ପ୍ରାୟ ୨୮ ଦିନ ଧରି ପ୍ଲାଷ୍ଟିକ୍ ବୋତଲ ଭିତରେ ଫସି ରହିଥିଲା ଭାଲୁ, ଦେଖନ୍ତୁ କିପରି କରାଗଲା ଉଦ୍ଧାର

ଅନେକ ଥର ମଣିଷ ଏପରି କାର୍ଯ୍ୟ କରିଥାଏ, ଯେଉଁ କାରଣରୁ ଅନେକ ନିରୀହ ପଶୁ ପକ୍ଷୀ ମାନଙ୍କୁ ଯନ୍ତ୍ରଣା ଭୋଗିବାକୁ ପଡେ । କିନ୍ତୁ ଲୋକମାନେ ଏହାକୁ ବିଶ୍ୱାସ କରନ୍ତି ନାହିଁ । ବାସ୍ତବରେ ଏପରି ଘଟିଛି ଯେ କିଛି ବ୍ୟକ୍ତି ପ୍ଲାଷ୍ଟିକ୍ ବୋତଲକୁ ଫୋପାଡ଼ି ଦେଇଥିଲେ । ଦୁର୍ଭାଗ୍ୟବଶତଃ ଏହି ପ୍ଲାଷ୍ଟିକ୍ ବୋତଲ ଭିତରେ ପ୍ରାୟ ୨୮ ଦିନ ପର୍ଯ୍ୟନ୍ତ ଭାଲୁର ମୁଣ୍ଡଟି ଅଟକି ଯାଇଥିଲା । ପରିଶେଷରେ ଏହି ଭାଲୁକୁ ବଞ୍ଚାଇ ଦିଆଗଲା କିନ୍ତୁ ଯେତେବେଳେ ଏହି ପ୍ଲାଷ୍ଟିକ ବୋତଲଟି ଭାଲୁର ବେକରୁ ବାହାର କରାଗଲା, ସେତେବେଳେ ସେ ଗୁରୁତର ଭାବରେ ଆହତ ହୋଇଥିଲା । ଭାଲୁର ଏପରି ଶୋଚନୀୟ ଅବସ୍ଥାର ଭିଡିଓ ବର୍ତ୍ତମାନ ଭାଇରାଲ ହେବାର ଲାଗିଛି ।

ବାସ୍ତବରେ, ଏହି ଭିଡିଓ ଫ୍ଲୋରିଡାର ଫିସ୍ ଏଣ୍ଡ ୱାଇଲ୍ଡ ଲାଇଫ୍ ଗ୍ରୁପ୍ ଦ୍ୱାରା ସେୟାର କରାଯାଇଛି। ଭିଡିଓରେ କୁହାଯାଇଛି ଯେ ଏହି ପାତ୍ରଟି ଭାଲୁର ବେକରେ ୨୮ ଦିନରୁ ଅଧିକ ସମୟ ଧରି ଲାଗି ରହିଥିଲା। ଏହାକୁ ସଫଳତାର ସହିତ ହଟାଇ ଦିଆଗଲା ଏବଂ ଭାଲୁକୁ ଶେଷରେ ଜଙ୍ଗଲକୁ ଛାଡି ଦିଆଗଲା । କିନ୍ତୁ ଭାଲୁ ବେକରୁ ଏହାକୁ କାଢ଼ିବା ବହୁତ କଷ୍ଟକର ଥିଲା କାରଣ ଭାଲୁଟି ବିରକ୍ତ ହୋଇଯାଇଥିବାରୁ ଏହା ଏତେ ସହଜ ନଥିଲା ।

ସୂଚନାନୁସାରେ, ଉଦ୍ଧାରକାରୀ ଦଳ ସିସିଟିଭି କ୍ୟାମେରାରେ ଭାଲୁର ଫୁଟେଜ ଦେଖିବା ପରେ ଏ ବିଷୟରେ ଜାଣିବାକୁ ପାଇଥିଲେ। ଏହା ପରେ ଟିମ୍ ଭାଲୁକୁ ଟ୍ରାକ୍ କରି ସେହି ସ୍ଥାନ ଉପରେ ନଜର ରଖିଥିଲା। ତିନି ସପ୍ତାହରୁ ଅଧିକ ସମୟ ପରେ ହିଁ ଟିମ୍ ଭାଲୁକୁ ଖୋଜିବାରେ ସଫଳ ହୋଇଥିଲା । ଏଥିପାଇଁ କର୍ମଚାରୀମାନେ ନୂଆ ଜାଲ ପକାଇ ରାତିରେ ପାଟ୍ରୋଲିଂ ଆରମ୍ଭ କରିଥିଲେ।

ଉଦ୍ଧାରକାରୀ ଟିମ୍ କୌଣସି ପ୍ରକାରେ ଭାଲୁକୁ ଧରି ପ୍ଲାଷ୍ଟିକ୍ ବୋତଲକୁ ତାର ମୁହଁରୁ ବାହାର କରିଦେଇଥିଲେ । ଏହି ଅଭାବନୀୟ ଭିଡିଓ ପୋଷ୍ଟ ହେବା ପରେ ଏହାକୁ ହଜାର ହଜାର ଲୋକ ସେୟାର କରିଛନ୍ତି । ଜଣେ ଉପଭୋକ୍ତା ଲେଖିଛନ୍ତି ଯେ ସେ ବହୁତ ଖୁସି ଲାଗିଲା ଯେ ସେ ନିରାପଦରେ ଅଛ, ଆପଣ ସମସ୍ତେ ଏକ ଭଲ କାମ କରିଛନ୍ତି ।