍ତା ‘ନନ୍ଦୀ’ ଶାହଜହାଁପୁର ଜିଲ୍ଲା ଗସ୍ତ ବେଳେ ସୁଟିଂ କରାଯାଇଥିବା ଭିଡିଓକୁ ଟ୍ଵିଟରରେ ସେୟାର କରିଛନ୍ତି। ଏକ କ୍ଲିପ୍ରେ ସେ ହ୍ୟାଣ୍ଡ ପମ୍ପ ପାଖରେ ବସି ଗାଧୋଉଥିବା ଦେଖାଯାଇଛି। ମନ୍ତ୍ରୀ କହିଛନ୍ତି, ସେ ଦିନର ଆରମ୍ଭ କପେ୍ ଚା’ ରେ କରିଛନ୍ତି ଓ ତା’ ପରେ କଳରେ ଗାଧୋଇଛନ୍ତି।
ଦେଖନ୍ତୁ ଭିଡିଓ:
आज शाहजहांपुर जनपद के सिंधौली विकासखंड के चक कन्हऊ गांव में श्रीमती सहोदरा जी पत्नी श्री लीलाराम जी के घर पर रात्रि विश्राम के बाद सुबह की चाय और लोगों से बातचीत करते हुए दिन की शुरुआत हुई। वहीं हैंडपंप के पानी से स्नान किया। pic.twitter.com/fbewNxpx2b
— Nand Gopal Gupta ‘Nandi’ (@NandiGuptaBJP) May 7, 2022
ଟ୍ଵିଟ୍ କରିଥିବା ଆଉ ଏକ ଭିଡିଓରେ ମନ୍ତ୍ରୀ ଶ୍ରୀ ଗୁପ୍ତା ମୁଣ୍ଡ କୁଣ୍ଡାଇ ପ୍ରସ୍ତୁତ ହେଉଥିବା ଦେଖାଯାଇଛି। ସେ ଲେଖିଛନ୍ତି- ଯୋଗୀ ସରକାର ଓ ପୂର୍ବ ସରକାରରେ ଏହା ହିଁ ତଫାତ୍। ଯୋଗୀ ସରକାରରେ ସାଧାରଣ ଜନତା ଓ ସରକାରଙ୍କ ମଧ୍ୟରେ କୌଣସି ଦୂରତା ନାହିଁ କି କୌଣସି ଅନ୍ତର ନାହିଁ। ଏଠାରେ କୌଣସି ଭିଆଇପି କଲଚର ନାହିଁ।
योगी सरकार और पिछली सरकारों में यही अंतर है। योगी सरकार में आम जनता और सरकार के बीच में न कोई दूरी है और न ही कोई अंतर और न ही कोई वीआईपी कल्चर। pic.twitter.com/tUZ0kFbV7R
— Nand Gopal Gupta ‘Nandi’ (@NandiGuptaBJP) May 7, 2022
ଗତ ସପ୍ତାହରେ ବରେଲି ଜିଲ୍ଲା ଗସ୍ତ ବେଳେ ମନ୍ତ୍ରୀ ଭରତୌଲ ଗାଁରେ ଜଣଙ୍କ ଘରେ ରାତିରେ ରହିଥିଲେ। ସେଠାରେ ସେ କଳ ପାଣିରେ ଗାଧୋଇଥିଲେ ଓ କୁ’ ଆପ୍ରେ ଏକ ଭିଡିଓ ସେୟାର କରିଥିଲେ।
ମନ୍ତ୍ରୀ ଏହି ଭିଡିଓ ସେୟାର କରିବା ପରେ ଲୋକମାନେ ତାଙ୍କୁ ଖୁବ୍ ପ୍ରଶଂସା କରୁଥିବା ଦେଖାଯାଇଛି। ଜଣେ ୟୁଜର ଲେଖିଛନ୍ତି- ଏହି ସାଧାରଣ ଜୀବନ ବଞ୍ଚିବାକୁ ସମସ୍ତେ ପସନ୍ଦ କରନ୍ତି। ସେହିପରି ଆଉ ଜଣେ ବ୍ୟକ୍ତି ମନ୍ତ୍ରୀଙ୍କୁ ଉର୍ଜାବାନ୍ ବୋଲି କହିଛନ୍ତି। ସେ ଲେଖିଛନ୍ତି- ବହୁତ ଭଲ ଲାଗିଲା, ଉର୍ଜାବାନ୍ ଲାଗୁଛନ୍ତି, ମାଟି ସହ ଯୋଡ଼ି ହୋଇଛନ୍ତି।
बहुत अच्छा लगा,ऊर्जावान लग रहे है धरातल से जुड़े हुए हैं।
— rptripathi1957@gmail (@rptripathi1957) May 7, 2022
Also Read: ସମୁଦ୍ରକୂଳରେ ଖୁଲମ୍ଖୁଲା ବୁଲୁଛନ୍ତି ଛୁଆ ଡାଇନୋସର, ଦେଖିବା ପରେ ଲୋକଙ୍କ ଅବସ୍ଥା ଖରାପ; ଦେଖନ୍ତୁ ଭିଡିଓ
