ସ୍ୱପ୍ନରେ ପତି-ପତ୍ନୀଙ୍କ ସହ ଝଗଡା ହେଉଥିବା ଦେଖିଲେ,ଜାଣନ୍ତୁ କ’ଣ ଦେଇଥାଏ ସଂକେତ
ସ୍ୱପ୍ନ ବଡ଼ ବିଚିତ୍ର ହୋଇଥାଏ । ଏହା କାହାର ଅଧୀନରେ ନଥାଏ । ଏହା କେତେବେଳେ ଆସିବ କହି କରି ଆସିନଥାଏ । କିଛି ସ୍ୱପ୍ନ ନିଦରୁ ଉଠିବା ପରେ ମନେ ରହିଥାଏ ତ କିଛି ସ୍ୱପ୍ନ ଭୁଲି ହୋଇଯାଇଥାଏ । କେବେ କେବେ ଖରାପ ସ୍ୱପ୍ନ ବ୍ୟକ୍ତିକୁ ଡରାଇ ଦେଇଥାଏ । ଫଳରେ ବ୍ୟକ୍ତି ଶୋଇ ପାରିନଥାଏ
କିଛି ଏମିତି ସ୍ୱପ୍ନ ଅଛି ଯାହାକୁ ଦେଖିଲେ ଅଣଦେଖା ନକରି ଏହାର ଅର୍ଥ ବୁଝିବେ । ବେଳେ ବେଳେ ଲୋକେ ଏମିତି କିଛି ଅଜବ ସ୍ୱପ୍ନ ଦେଖନ୍ତି,ଯାହାର ଅର୍ଥ ବୁଝି ପାରିବା କଷ୍ଟସାଧ୍ୟ ହୋଇଥାଏ । ସ୍ୱପ୍ନ ଶାସ୍ତ୍ର ଅନୁସାରେ ପ୍ରତ୍ୟେକ ସ୍ୱପ୍ନ ଶୁଭ କିମ୍ବା ଅଶୁଭ ଫଳ ଆଣିଥାଏ ।ପତ୍ନୀ ଗୃହ ଲକ୍ଷ୍ମୀ ବା ଘରର ଲକ୍ଷ୍ମୀ ବୋଲି ମନାଯାଇଥାଏ । ପତ୍ନୀଙ୍କ ସହ ମନ ମାଳିନ୍ୟ ବା ଝଗଡା ଘରେ ସୁଖ ଶାନ୍ତି ନଷ୍ଟ କରିଥାଏ । ଏହା ଆର୍ଥିକ ସମସ୍ୟା ମଧ୍ୟ ଆଣିଥାଏ । ତେଣୁ ପତ୍ନୀଙ୍କ ସହ ଝଗଡା କେବେ ବି କରିବା କଥା ନୁହେଁ । ଯଦି ଏହି କଥା ସ୍ୱପ୍ନରେ ଆସେ ଆସନ୍ତୁ ଜାଣିବା କ’ଣ ଦେଇଥାଏ ସଂକେତ ।
ସ୍ୱପ୍ନରେ ପତିଙ୍କ ସହ ଝଗଡା ହେବାର ଦେଖିଲେ
ସ୍ୱପ୍ନରେ ପତିଙ୍କ ସହ ଝଗଡା ହେବାର ଦେଖିବେ ଏହାର ଅର୍ଥ ଆପଣଙ୍କ ଖୁବ ଶୀଘ୍ର କିଛି କଥାରେ ମତଭେଦ ହେବାର ଅଛି । ଏହା ହୋଇପାରେ ଜଣେ ଅନ୍ୟ ଜଣଙ୍କ କଥା ବୁଝିବା ପରିବର୍ତ୍ତେ ଅନ୍ୟକୁ ଛୋଟ ଦେଖାଇବେ । ଫଳରେ ଆପଣଙ୍କ ସମ୍ପର୍କ ଖରାପ ହୋଇପାରେ । ତେଣୁ ଏଥି ପ୍ରତି ସତର୍କ ରହିବା ଜରୁରୀ । ଜଣେ ଅନ୍ୟଜଣଙ୍କ କଥାକୁ ଶାନ୍ତିର ସହ ଆଲୋଚନା କରିବା ଉଚିତ୍ ।
ସ୍ୱପ୍ନରେ ପତି-ପତ୍ନୀଙ୍କୁ ଦେଖିବା
ଯଦି କେହି ପତି ବା ପତ୍ନୀଙ୍କୁ ସ୍ୱପ୍ନରେ ହସୁଥିବାର ଦେଖନ୍ତି,ଏହାକୁ ଶୁଭ ସଂକେତ ମନାଯାଇଥାଏ । ସ୍ୱପ୍ନଶାସ୍ତ୍ର ଅନୁସାରେ ଏମିତି ସ୍ୱପ୍ନ ଆପଣଙ୍କ ସମ୍ପର୍କରେ ମଜବୁତ ଆଣିବା ସହ ଆଗାମୀ ଦିନରେ ଖୁସି ଆଣିବାର ସଂକେତ ଦେଇଥାଏ ।
