ଗୁପଚୁପ୍ ପ୍ରଥମେ ଭାରତକୁ କିପରି ଆସିଲା, କେଉଁ ରାଜ୍ୟରେ ଏହା ପ୍ରଥମେ ପରିଚିତ ହୋଇଥିଲା?
ଗୁପଚୁପ୍, ଗୋଲଗପ୍ପା, ପାନି ପୁରୀ କିମ୍ବା ପୁଚକା... ନାମଗୁଡିକ ଅଲଗା ଅଲଗା କିନ୍ତୁ ଯେତେବେଳେ ଏହି ସବୁର ନାମ ନିଆଯାଏ ଏକ ଚଟପଟା ସ୍ୱାଦିଷ୍ଟ ଖାଦ୍ୟ ସମସ୍ତଙ୍କ ମନରେ ଆସିଯାଇଥାଏ । ବହୁ ବର୍ଷ ଧରି ଏହା ସମସ୍ତଙ୍କ ପ୍ରିୟ ଷ୍ଟ୍ରିଟ୍ ଫୁଡ୍ ହୋଇ ରହିଆସିଛି । ତେବେ ଆପଣ ଜାଣନ୍ତି କି ଗୁପଚୁପର ଇତିହାସ କିଛି ବର୍ଷ ପୁରୁଣା ନୁହେଁ ବରଂ ଏହା ମହାଭାରତ ସମୟ ସହିତ ଜଡିତ ।
ଗୁପଚୁପ୍ ନାଁ ଶୁଣିଲେ ହିଁ ମୁହଁରେ ପାଣି ଆସିଯାଏ । ସେ ଛୋଟ ହୁଅନ୍ତୁ ଅବା ବଡ଼ । ଗୁପଚୁପ୍ ଏକ ଏଭଳି ଖାଦ୍ୟ ଯାହା ସମସ୍ତଙ୍କ ପସନ୍ଦ । ଗୁପଚୁପ୍, ଗୋଲଗପ୍ପା, ପାନି ପୁରୀ କିମ୍ବା ପୁଚକା… ନାମଗୁଡିକ ଅଲଗା ଅଲଗା କିନ୍ତୁ ଯେତେବେଳେ ଏହି ସବୁର ନାମ ନିଆଯାଏ ଏକ ଚଟପଟା ସ୍ୱାଦିଷ୍ଟ ଖାଦ୍ୟ ସମସ୍ତଙ୍କ ମନରେ ଆସିଯାଇଥାଏ । ଭାରତର ଏହି ପ୍ରସିଦ୍ଧ ଷ୍ଟ୍ରିଟ୍ ଫୁଡ୍ ଦେଶ ତଥା ବିଦେଶରେ ମଧ୍ୟ ବହୁତ ପସନ୍ଦ କରାଯାଏ । ବହୁ ବର୍ଷ ଧରି ଏହା ସମସ୍ତଙ୍କ ପ୍ରିୟ ଷ୍ଟ୍ରିଟ୍ ଫୁଡ୍ ହୋଇ ରହିଆସିଛି ।
ଏହି ଷ୍ଟ୍ରିଟ୍ ଫୁଡ୍ ବିଷୟରେ ସବୁଠାରୁ ବିଶେଷ କଥା ହେଉଛି ଏହାକୁ ପିଜା କିମ୍ବା ବରଗର ପରି ଖାଇବା ପାଇଁ ଆପଣଙ୍କୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡିବ ନାହିଁ, ବରଂ ଆପଣ ଏହାକୁ ଯେକୌଣସି ସ୍ଥାନରେ ଅତି କମ ଟଙ୍କାରେ ଖାଇ ପାରିବେ । ତେବେ ଆପଣ ଜାଣନ୍ତି କି ଗୁପଚୁପର ଇତିହାସ କିଛି ବର୍ଷ ପୁରୁଣା ନୁହେଁ ବରଂ ଏହା ମହାଭାରତ ସମୟ ସହିତ ଜଡିତ ।
ଗୁପଚୁପ୍ କିଏ ଉଦ୍ଭାବନ କରିଥିଲେ?
