୮୦ ବର୍ଷ ବୟସରେ ଲୋକଙ୍କୁ ଯୋଗାଉଛନ୍ତି ମାଗଣା ସେବା
ବୟସ ୮୦ ବର୍ଷ ହେଲାଣି । ଅଣ୍ଟା ନଇଁ ଗଲାଣି । ତୁଣ୍ଡରେ ତାଙ୍କର ଗୋଟାଏ ଶଦ୍ଦ ଜୟ ଜଗନ୍ନାଥ.. ଜୟ ଜଗନ୍ନାଥ । ଆଜି ଯାଏଁ ଦିନେ ହେଲେ ପୁରୀ ଜଗନ୍ନାଥ ମନ୍ଦିର ଯାଇ ନାହାଁନ୍ତି । କିନ୍ତୁ ପ୍ରତି ମୁହୁର୍ତ୍ତରେ ଜଗନ୍ନାଥଙ୍କ ନାଁ ସ୍ମରଣ କରୁଥାଆନ୍ତି । ଏ ବୟସରେ ମଧ୍ୟ ଲୋକଙ୍କ ସେବାରେ ନିଜକୁ ସମର୍ପଣ କରିଛନ୍ତି ।
ବୟସ ୮୦ ବର୍ଷ ହେଲାଣି । ଅଣ୍ଟା ନଇଁ ଗଲାଣି । ତୁଣ୍ଡରେ ତାଙ୍କର ଗୋଟାଏ ଶଦ୍ଦ ଜୟ ଜଗନ୍ନାଥ.. ଜୟ ଜଗନ୍ନାଥ । ଆଜି ଯାଏଁ ଦିନେ ହେଲେ ପୁରୀ ଜଗନ୍ନାଥ ମନ୍ଦିର ଯାଇ ନାହାଁନ୍ତି । କିନ୍ତୁ ପ୍ରତି ମୁହୁର୍ତ୍ତରେ ଜଗନ୍ନାଥଙ୍କ ନାଁ ସ୍ମରଣ କରୁଥାଆନ୍ତି । ଏ ବୟସରେ ମଧ୍ୟ ଲୋକଙ୍କ ସେବାରେ ନିଜକୁ ସମର୍ପଣ କରିଛନ୍ତି ।
ଏଇ ଭଙ୍ଗା କେବିନ୍ ଉପରେ ଟିକିଏ ନଜର ପକାନ୍ତୁ । ଆପଣ ଦେଖୁଥିବା ଏହି ବୃଦ୍ଧ ଜଣକ ଦୀର୍ଘ ୪୦ବର୍ଷ ହେବ ମାଗଣାରେ ସେବା କରି ଏବେ ଚର୍ଚ୍ଚାରେ l ଏ ବୟସ ରେ ବି ସେବା କରିବା ପାଇଁ ପଛେଇ ନାହାନ୍ତି ଏହି ବୃଦ୍ଧ ଜଣକ l ରାସ୍ତା କଡ଼ରେ ଦୀର୍ଘ ୪୦ବର୍ଷ ହେବ ଦୋକାନଟି କରି ବସିଛନ୍ତି l ରାସ୍ତାରେ ଯାଉଥିବା ବାଟୋଇଙ୍କୁ ଜୟ ଜଗନ୍ନାଥ କହି ସମସ୍ତଙ୍କୁ ବେଶ ଖୁସି ପାଇଥାନ୍ତି l ବୃଦ୍ଧ ବୟସ ରେ ବି ସେ କାହା ଉପରେ ନିର୍ଭର କରନ୍ତି ନାହିଁ ନିଜ କାମ ନିଜେ କରନ୍ତି l ଲୋକ ମାନେ ସମସ୍ତେ ଅତି ପ୍ରିୟ ରେ ତାଙ୍କୁ ଡାକିଥାନ୍ତି ଦାଢ଼ି ବାବା l
ଏ ହେଉଛନ୍ତି କଟକ ଜିଲ୍ଲା ମାହାଙ୍ଗା ବ୍ଲକ ଗୋପାଳପୁର ପଂଚାୟତର ବନ୍ତଳା ଗ୍ରାମ ର ସମସ୍ତ ଙ୍କ ଅତି ପ୍ରିୟ ନିରଞ୍ଜନ ସାମଲ । ସେ ଗ୍ରାମର ଏବଂ ଆଖ ପାଖ ଲୋକଙ୍କ ର ଛୋଟ ଠାରୁ ବଡ଼ ପର୍ଯ୍ୟନ୍ତ ଯାହାର ହାତ ଗୋଡ଼ ଭାଙ୍ଗି ବା ସହିତ ଫୁଲା ଏବଂ ମକଚି ଯାଇଥାଏ, ତାକୁ ଏହି ଦାଢ଼ି ବାବା ତେଲ ମାଲିସ କରିବା ସହିତ ସେକ ଦେଇ ଚିକିତ୍ସା କରିଥାନ୍ତି l ଲୋକ ମାନେ ମଧ୍ୟ ଆସି ଚିକିତ୍ସିତ ହୋଇଥାନ୍ତି l ସବୁଠାରୁ ବଡ଼ କଥା ହେଲା ନିରଞ୍ଜନ ୮୦ବର୍ଷ ବୟସ ରେ ବେଶ ଖୁସି ହୋଇ ଲୋକ ମାନଙ୍କ ସେବା କରିବା ସହିତ କୌଣସି ଟଙ୍କା ନେଇ ନଥାନ୍ତି ଲୋକ ମାନଙ୍କ ଠାରୁ l ଏହି ସେବା ସେ ବିନା ମୂଲ୍ୟ ରେ ଦୀର୍ଘ ୪୦ବର୍ଷ ହେବ କରିଆସୁଥିବା କହିଛନ୍ତି ଗ୍ରାମ ବାସୀ ମାନେ l
ଏହି ଦାଢ଼ି ବାବାଙ୍କର ମୂଳ ଲକ୍ଷ୍ୟ ହେଉଛି ଲୋକଙ୍କ ସେବା କରିବା l ସେ ଲୋକଙ୍କ ସେବା କରି ବେଶ ଆନନ୍ଦିତ ହୋଇଥିବା କହିଥିଲେ ନିରଞ୍ଜନ l ନିରଞ୍ଜନ ସେ ସକାଳୁ ରାତି ପର୍ଯ୍ୟନ୍ତ ଯାହାକୁ ବି ଦେଖନ୍ତି ତାଙ୍କୁ ଜୟ ଜଗନ୍ନାଥ କହି ସମ୍ବୋଧନ କରିଥାନ୍ତି l ଆଉ ତାଙ୍କ ଭଲମନ୍ଦ ପଚାରି ବୁଝିଥାଆନ୍ତି । ତାଙ୍କର ଏହି କାମ ପାଇଁ ତାଙ୍କୁ ଗ୍ରାମର ଲୋକ ମାନେ ବେଶ ପ୍ରଶଂସା କରିଥିବା ଦେଖିବାକୁ ମିଳିଛି l
