ଏହି ଟ୍ରେନରୁ ଓହ୍ଲାଇଥାନ୍ତି ଭୂତ, ଯାହାର ଦୃଶ୍ୟ ଦେଖି ଥରି ଉଠିବ ଛାତି
କିଛି ସ୍ଥାନଗୁଡିକୁ ଯିବା ପରେ ଅନେକ ଲୋକ ଦାବି କରନ୍ତି ଯେ ସେମାନଙ୍କ ଆଖ ପାଖରେ ଭୂତ ଭଳି କିଛି ଥିବାର ଅନୁଭବ ହୁଏ । ତେବେ ସ୍ୱିଡେନରେ ମଧ୍ୟ ଏପରି ଏକ ସ୍ଥାନ ରହିଛି । ଯାହା ଏକ ରେଳ ଷ୍ଟେସନ, ଏହା ବିଷୟରେ କୁହାଯାଏ ଯେ ଏଠାକୁ ଭୂତ ଭରା ଟ୍ରେନ୍ ଆସେ ଏବଂ କେବଳ ଭୂତମାନେ ହିଁ ଏଠାରେ ରାଜ କରନ୍ତି ।
ଦୁନିଆରେ ଏଭଳି ଅନେକ ସ୍ଥାନ ଅଛି ଯେଉଁଠାରେ ଭୂତ ରହିଛି ବୋଲି ଲୋକମାନେ ବିଶ୍ୱାସ କରନ୍ତି । ଭୂତ ପ୍ରକୃତରେ ଅଛି କି ନାହିଁ ତାହା ବ୍ୟକ୍ତିଗତ ବିଶ୍ୱାସ ଉପରେ ନିର୍ଭର କରେ । କିନ୍ତୁ କିଛି ସ୍ଥାନଗୁଡିକୁ ଯିବା ପରେ ଅନେକ ଲୋକ ଦାବି କରନ୍ତି ଯେ ସେମାନଙ୍କ ଆଖ ପାଖରେ ଭୂତ ଭଳି କିଛି ଥିବାର ଅନୁଭବ ହୁଏ । ତେବେ ସ୍ୱିଡେନରେ ମଧ୍ୟ ଏପରି ଏକ ସ୍ଥାନ ରହିଛି । ଯାହା ଏକ ରେଳ ଷ୍ଟେସନ, ଏହା ବିଷୟରେ କୁହାଯାଏ ଯେ ଏଠାକୁ ଭୂତ ଭରା ଟ୍ରେନ୍ ଆସେ ଏବଂ କେବଳ ଭୂତମାନେ ହିଁ ଏଠାରେ ରାଜ କରନ୍ତି ।
ଏହି ବିଷୟରେ ଜାଣିବା ପରେ ଆପଣଙ୍କ ହୃଦୟ ମଧ୍ୟ କମ୍ପି ଉଠିବ । ରିପୋର୍ଟ ଅନୁଯାୟୀ ସ୍ୱିଡେନର ରାଜଧାନୀ ଷ୍ଟକହୋମରେ ଏକ ମେଟ୍ରୋ ଷ୍ଟେସନ୍ ରହିଛି, ଯାହାର ନାମ କିମଲିଞ୍ଜ ମେଟ୍ରୋ ଷ୍ଟେସନ୍ । ସହରର ସାଧାରଣ ଲୋକଙ୍କ କାହାଣୀ ଏବଂ କିଛି ରିପୋର୍ଟ ଅନୁଯାୟୀ ଏହି ସ୍ଥାନରେ ଭୂତ ଅଛନ୍ତି ବୋଲି ବିଶ୍ୱାସ କରାଯାଏ । ଏହି କାରଣରୁ, ଏହି ଷ୍ଟେସନ ଆଜି ପର୍ଯ୍ୟନ୍ତ ଅସମ୍ପୂର୍ଣ୍ଣ ରହିଛି । ବିଶ୍ୱାସ କରାଯାଏ ଯେ କିଛି ବର୍ଷ ପୂର୍ବରୁ ଯେତେବେଳେ ଏହି ଷ୍ଟେସନର ନିର୍ମାଣ କାର୍ଯ୍ୟ ଚାଲିଥିଲା, ଏଠାରେ କାର୍ଯ୍ୟ କରୁଥିବା କାରିଗରମାନେ ରାତାରାତି ଏଠୁ ପଳାଇ ଯାଇଥିଲେ ।
କାରିଗରମାନେ ଷ୍ଟେସନର ରହସ୍ୟ ତାଙ୍କ ପରିବାର ଏବଂ ବନ୍ଧୁମାନଙ୍କୁ ଜଣାଇବାବେଳେ କହିଥିଲେ ଯେ ସେଠାରେ ଭୂତ ଅଛନ୍ତି । ସେମାନେ କହିଛନ୍ତି ଯେ ରାତିରେ କିଛି ଟ୍ରେନ୍ ଏହି ଷ୍ଟେସନକୁ ଆସେ ଯେଉଁଥିରୁ ଭୂତ ବାହାରନ୍ତି । ସେବେଠାରୁ ଏହି ଗୁଜବ ଲୋକମାନଙ୍କ ମଧ୍ୟରେ ବ୍ୟାପିଗଲା ଯେ, ଏହି ଷ୍ଟେସନକୁ ବିଳମ୍ବିତ ରାତିରେ ଟ୍ରେନ୍ ଆସେ ଯେଉଁଥିରେ ଭୂତମାନେ ଯାତ୍ରା କରନ୍ତି ଏବଂ ଏଠାରେ ଓଲ୍ହାଇଥାନ୍ତି । ଏହି ଷ୍ଟେସନ ସହିତ ଜଡିତ ସବୁଠାରୁ ଭୟଭୀତ ବିଷୟ ହେଉଛି ସିଲଭର ଆରୋ ଟ୍ରେନ୍ ।