ଗୁପଚୁପ୍ ଉଦ୍ଭାବନ ବିଷୟରେ ଏକ ବହୁତ ଲୋକପ୍ରିୟ କାହାଣୀ ଅଛି । ବାସ୍ତବରେ ଏହାର ଇତିହାସ ମହାଭାରତ ସମୟ ସହିତ ଜଡିତ । ଏହା ବିଷୟରେ ଜାଣି ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ଏକ ରିପୋର୍ଟ ଅନୁଯାୟୀ, ଯେତେବେଳେ ଦ୍ରୌପଦୀ ପାଣ୍ଡବଙ୍କୁ ବିବାହ କରିବା ପରେ ଘରକୁ ଫେରିଥିଲେ, ସେତେବେଳେ ତାଙ୍କ ଶାଶୁ ଏବଂ ପାଣ୍ଡବଙ୍କ ମାତା କୁନ୍ତୀ ତାଙ୍କୁ ଏକ କାର୍ଯ୍ୟ ଦେଇଥିଲେ ।
କିପରି ତିଆରି ହେଲା ଗୁପଚୁପ?
ବାସ୍ତବରେ, ପାଣ୍ଡବମାନେ ସେହି ସମୟରେ ବନବାସରେ ବିତାଉଥିଲେ, ତେଣୁ ସେମାନଙ୍କୁ ଅନେକ ଅଭାବ ଅସୁବିଧାର ସହିତ ବଞ୍ଚିବାକୁ ପଡୁଥିଲା । ସେଥିପାଇଁ ପାଣ୍ଡବଙ୍କ ମା’ କୁନ୍ତୀ ଦ୍ରୌପଦୀଙ୍କୁ ପରୀକ୍ଷା କରିବାକୁ ଚାହୁଁଥିଲେ ଏବଂ ତାଙ୍କ ନୂଆ ବୋହୂ ସେମାନଙ୍କ ସହ ରହିପାରିବେ କି ନାହିଁ ତାହା ଦେଖିବାକୁ ଚାହୁଁଥିଲେ ।
ଏଭଳି ପରିସ୍ଥିତିରେ କୁନ୍ତୀ ପାଣ୍ଡବଙ୍କ ପାଇଁ ପର୍ଯ୍ୟାପ୍ତ ଖାଦ୍ୟ ପ୍ରସ୍ତୁତ କରିବା ପାଇଁ ଦ୍ରୌପଦୀଙ୍କୁ କିଛି ବଳକା ପନିପରିବା ଏବଂ କିଛି ଗହମ ଅଟା ଦେଇଥିଲେ । ଯେଉଁଥିରୁ ଦ୍ରୌପଦୀ ଗୁପଚୁପର ଉଦ୍ଭାବନ କରିଥିଲେ । ଯଦିଓ ଏହାର କୌଣସି ସଠିକ୍ ପ୍ରମାଣ ନାହିଁ । ଐତିହାସିକ ଭାବରେ ଏହା ମଧ୍ୟ ବିଶ୍ୱାସ କରାଯାଏ ଯେ ଗୁପଚୁପ୍ ପ୍ରଥମେ ମଗଧରେ ତିଆରି କରାଯାଇଥିଲା ।
ଐତିହାସିକମାନେ କ’ଣ କୁହନ୍ତି?
କିଛି ଲୋକ କୁହନ୍ତି ଯେ ଗୁପଚୁପ୍ ୩୦୦-୪୦୦ ବର୍ଷ ପୂର୍ବେ ଭାରତକୁ ଆସିଥିଲା, ଅନ୍ୟ କେତେକ ଐତିହାସିକ ଏହା ମଧ୍ୟ ବିଶ୍ୱାସ କରନ୍ତି ଯେ ଏହାର ଇତିହାସ ୧୦୦ ରୁ ୧୨୫ ବର୍ଷ ପୁରୁଣା । ଯାହା ପ୍ରଥମେ ଉତ୍ତରପ୍ରଦେଶ ଏବଂ ବିହାର ଆଖପାଖ ସ୍ଥାନରେ ନିର୍ମିତ ହୋଇଥିଲା ।
