ରାଜଧାନୀ ଭୁବନେଶ୍ୱରରୁ ଆଜି ୩୧୬ କରୋନା ଆକ୍ରାନ୍ତ ଚିହ୍ନଟ,୩୨୬ ସୁସ୍ଥ
କେନ୍ୟୁଜ୍(ବ୍ୟୁରୋ): ରାଜଧାନୀ ଭୁବନେଶ୍ୱରରୁ ଆଜି ୩୧୬ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆଜିର ଆକ୍ରାନ୍ତଙ୍କ ମଧ୍ୟରୁ ୮୪ ଜଣ କ୍ବାରେଣ୍ଟାଇନ ଓ ୨୩୨ ଜଣ ଲୋକାଲ କଣ୍ଟାକ୍ଟରୁ ଚିହ୍ନଟ ହୋଇଛନ୍ତି ।ସେହିଭଳି ଆଜି ୩୨୬ ଜଣ କରୋନା ଆକ୍ରାନ୍ତ ସୁସ୍ଥ ହୋଇଥିବାର ଟ୍ବିଟ ଯୋଗେ ସୂଚନା ଦେଇଛି ବିଏମସି।
କ୍ବାରେଣ୍ଟାଇନରୁ ଚିହ୍ନଟ ଆକ୍ରାନ୍ତମାନେ ପୂର୍ବ ଆକ୍ରନ୍ତଙ୍କ ସଂସ୍ପର୍ଶରେ ଆସିଥିଲେ। ଚନ୍ଦ୍ରଶେଖରପୁର, ନୟାପଲ୍ଲୀରୁ ୭-୭ ଜଣ, ପଳାଶୁଣୀରୁ ୬ ଜଣ, ଆଇଆରସି ଭିଲେଜରୁ ୫ ଜଣ, ରସୁଲଗଡ଼, ୟୁନିଟ-୯ରୁ ୪ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
Update on newly detected #COVID19 cases in the last
24 hrs under the BMC area on 9th Oct 2020(till 9am). pic.twitter.com/JvMA8djS8l— BMC (@bmcbbsr) October 9, 2020
ସେହିଭଳି ଲୋକାଲ କଣ୍ଟାକ୍ଟ କେସରୁ ବରମୁଣ୍ଡାରୁ ୧୫ ଜଣ, ନୟାପଲ୍ଲୀ, ପଟିଆରୁ ୧୨ ଜଣ ଲେଖାଏଁ, ଡୁମଡୁମାରୁ ୧୦ ଜଣ, ବିଜେବି ନଗରରୁ ୯ ଜଣ, ସତ୍ୟନଗର, ଖଣ୍ଡଗିରିରୁ ୮-୮ ଜଣ, ରସୁଲଗଡ଼, ଆଚାର୍ଯ୍ୟ ବିହାରରୁ ୭-୭ ଜଣ ଲେଖାଏଁ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେହିପରି ଜାଗମରା, ଚନ୍ଦ୍ରଶେଖରପୁରରୁ ୬ ଜଣ ଲେଖାଏଁ, ବମିଖାଲ, ସୁନ୍ଦରପଦା ଓ ୟୁନିଟ-୯ରୁ ୪-୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
