ପ୍ରଧାନମନ୍ତ୍ରୀ ମୋଦିଙ୍କ 7ଟି ଅପିଲକୁ ସ୍ୟାଣ୍ଡ ଆର୍ଟ ଜରିଆରେ ଦର୍ଶାଇ ଲୋକଙ୍କୁ ସଚେତନ କରୁଛନ୍ତି ଅଶୋକ, ତୁଲାଉଛନ୍ତି ନିଜ ସାମାଜିକ ଦାୟିତ୍ୱ
ଯେତେବେଳେ ପ୍ରଧାନମନ୍ତ୍ରୀ ମୋଦି କରୋନା ଯୋଦ୍ଧାମାନଙ୍କ ପାଇଁ ତାଳି ବଜାଇବାକୁ ଆହ୍ୱାନ କରିଥିଲେ, ସେତେବେଳେ ସ୍ୟାଣ୍ଡ ଆର୍ଟିଷ୍ଟ ଅଶୋକ ଏକ ସ୍ୟାଣ୍ଡ ଆର୍ଟ ନିର୍ମାଣ କରିଥିଲେ। ପୁଣି ଯେତେବେଳେ ମୋଦି ଦୀପ ଜଳାଇବାକୁ ଆହ୍ୱାନ କରିଥିଲେ, ସେତେବେଳେ ବି ସେ ଏକ ସ୍ୟାଣ୍ଡ ଆର୍ଟ କରି ଲୋକଙ୍କୁ ସଚେତନ କରାଇଥିଲେ। ଏହାଛଡା ଅଶୋକ ହାତ ଧୋଇବା ପାଇଁ ଅପିଲ ବାଲା ସ୍ୟାଣ୍ଡ ଆର୍ଟ ନିର୍ମାଣ କରିଥିଲେ। ପ୍ରଧାନମନ୍ତ୍ରୀ କେୟାର୍ସ ଫଣ୍ଡରେ ଦାନ ଦେବାର ଅପିଲକୁ ମଧ୍ୟ ସ୍ୟାଣ୍ଡ ଆର୍ଟରେ ଦର୍ଶାଇଥିଲେ।
ଏବେ ଆଉ ଏକ ନୂଆ ସ୍ୟାଣ୍ଡ ଆର୍ଟରେ ପ୍ରଧାନମନ୍ତ୍ରୀ ମୋଦିଙ୍କର 7ଟି ଅପିଲକୁ ଦେଖାଇବାକୁ ପ୍ରୟାସ କରିଛନ୍ତି ଅଶୋକ। ଏଥିରେ ପିଏମ ଗାମୁଛାକୁ ମାସ୍କ ରୂପେ ମୁଁହରେ ଢାଙ୍କିଥିବା ନଜର ଆସୁଛନ୍ତି। ଅଶୋକ କହିଛନ୍ତି, ପ୍ରଧାନମନ୍ତ୍ରୀଙ୍କ ଅପିଲ ପରେ ସେ ତାଙ୍କ ପରିବାର ସହିତ ଘରେ ରହୁଛନ୍ତି। ଘରୁ ହିଁ ସେ ସ୍ୟାଣ୍ଡ ଆର୍ଟ ଜରିଆରେ ଲୋକଙ୍କୁ ସଚେତନ କରିବା ପାଇଁ ପ୍ରୟାସ କରୁଛନ୍ତି। ଏହାଛଡା ସେ ତାଙ୍କର ସମସ୍ତ ସ୍ୟାଣ୍ଡ ଆର୍ଟର ଫଟୋ ପିଏମଙ୍କୁ ପଠାଉଛନ୍ତି।
ଅଶୋକ ବିହାରର ଏକ ଗରିବ ପରିବାରରୁ ଆସିଛନ୍ତି। ସ୍ୟାଣ୍ଡ ଆର୍ଟ ଜରିଆରେ କଠିନ ପରିଶ୍ରମ କରି ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରୁଛନ୍ତି। ଅଶୋକ ପୂର୍ବରୁ ମଧ୍ୟ ବିଭିନ୍ନ ସାମାଜିକ ପ୍ରସଙ୍ଗ ଉପରେ ସ୍ୟାଣ୍ଡ ଆର୍ଟ ନିର୍ମାଣ କରିଥିଲେ, ଯାହାକି ବେଶ ଆକର୍ଷଣ ସାଜିଥିଲା। ଏହାଛଡା ଅଶୋକ ଭଲ ପହଁରିପାରନ୍ତି। ସେ ଅନେକଙ୍କ ଜୀବନ ମଧ୍ୟ ରକ୍ଷା କରିଛନ୍ତି।
