ଖାଲି ସ୍ୱାଦ ପାଇଁ ନୁହେଁ, ତ୍ୱଚାରେ ଗୋରା ଚମକ ଆଣିପାରେ ଲୁଣ
ପ୍ରତିଟି ରୋଷେଇ ଘରେ ଆଉ କିଛି ଥାଉ କି ନଥାଉ ଲୁଣ ନିଶ୍ଚିନ୍ତ ରୂପେ ଥାଏ । ଖାଦ୍ୟରେ ଲୁଣ ଟିକିଏ କମ ବେଶୀ ହେଲେ ଖାଦ୍ୟ ଆଦୌ ରୁଚିନଥାଏ । ଏହା ଏକ ଅତି ସାଧାରଣ ଜିନିଷଟିଏ ହୋଇଥିଲେ ମଧ୍ୟ ରୋଷେଇରେ ତାହା ଆଗ ଖୋଜା ପଡେ । ଖାଲି ସ୍ୱାଦ ବଢ଼ାଇବାରେ ନୁହେଁ ଶରୀର ପାଇଁ ବି ଲୁଣ ଖୁବ ଜରୁରୀ । ଲୁଣରେ ଥିବା ସୋଡିୟମ, ମ୍ୟାଗନେସିୟମ, କ୍ୟାଲସିୟମ, ପୋଟାସିଅୟମ ପରି ଜରୁରୀ ମିନେରାଲ୍ସ ପ୍ରଚୁର ପରିମାଣରେ ଥାଏ | ଯାହାକି ସ୍କିନ ପାଇଁ ଲାଭଦାୟୀ ହୋଇଥାଏ । ଖାଲି ଖାଇବାରେ ନୁହେଁ ସ୍କିନରେ ପ୍ରତ୍ୟକ୍ଷ ଭାବରେ ବ୍ୟବହାର କଲେ ବି ତ୍ୱଚାରେ ଏକ ବିଶେଷ ଚମକ ଆସିଥାଏ । ତେବେ ଆସନ୍ତୁ ଜାଣିବା କେଉଁ ଉପାୟରେ ଲୁଣର ବ୍ୟବହାର କଲେ ଆପଣଙ୍କ ତ୍ୱଚା ଚମକି ଉଠିବ ।
-ଆଉ ଆଗ ଅପେକ୍ଷା ତ୍ୱଚାର ରଙ୍ଗ ତୋଫା ହୋଇଯାଏ । ସାଧାରଣତଃ ଧୂଳି ମାଟି, ପ୍ରଦୂଷଣ ସଂସ୍ପର୍ଶରେ ଆସିଲେ ତ୍ୱଚା ଉପରେ ଏକ ମୃତକୋଷିକା ଜମିଯାଏ । ଯାହା ଫଳରେ ଆମ ତ୍ୱଚାରେ ଦାଗ ସୃଷ୍ଟି ହେବା ସହ କଳା ପଡ଼ିଯାଏ |
-ଏଥିପାଇଁ ତ୍ୱଚାର ଏକ୍ସଫୋଲିଏଟ କରାଇ ନେବା ଜରୁରୀ । ଏଥିପାଇଁ ପାଣିରେ ଲୁଣ ଭଲ ଭାବରେ ମିଶାଇ ଏକ ଗାଢ଼ ପେଷ୍ଟ ପ୍ରସ୍ତୁତ କରନ୍ତୁ । ଏବେ ହାଲକା ହାତରେ ତ୍ୱଚାରେ ଧୀରେ ଧୀରେ ମାଲିସ କରନ୍ତୁ |
-ପାଦର ରଙ୍ଗ ଫିଟାଇବାରେ ବି ଲୁଣକୁ ବ୍ୟବହାର କରାଯାଇ ପାରିବ। ହାଲୁକା ଗରମ ପାଣିରେ କିଛି ବଡ ଲୁଣ ମିଶାନ୍ତୁ | ଆଉ ସେଥିରେ ପାଦ ବୁଡାଇ ରଖନ୍ତୁ | ଏମିତି କରିବା ଦ୍ୱାରା ପାଦର ଥକ୍କା ମେଣ୍ଟିବା ସହ କଳା ଦାଗ ଦୂର ହୋଇଥାଏ । ଏହା ସହ ପାଦର ମୃତ କୋଷିକା ମଧ୍ୟ ଦୂର ହୋଇଥାଏ ।
