ଦୁଃଖରୁ ମୁକୁଳିବାକୁ ଚାହୁଁଛନ୍ତି କି ? ବୁଧବାର କରନ୍ତୁ ଶ୍ରୀଗଣେଶଙ୍କ ଏପରି ପୂଜା
ହିନ୍ଦୁ ଧର୍ମରେ ଶ୍ରୀଗଣେଶଜୀ ଅଗ୍ର ପୂଜ୍ୟ ଅଟନ୍ତି । କୌଣସି ବି ପୂଜା ହେଲେ ଶ୍ରୀ ଗଣେଶଜୀଙ୍କୁ ପ୍ରଥମେ ପୂଜା କରାଯାଏ । ଭଗବାନ ଗଣେଶଙ୍କୁ ବିଘ୍ନହର୍ତା କୁହାଯାଏ । ସେ ମନୁଷ୍ୟର ସମସ୍ତ ବିଘ୍ନ ନାଶ କରିଥାନ୍ତି । ମାନ୍ୟତା ରହିଛି ଶ୍ରୀ ଗଣେଶଙ୍କ କୃପା ଦୃଷ୍ଟି ରହିଲେ ମନୁଷ୍ୟର ସବୁ କଷ୍ଟ ଦୂର ହୋଇଥାଏ । ବିଶେଷକରି ବୁଧବାର ଶ୍ରୀଗଣେଶଙ୍କ ପ୍ରିୟ ବାର ହୋଇଥିବାରୁ ଉକ୍ତ ଦିନ ପୂଜା କଲେ ସମସ୍ତ ମନସ୍କାମନା ପୂର୍ଣ୍ଣ ହୋଇଥାଏ ।
ଆସନ୍ତୁ ଜାଣିବା କିପରି କରିବେ ବୁଧବାର ଶ୍ରୀଗଣେଶଜୀଙ୍କୁ ପୂଜା :
୧. ବୁଧବାର ଦିନ ପ୍ରାତଃ କାଳରେ ସ୍ନାନ କରି ଶୁଦ୍ଧ ହେବା ପରେ ତାମ୍ର ପାତ୍ରରେ ଶ୍ରୀଗଣେଶଜୀଙ୍କୁ ଭଲ ଭାବେ ସ୍ନାନ କରାନ୍ତୁ । ଏହାପରେ ଉତ୍ତର ଦିଗକୁ ମୁହଁ କରି ଶ୍ରୀଗଣେଶଜୀଙ୍କୁ ସ୍ଥାପନ କରନ୍ତୁ ।
୩. ଶ୍ରୀଗଣେଶଙ୍କ ପୂଜା କାଳରେ ସିନ୍ଦୁର ଅର୍ପଣ କରନ୍ତୁ । ସନ୍ଦୁର ଅର୍ପଣ କରିବା ଦ୍ୱାରା ଆପଣଙ୍କ ସବୁ କଷ୍ଟ ଭଗବାନ ଗଣେଶ ଦୂର କରିଦେଇଥାନ୍ତି ।
୪. ବୁଧବାର ଦିନ ଗାଇକୁ ସବୁଜ ଘାସ ଖୁଆନ୍ତୁ । ଏହା କରିବା ଦ୍ୱାରା ଶ୍ରୀଗଣେଶଙ୍କ କୃପା ପ୍ରାପ୍ତ ହୋଇଥାଏ ।
୫. ବୁଧବାର ଦିନ ଗରୀବଙ୍କୁ ଦାନ କରନ୍ତୁ । ଏହାଦ୍ୱାରା ବୁଧ ଗ୍ରହଙ୍କର ସମସ୍ତ ଖରାପ ପ୍ରଭାବ ଦୂର ହୋଇଥାଏ ।
୬. ବୁଧବାର ଦିନ ଭଗବାନ ଗଣେଶଙ୍କ ପୂଜା କରିବା ବେଳେ ଦୁବ ଅର୍ପଣ କରନ୍ତୁ ଓ ମୋଦକ ଭୋଗ ଲଗାନ୍ତୁ । ଏହା କରିବା ଦ୍ୱାରା ଶ୍ରୀଗଣେଶ ଖୁସୀ ହୋଇଥାନ୍ତି ।
୭. କଷ୍ଟରୁ ମୁକ୍ତି ପାଇବାକୁ ଚାହୁଁଛନ୍ତି ତ ବୁଧବାର ଦିନ ଶ୍ରୀଗଣେଶଙ୍କୁ ଘିଅ ଓ ଗୁଡରେ ପ୍ରସାଦ ଚଢ଼ାନ୍ତୁ ଓ ଗାଇକୁ ଖୁଆନ୍ତୁ ।
୮. ଭଗବାନ ଗଣେଶଙ୍କୁ ଘିଅ ଓ ଗୁଡ଼ରେ ଭୋଗ ଲଗାଇଲେ ଧନ ପ୍ରାପ୍ତି ହୋଇଥାଏ ।
୯. ଘରର ମୁଖ୍ୟ ଦ୍ୱାରରେ ଶ୍ରୀ ଗଣେଶଙ୍କ ପ୍ରତିମା ଲଗାଇବା ଦ୍ୱାରା ଘରେ ସୁଖ ସମୃଦ୍ଧିର ଆଗମନ ହୋଇଥାଏ ଓ ନକରାତ୍ମକ ଶକ୍ତି ଦୂର ହୋଇଥାଏ ।
