ଦିନେ ମୁଣ୍ଡରେ ଥିଲା ବିଉଟି କୁଇନର ମୁକୁଟ, କିନ୍ତୁ ଏବେ କାନ୍ଧରେ ବନ୍ଧୁକ : ପଢନ୍ତୁ ସୁନ୍ଦରୀରୁ ସେନା ହୋଇଥିବା ଗରିମାଙ୍କ କାହାଣୀ
୨୦୧୭ରେ ମୁଣ୍ଡରେ ସାଜିଥିଲା ବିଉଟି କୁଇନର କ୍ରାଉନ୍ । ଆଉ ଆଜି କ୍ରାଉନ୍ ବଦଳରେ ଅଛି ସେନାର କ୍ୟାପ୍ । ୨୦୧୭ ରେ ହୋଇଥିଲେ ଇଣ୍ଡିଆଜ୍ ମିସ୍ ଚାର୍ମିଙ୍ଗ୍ ଫେସ୍ । ଆଉ ଆଜି ସେ ଭାରତୀୟ ସେନାର ଅଫିସର୍ । ସେ ହେଉଛନ୍ତି ଗରିମା ଯାଦବ । ସୌନ୍ଦର୍ୟ୍ୟ ପ୍ରତିଯୋଗିତା ଜିତିଥିବା ଅନେକ ବିଉଟି କୁଇନଙ୍କ ଯାତ୍ରା ମଡେଲିଙ୍ଗ୍ ଏବଂ ବଲିଉଡରେ ଶେଷ ହୁଏ , ଏହାକୁ ଭୁଲ୍ ବୋଲି ପ୍ରମାଣିତ କରିଦେଖାଇଛନ୍ତି ଗରିମା ।
ଇଣ୍ଡିଆଜ୍ ମିସ୍ ଚାର୍ମିଙ୍ଗ୍ ଫେସ୍ – ୨୦୧୭ ନିଜ ନାଁ ନିଜ ନାଁରେ କରିଥିଲେ ହରିୟାଣାର ଗରିମା । ମୁମ୍ବାଇରେ ଆୟୋଜିତ ହୋଇଥିବା ଏହି ପ୍ରତିଯୋଗିତାରେ ବିଭିନ୍ନ ରାଜ୍ୟର ୨୦ ଜଣ ପ୍ରତିଯୋଗୀଙ୍କୁ ପଛରେ ବିଉଟି କୁଇନର କ୍ରାଉନ୍ ବିଜୟିନୀ ହୋଇଥିଲା ।
ତେବେ ଇଣ୍ଡିଆଜ୍ ମିସ୍ ଚାର୍ମିଙ୍ଗ୍ ଫେସ୍ ଜିତିବା ପରେ ମଡେଲିଙ୍ଗ୍ ଆଡେ ମୁହାଁଇନଥିଲେ ଗରିମା । ବରଂ ଚାହୁଁଥିଲେ ଦେଶ ସେବା କରିବାକୁ । ପ୍ରଥମ ଚେଷ୍ଟାରେ ହିଁ କମ୍ପାଇନ୍ଡ ଡିଫେନ୍ସ ସର୍ଭିସେସ୍ ପରୀକ୍ଷା ପାସ୍ କରି ଚେନ୍ନାଇ ଓଟିଏ ପହଂଚିଥିଲେ ଗରିମା । ଏଠାରେ ସେ ଏକ ବର୍ଷର ଟ୍ରେନିଙ୍ଗ୍ ନେଇଥଲେ । ଏପରିକି ଭାରତୀୟ ସେନାରେ ଅଫିସର୍ ହେବା ପୂର୍ବରୁ ଅନ୍ତରାଷ୍ଟ୍ରୀୟ ସ୍ତରରେ ହେଉଥିବା ଏକ ସୌନ୍ଦର୍ୟ୍ୟ ପ୍ରତିଯୋଗିତାରେ ଭାଗ ନେବା ପାଇଁ ନିମନ୍ତ୍ରଣ ଆସିଥିଲା । କିନ୍ତୁ ଓଟିଏ ଯିବା ପାଇଁ ଏହାକୁ ପ୍ରତ୍ୟାଖ୍ୟାନ କରିଦେଇଥିଲେ ଗରିମା । ପ୍ରତିଯୋଗୀତା ପରିବର୍ତ୍ତେ ଦେଶସେବା କରିବା ନିଷ୍ପତ୍ତି ନେଇଥିଲେ ଗରିମା ଯାଦବ ।
