ପିଲାଙ୍କୁ ନୂଆ ଭାଷା ଶିଖାଇବା ଏକ ସହଜ କାମ ନୁହେଁ । ଖାସ୍ କରି ସେହି ଭାଷା ଯଦି ମାତୃଭାଷାରୁ ଅଲଗା ହୋଇଥାଏ ତେବେ ଅସୁବିଧା କିଛି ମାତ୍ରାରେ ବଢିଯାଇଥାଏ । ଏହି ଅସୁବିଧାକୁ ସମାଧାନ କରିବା ପାଇଁ ବିହାରର ଜଣେ ଶିକ୍ଷକ ଛୁଆମାନଙ୍କୁ ଗୀତ ଗାଇ ଇଂରାଜୀ ଶିକ୍ଷା ଦେଉଛନ୍ତି । ନିକଟରେ ଭାଇରାଲ ହୋଇଥିବା ଏହି ଭିଡିଓରେ ଶିକ୍ଷକ ଜଣଙ୍କ ପିଲାମାନଙ୍କୁ ଭାୱେଲ୍ ଏବଂ କନସୋନେଣ୍ଟ ମଧ୍ୟରେ ଥିବା ସାମଞ୍ଜସ୍ୟକୁ ବୁଝାଉଥିବାର ଦେଖିବାକୁ ମିଳିଛି ।
ଦେଖନ୍ତୁ ଭିଡିଓ :
काश कि हमें ‘Vowels” और “Consonants” ऐसे किसी म्यूज़िकल गुरु जी ने पढ़ाए होते तो हम भी आज @ShashiTharoor बाबू की तरह फ़र्राटे मार के अंग्रेज़ी बोल रहे होते 😢😍😜👍 pic.twitter.com/Pb8M0tvXdC
— Dr Kumar Vishvas (@DrKumarVishwas) January 10, 2019
ପ୍ରଥମେ କୁମାର ବିଶ୍ବାସ ସେୟାର କରିଥିଲେ ଭିଡିଓ :
ଏହି ଭିଡିଓକୁ ସର୍ବପ୍ରଥମେ କବି କୁମାର ବିଶ୍ବାସ ସେୟାର କରିଥିଲେ । ବିଶ୍ବାସ ଏଥିରେ କଂଗ୍ରେସ ନେତା ଶଶି ଥରୁର ଟ୍ୟାଗ୍ କରିଥିଲେ । କୁମାର ବିଶ୍ବାସଙ୍କ ଟ୍ବିଟ୍ ପରେ ଏହି ଭିଡିଓ ନିଆଁ ଭଳି ବ୍ୟାପି ଚାଲିଥିଲା ।
ଅମିତାଭ ବଚ୍ଚନ୍ ମଧ୍ୟ ଏହି ଭିଡିଓଟିକୁ ପ୍ରଶଂସା କରିବା ସହିତ ସେୟାର କରିଥିଲେ । ତେବେ ବର୍ତ୍ତମାନ ପର୍ୟ୍ୟନ୍ତ ଜଣାପଡିନାହିଁ ଏହା କେଉଁ ସ୍କୁଲର ଏବଂ କେଉଁ ଶିକ୍ଷକଙ୍କ ଭିଡିଓ । ତେବେ ଯାହା ହେଉନା କାହିଁକି ଏଥିରେ ଶିକ୍ଷକ ଜଣଙ୍କ ପଢାଶୈଳୀକୁ ତାରିଫ୍ ନକରି ରହିହେଉନାହିଁ ।