ଜୀବନକୁ ସଦମାର୍ଗରେ ନେଇଥାଏ ମହାଭାରତରେ ବର୍ଣ୍ଣିତ ଏହି ବାକ୍ୟ

ଭାରତୀୟ ପୌରାଣିକ ଶାସ୍ତ୍ରରେ ଜୀବନକୁ ସୁମଧୁର କରିବା ପାଇଁ ବିଭିନ୍ନ ପ୍ରକାରର ଜିନିଷ ବର୍ଣ୍ଣନା କରାଯାଇଛି। ମନୁଷ୍ୟ ଜୀବନରେ ଘଟିଥିବା ଅନେକ ଘଟଣା ଏବଂ ଅଘଟଣାର ଏହି ଶାସ୍ତ୍ର ସହ ସାମଞ୍ଜସ୍ୟ ରହିଥାଏ । ବର୍ତ୍ତମାନରେ ସମାଜରେ ଘଟୁଥିବା ବିଭିନ୍ନ ସମସ୍ୟର ପୂର୍ବରୁ ହିଁ ଭାରତୀୟ ପୌରାଣିକ ଶାସ୍ତ୍ରରେ ଉଲ୍ଲେଖ କରାଯାଇଛି। ଖାସ କରି ମହାଭାରତରେ । ପୌରାଣିକ ଗ୍ରନ୍ଥ ମହାଭାରତରେ ଜୀବନ ,ଧର୍ମ , ରାଜନୈତିକ , ଦେଶ , ସମାଜ , ଜ୍ଞାନ ଏବଂ ବିଜ୍ଞାନ ଆଦି ବିଷୟରେ ବିଶେଷ ଉଲ୍ଳେଖ କରାଯାଇଛି । ଏଥିରେ ଜୀବନର ମାର୍ଗଦର୍ଶନ କରାଯାଇଥିବା ବେଳେ ଜୀବନକୁ ନଷ୍ଟ କରିବାରୁ ରକ୍ଷା କରିବାକୁ ବିଭିନ୍ନ ମନ୍ତବ୍ୟ ଦିଆଯାଇଛି । ଆସନ୍ତୁ ଜାଣିବା ଜୀବନକୁ ସୁମଧୁର କରିବା ପାଇଁ ମହାଭାରତରେ ଉଲ୍ଲେଖ ବାକ୍ୟ ବିଷୟରେ…

ଅସ୍ତ୍ର ଠାରୁ ଅଧିକ ଘାତକ ପାଟିରୁ ବାହାରିଥିବା କଥା :

ସବୁବେଳେ ଦେଖା ଯାଇଛି କୌଣସି ଖଣ୍ଡିଆ ବା ଆଘାତ ଠାରୁ ଅଧିକ କଷ୍ଠ ଦାୟକ ହୋଇଥାଏ ବ୍ୟକ୍ତିଙ୍କର ବାଣୀ । କଥା କହିବା ଶୈଳୀ ଦ୍ବାରା ଜଣଙ୍କ ର ମନ ଜିତି ହେବା ବେଳେ ଜଣଙ୍କୁ ଆଘାତ ମଧ୍ୟ ପହଞ୍ଚାଇ ହେବ । ତୁଣ୍ଡରୁ ବାହାରି ଥିବା ବାଣୀ ଏପରି ଏକ ଅସ୍ତ୍ର ଯାହାର ଆଘାତକୁ କେଉଁ ମଲମ ଦ୍ବାରା ଠିକ୍ କରିହୁଏନା ।

ମହାଭାରତରେ ମଧ୍ୟ ରାଜପ୍ରସାଦରେ ଚାଲୁଥିବା ସମୟରେ ଦୁର୍ୟ୍ୟଧନ ଝୁଣ୍ଟି ପଡ଼ିଥିବାରୁ ଦ୍ରୌପଦୀ ପରିହାସ କରି କହିଥିଲେ ଅନ୍ଧଙ୍କ ପୁଅ ଅନ୍ଧ ଯାହା ପରେ ଦ୍ରୌପଦୀ ଚିରହରଣର କାରଣ ପାଲଟିଥିଲା । ଏଣୁ ସର୍ବଦା କିଛି କଥା କହିବା ପୂର୍ବରୁ ଧ୍ୟାନ ଦେବା ଉଚିତ୍ । କେବେ ମଧ୍ୟ କାହାକୁ ଅପମାନ କରବା ଭଳି ବାକ୍ୟ କହିବା ଉଚିତ୍ ନୁହଁ ।

ଭଲ ସାଙ୍ଗ ଜୀବନକୁ ଭଲ କରିଥାଏ :

ପରିବାର ପରେ ମନୁଷ୍ୟ ଜୀବନରେ ବହୁ ଖାସ ସ୍ଥାନ ନେଇଥାଏ ସାଙ୍ଗ । ଆପଣ ବହୂତ ଭଲ ଥାଆନ୍ତୁ କିନ୍ତୁ ଯଦି ଆପଣ ମନ୍ଦ ସଙ୍ଗତୀରେ ପଡ଼ୁଛନ୍ତି ତେବେ ଆପଣଙ୍କ ଜୀବନ ବରବାଦ ହେବାର ଆଶଙ୍କା ରହିଥାଏ । ଆପଣଙ୍କ ଚର୍ତୁପାର୍ଶ୍ବରେ ଏପରି ଅନେକ ବ୍ୟକ୍ତି ବହୁତ ଅଛନ୍ତି ଯେଉଁମାନେ ସାଙ୍ଗ ସାଥିଙ୍କ ପାଇଁ ନିଜ ଜୀବନ ବରବାଦ କରିଦେଇଥବା ଆପଣ ଦେଖିଥିବେ ।
ମହାଭାରତରେ ମଧ୍ୟ ର୍ଦୁୟୋଧନ ଖରାପ ନଥିଲେ ବା ତାଙ୍କର କୌଣସି ମନ୍ଦ ଚିନ୍ତାଧାର ନଥିଲା । କିନ୍ତୁ ମାମୁଁ ଶକୁନୀଙ୍କ ମନ୍ଦ ମନ୍ତ୍ରଣାରେ ଭାସିଯାଇ ସେ ତାଙ୍କ ସହିତ ସମସ୍ତ ପରିବାରକୁ ନଷ୍ଟ କରି ରଖିଦେଇଥିଲେ ।

ଶିକ୍ଷାର ସଦୁପୋଯୋଗ :

ସର୍ବଦା ଶିକ୍ଷା ସଂପୂର୍ଣ୍ଣ ଭାବେ ଗ୍ରହଣ କରିବା ସହ ତାହାର ଉପଯୁକ୍ତ ବ୍ୟବହାର କରିବା ଆବଶ୍ୟକ । ସ୍ବଳ୍ପ ଶିକ୍ଷା ବା ଅଧା ଶିକ୍ଷା ସବୁବେଳେ ମନୁଷ୍ୟକୁ ଅସୁବିଧାରେ ପକାଇଥାଏ । ନିଜର ଶିକ୍ଷାକୁ ସର୍ବଦା ସମାଜର ଉନ୍ନତି ବ୍ୟବହାର କରିବା ଉଚିତ୍ । କେବେ ମଧ୍ୟ ଭୁଲରେ ଶିକ୍ଷାକୁ ନେଇ ଗର୍ବ ଅନୁଭୂତ କରିବା ଠିକ୍ କଥା ନୁହଁ । କାରଣ ଶିକ୍ଷାକୁ ଯେତେ ବଣ୍ଟା ହେବା ତାହା ସେତେ ବଢ଼ିବ ।