ଚାଣକ୍ୟ ନୀତି : ପୁରୁଷଙ୍କ ଏହି ୪ କଥା ଉପରେ ଆକର୍ଷିତ ହୋଇଥାନ୍ତି ମହିଳା, ଦେଇ ଦେଇଥାନ୍ତି ହୃଦୟ
ଆଚାର୍ଯ୍ୟ ଚାଣକ୍ୟଙ୍କ ନୀତିଗୁଡିକ ଭିତରୁ କେତେ ନୀତି ଵା ବିଚାର ଆପଣଙ୍କୁ କଠୋର ଲାଗିପାରେ କିନ୍ତୁ ଏହି କଠୋରତା ହିଁ ଜୀବନର ସତ୍ୟ ଅଟେ । ବ୍ୟସ୍ତ ବହୁଳ ଜୀବନରେ ଆପଣ ଏହି ବିଚାରଗୁଡିକୁ ଅଣଦେଖା କରିଦେଇ ପାରନ୍ତି କିନ୍ତୁ ଏହା ଜୀବନର ପ୍ରତିଟି ଘଡ଼ିସନ୍ଧି ମୁହୁର୍ତ୍ତରେ ଆପଣଙ୍କୁ ସାହାଯ୍ୟ କରିଥାଏ । କୁହାଯାଏ ଯଦି କେହି ଚାଣକ୍ୟଙ୍କ ନୀତି ମାନିଥାନ୍ତି,ତାଙ୍କୁ ନିଶ୍ଚିତ ଭାବେ ସଫଳତା ମିଳିଥାଏ ।
ଆଚାର୍ଯ୍ୟ ଚାଣକ୍ୟ ପୁରୁଷଙ୍କ କିଛି ଏପରି ଗୁଣ ସମ୍ପର୍କରେ କହିଛନ୍ତି,ଯାହାକୁ ଦେଖି ମହିଳାମାନେ ତାଙ୍କ ଆଡକୁ ଅଧିକ ଆକର୍ଷିତ ହୋଇପଡିଥାନ୍ତି । ଆସନ୍ତୁ ଜାଣିବା ଚାଣକ୍ୟଙ୍କ ଅନୁସାରେ ମହିଳାମାନେ କିଭଳି ପୁରୁଷଙ୍କୁ ପସନ୍ଦ କରିଥାନ୍ତି ।
ସଚ୍ଚୋଟ ଚରିତ୍ରର ପୁରୁଷ
ଚାଣକ୍ୟ ନୀତି ଅନୁଯାୟୀ, ଯେଉଁ ପୁରୁଷ ସଚ୍ଚୋଟ ହୋଇଥାନ୍ତି, ପତ୍ନୀ ବା ପ୍ରେମିକାଙ୍କୁ କେଉଁ କଥା ଲୁଚାଇ ନଥାନ୍ତି ଓ ବହୁତ ଶାନ୍ତ ସରଳ ସ୍ୱଭାବର ହୋଇଥାନ୍ତି, ଏଭଳି ପୁରୁଷଙ୍କୁ ମହିଳା ଅଧିକ ପସନ୍ଦ କରିଥାନ୍ତି । ଏପରି ପୁରୁଷଙ୍କ ସହ ନିଜର ସମ୍ପର୍କ ରଖିବା ପାଇଁ ଚାହିଁଥାନ୍ତି ।
ଯେଉଁ ପୁରୁଷ ମହିଳାଙ୍କ କଥାକୁ ଶାନ୍ତିର ସହ ଶୁଣନ୍ତି
ମହିଳାମାନେ ଯେବେ ବି ନିଜ ଜୀବନ ସାଥୀ ବାଛିଥାନ୍ତି, ସେମାନେ ପ୍ରଥମେ ଦେଖିଥାନ୍ତି ଯେ ତାଙ୍କ ପ୍ରେମିକ ତାଙ୍କ କଥାକୁ କେତେ ଶାନ୍ତିର ସହ ଶୁଣୁଛନ୍ତି । ମହିଳାଙ୍କୁ ଭଲ ଲାଗିଥାଏ ଯେତେବେଳେ ତାଙ୍କର ଜୀବନସାଥୀ ତାଙ୍କ ଛୋଟ କଥାକୁ ମଧ୍ୟ ଗୁରୁତର ସହ ଶୁଣିଥାନ୍ତି । ଏପରି ବ୍ୟକ୍ତିଙ୍କୁ ମହିଳାମାନେ ଅତି ସହଜରେ ନିଜର ହୃଦୟ ଦେଇ ଦେଇଥାନ୍ତି ବୋଲି ଚାଣକ୍ୟ କହିଛନ୍ତି ।
ଯାହାର ମନ ସଫା ଓ ଧନୀ ବ୍ୟକ୍ତିତ୍ୱ ହୋଇଥାନ୍ତି
ମହିଳାମାନେ ଯେବେ ବି ନିଜର ଜୀବନସାଥୀ ବାଛନ୍ତି, ସେମାନେ ସୁନ୍ଦରତା ଅପେକ୍ଷା ସେମାନଙ୍କର ପ୍ରକୃତି ବା ଆଦତ ପ୍ରତି ବେଶୀ ଧ୍ୟାନ ଦେଇଥାନ୍ତି । ସେମାନେ ପୁରୁଷର ମନ ପ୍ରତି ବେଶୀ ଆକର୍ଷିତ ହୋଇଥାନ୍ତି । ଏଥିସହ ଯେଉଁ ପୁରୁଷ ପରିଶ୍ରମୀ ହୋଇଥାନ୍ତି ବା ଧନୀ ହୋଇଥାନ୍ତି, ସେ ପୁରୁଷଙ୍କୁ ମଧ୍ୟ ମହିଳା ଶୀଘ୍ର ହୃଦୟ ଦେଇ ବସନ୍ତି ।
ଯେଉଁ ପୁରୁଷଙ୍କ ଶାନ୍ତ ସ୍ୱଭାବ
ମହିଳାଙ୍କୁ ଏପରି ପୁରୁଷ ବହୁତ ଆକର୍ଷିତ କରିଥାନ୍ତି, ଯାହାଙ୍କ ସ୍ୱଭାବ ଅତି ସରଳ । ଶାନ୍ତ ଓ ସମ୍ବେଦନଶୀଳ ବ୍ୟକ୍ତିତ୍ୱଙ୍କ ନିକଟରେ ମହିଳା ଶୀଘ୍ର ହୃଦୟ ଦେଇ ଦେଇଥାନ୍ତି । ଯେଉଁ ପୁରୁଷ ଶାନ୍ତ ସ୍ୱଭାବର ଓ ଯାହାଙ୍କ କଥା ସୁନ୍ଦର,ସେହି ପୁରୁଷଙ୍କୁ ମହିଳା ଶୀଘ୍ର ପସନ୍ଦ କରିଥାନ୍ତି ।