୧୯୬୦ ଦଶକରେ ଷ୍ଟକହୋମ ମେଟ୍ରୋକୁ ୮ ଟି ଟ୍ରେନ୍ ଦିଆଯାଇଥିଲା ଯାହାକି ସମ୍ପୂର୍ଣ୍ଣ ଭାବରେ ଆଲୁମିନିୟମରେ ତିଆରି ହୋଇଥିଲା । ଯଦିଓ ସ୍ୱିଡେନରେ ଏହା ଏକ ସାଧାରଣ କଥା ଥିଲା, ଯେତେବେଳେ ସେହି ଟ୍ରେନ୍ ଗୁଡିକ ଷ୍ଟେସନକୁ ଅଣାଯାଇଥିଲା, ସେତେବେଳେ ସେମାନେ ଷ୍ଟକହୋମ ଟ୍ରେନର ଅନ୍ୟ କୋଚ ପରି ସବୁଜ ରଙ୍ଗ ହୋଇନଥିଲା । ସିଲଭର ରଙ୍ଗର କୋଚଗୁଡିକ ଅନ୍ୟ କୋଚମାନଙ୍କଠାରୁ ଭିନ୍ନ ଦେଖାଯିବ ବୋଲି ପ୍ରଶାସନ ଭାବିଥିଲା । କିନ୍ତୁ ସେହି ସମୟ ମଧ୍ୟରେ ଗୁଜବ ବ୍ୟାପିବାରେ ଲାଗିଲା ଯେ ଏହି ଟ୍ରେନ୍ ରାତିରେ ମନକୁ ମନ ଚାଲିବା ଆରମ୍ଭ କରେ ।
ଅନ୍ୟ ଟ୍ରେନଗୁଡିକରେ ପେଣ୍ଟର ରଙ୍ଗ ହୋଇଥାଏ କିମ୍ବା କୌଣସି ପେପର ଲାଗିଥାଏ, କିନ୍ତୁ ସିଲଭର ଆରୋ ଟ୍ରେନଗୁଡ଼ିକରେ କୌଣସି ଦାଗ ନଥିଲା । ସେଥିପାଇଁ ଲୋକମାନେ ବିଶ୍ୱାସ କରୁଥିଲେ ଯେ ଏହି ଟ୍ରେନଗୁଡିକ ଭୂତମାନଙ୍କ ଦ୍ୱାରା ବ୍ୟବହୃତ ହେଉଛି । ତେବେ ଏହି ଷ୍ଟେସନ ଏବଂ ଟ୍ରେନ୍ ବିଷୟରେ ପ୍ରଶାସନ ଅନେକ ଥର କହିଛି ଏବଂ ତାଙ୍କ ମତ ସମ୍ପୂର୍ଣ୍ଣ ଭିନ୍ନ । ସେ କହିଛନ୍ତି ଯେ ଏହିଁ ଷ୍ଟେସନର ନିର୍ମାଣ କାର୍ଯ୍ୟ କେବଳ ବନ୍ଦ ହୋଇଯାଇଥିଲା କାରଣ ଏହା ଜଙ୍ଗଲ ମଧ୍ୟରେ ଅବସ୍ଥିତ ଏବଂ ପ୍ରଶାସନ ନିଷ୍ପତ୍ତି ନେଇଥିଲା ଯେ ସେମାନେ ଏହାର ଚାରିପାଖରେ ଥିବା ପ୍ରାକୃତିକ ସୌନ୍ଦର୍ଯ୍ୟକୁ ନଷ୍ଟ କରିବାକୁ ଚାହୁଁନାହାଁନ୍ତି ।
ଏହା ବ୍ୟତୀତ ସେମାନେ ଭାବିଥିଲେ ଯେ ଟ୍ରେନକୁ ସିଲଭର ରଙ୍ଗ କରି ସେମାନେ ଜାଣିପାରିବେ ଯେ ଯାତ୍ରୀମାନେ ରଙ୍ଗୀନ ଟ୍ରେନ କିମ୍ବା ସାଧା ରଙ୍ଗର ଟ୍ରେନରେ ଯାତ୍ରା କରିବାକୁ ପସନ୍ଦ କରନ୍ତି? ଏହା ବ୍ୟତୀତ ସେ ପେଣ୍ଟ ନକରିବା ଦ୍ୱାର ବହୁ ଅର୍ଥ ମଧ୍ୟ ସଞ୍ଚୟ ହେଉଥିଲା । କିନ୍ତୁ ଲୋକମାନେ ଏଠାରେ ଭୂତ ଅଛି ବୋଲି କହି ଗୁଜବ ପ୍ରଚାର କରିବା ଆରମ୍ଭ କରିଦେଇଥିଲେ । ତେବେ ବର୍ତ୍ତମାନ ବାସ୍ତବତା କ’ଣ ତାହା କେହି ମଧ୍ୟ ଜାଣନ୍ତି ନାହିଁ, କିନ୍ତୁ ଲୋକମାନେ ସେମାନଙ୍କର ବିଶ୍ୱାସ ହେତୁ ଏଠାକୁ ଯିବାକୁ ଭୟ କରନ୍ତି ।
