ଚଳିତବର୍ଷ କରଓ୍ଵାଚୌଥ୍ରେ ୪ଟି ରାଜଯୋଗ ସହ ପ୍ରାୟ ଅଧଡଜନ ଶୁଭଯୋଗ ପଡ଼ୁଛି। ଜ୍ୟୋତିଷଙ୍କ କହିବାନୁସାରେ ଏହା ପୂର୍ବରୁ କରଓ୍ଵାଚୌଥରେ ଏତେ ଶୁଭ ଯୋଗ ଗତ ୧୦୦ ବର୍ଷ ଭିତରେ ପଡ଼ିନାହିଁ। ୪ ନଭେମ୍ବର ବୁଧବାର କରଓ୍ଵାଚୌଥ ଅର୍ଥାତ୍ ସୌଭାଗ୍ୟ ପର୍ବରେ ଶିବ, ଅମୃତ ଓ ସର୍ବାର୍ଥସିଦ୍ଧି ଯୋଗ ପଡ଼ୁଛି। ଏଥିସହ ଆସନ୍ତାକାଲି ଶଙ୍ଖ, ଗଜକେଶରୀ, ହଂସ ଓ ଦୀର୍ଘାୟୁ ନାମକ ରାଜଯୋଗ ମଧ୍ୟ ପଡ଼ୁଛି।
କରଓ୍ଵାଚୌଥରେ ଚନ୍ଦ୍ର ଓ ସ୍ୱାମୀଙ୍କ ପୂଜା କରିବା ବେଳେ ଗୋଚର କୁଣ୍ଡଳୀରେ ବୃହସ୍ପତି ଦାମ୍ପତ୍ୟ ଜୀବନ ଗୃହରେ ନିଜ ରାଶି ସହ ହିଁ ରହିବେ। ଏହି ସ୍ଥିତି ସୌଭାଗ୍ୟ ବଢ଼ାଇବାରେ ସାହାଯ୍ୟ କରିବ।
ଚତୁର୍ଥୀ ଓ ବୁଧବାରର ସଂଯୋଗ:
ଚଳିତଥର ସୌଭାଗ୍ୟ ପର୍ବ ବୁଧବାର ଓ ଚତୁର୍ଥୀର ସଂଯୋଗରେ କରାଯାଉଥିବା ଗଣେଶ ପୂଜାର ଫଳ ଆହୁରି ବଢ଼ିଯିବ। ଚଳିତଥର କରଓ୍ଵା ଚୌଥ ବ୍ରତ ମୃଗଶିରା ନକ୍ଷତ୍ରରେ କରାଯାଉଛି। ଏହି ନକ୍ଷତ୍ରର ସ୍ୱାମୀ ମଙ୍ଗଳ ହୋଇଥିବାରୁ ଏହି ବ୍ରତ ସମୃଦ୍ଧି ବଢ଼ାଇବାରେ ସାହାଯ୍ୟ କରିବ। ଏହିଦିନ ସୂର୍ଯ୍ୟୋଦୟ ଓ ଚନ୍ଦ୍ରୋଦୟ ଚତୁର୍ଥୀ ତିଥିରେ ହେବ।