ଚାଲିବୁଲି ପାରୁଥିବା ଘର, ଏଥିରେ ରହିଛି ବେଡରୁମ୍ ଠାରୁ ଆରମ୍ଭ କରି କିଚେନ
କରୋନା ପାଇଁ ଏବେ ସମେସ୍ତ ଘରେ ଗୃହବନ୍ଦୀ । ବୁଲିବାକୁ ଇଚ୍ଛା ଥିଲେ ବି ଯାଇ ହେଉନାହିଁ । ତେବେ ଏବେ ଏମିତି ଏକ ଘର ଚର୍ଚ୍ଚାକୁ ଆସିଛି । ଯେଉଁ ଘରେ ରହିଲେ ବି ଆପଣ ଯାଇପାରିବେ ମାଇଲ ମାଇଲ୍ ଦୂର ବାଟ । ଯୁଆଡେ ଇଚ୍ଛା ପାରିବେ । ଏମିତି ଏକ ଘର ଏବେ ସୋସିଆଲ ମିଡିଆରେ ବେଶ୍ ଚର୍ଚ୍ଚାରେ ରହିଛି ।
ସୋସିଆଲ ମିଡିଆରେ ୧ ଲକ୍ଷ ଟଙ୍କାର ଏକ ଘରର ଫଟୋ ଭାଇରାଲ୍ ହେବାରେ ଲାଗିଛି । ତେବେ ଏହି ଘରର ସବୁଠୁ ଖାସ୍ କଥା ହେଉଛି ଯେ ଏହି ଘର ଯୁଆଡେ ଇଚ୍ଛା ସିଆଡେ ଯାଇପାରିବ । ଅର୍ଥାତ୍ ଏହି ଘର ଚାଲିପାରିବ । ଏହି ଘର ଏକ ଅଟୋ ରିକ୍ସାକୁ ମୋଡିଫାଏ କରି ତିଆରି କରାଯାଇଛି। ଘରଟିକୁ ତିଆରି କରିଛନ୍ତି ତାମିଲନାଡୁର ୨୩ ବର୍ଷୀୟ ଅରୁଣ ପ୍ରଭୁ।
ଏହି ଅଟୋରେ ବେଡରୁମ୍, ଲିଭିଂ ରୁମ୍, କିଚେନ୍ ସହିତ ଟୟଲେଟ୍ ମଧ୍ୟ ଅଛି । ଏହି ଘରେ ଦୁଇଜଣ ଲୋକେ ଆରାମରେ ରହିପାରିବେ । ଛାତ ଉପରେ ବସି ଖୋଲା ପବନ ମଧ୍ୟ ଖାଇପାରିବାର ବ୍ୟବସ୍ଥା ରହିଛି ।
୩୬ ବର୍ଗଫୁଟ୍ରେ ନିର୍ମାଣ ହୋଇଥିବା ଏହି ଘରେ ୨୫୦ ଲିଟର ପାଣି ଟାଙ୍କି ଓ ୬୦୦ ଓ୍ବାଟ୍ରେ ସୋଲାର ପ୍ୟାନେଲ୍ ରହିଛି । ଏହା ସହିତ ଘରର କବାଟ ସହିତ ଉପର ଛାତକୁ ଯିବା ପାଇଁ ସିଡି ମଧ୍ୟ ରହିଛି । ଏହି ଘରଟିକୁ ରିସାଇକେଲିଂ ଜରିଆରେ ନିର୍ମାଣ କରାଯାଇଛି । ପ୍ରାୟ ୫ ମାସ ଲାଗିଥିଲା ଏହି ଘରଟିକୁ ତିଆରି କରିବା ପାଇଁ । ଏହି ଘରେ କବାଟ ଓ ଉପରେ ଛାତ ଉପରକୁ ଯିବା ପାଇଁ ସିଢି ମଧ୍ୟ ରହିଛି। ବାଙ୍ଗାଲୁରୁର ଡିଜାଇନ୍ ଓ ଆର୍କିଟେକ୍ କମ୍ପାନୀ ବିଲବୋର୍ଡ ସହିତ ମିଶି କରି ଅରୁଣ ଏହି ଘରକୁ ପ୍ରସ୍ତୁତ କରିଛନ୍ତି ।
