ଡର ଭୟ କିଛି ନାହିଁ , ବିରାଟକାୟ ସିଂହ ସହ ଲୁଚକାଳି ଖେଳୁଛି କୁନି କଇଁଛ
ସିଂହର ଗର୍ଜନ ଶୁଣିଲେ କିଏ ବା ନ ଡରନ୍ତି । ବଳୁଆ ରୁ ବଳୁଆ ଲୋକଙ୍କର ବି ଝାଳ ବୋହିପଡ଼େ । ଜଙ୍ଗଲର ରାଜା ଭାବେ ଜଣା ସିଂହର ସାମ୍ନା ସାହାସିକତାର ସହ କରିବା ବି ଏତେ ସହଜ ନୁହେଁ । ମଣିଷ ହୁଅନ୍ତୁ ବା ପଶୁ ସମସ୍ତେ ସିଂହ ଠାରୁ ଯଥା ସମ୍ଭବ ଦୂରତା ରକ୍ଷା କରିବାକୁ ଚେଷ୍ଟା କରିଥାନ୍ତି । କିନ୍ତୁ ନିକଟରେ ଭାଇରାଲ ହୋଇଥିବା ଏହି କ୍ୟୁଟ ଭିଡିଓଟି ଦେଖିଲେ ସିଂହକୁ ନେଇ ଥିବା ଚିନ୍ତାଧାରା ନିଶ୍ଚିନ୍ତ ରୂପେ ବଦଳି ଯିବ । ପ୍ରକୃତରେ ଏହି ଭିଡିଓଟି ହେଉଛି ସିଂହ ଓ ଛୋଟ କଇଁଛକୁ ନେଇ । ଛୋଟ କଇଁଛଟି ଯେ କେବଳ ବିରାଟକାୟ ସିଂହର ସାମ୍ନା କରିଛି ତାହା ନୁହେଁ ତାକୁ ସେହି ସ୍ଥାନ ଛାଡି ଯିବା ପାଇଁ ବାଧ୍ୟ କରିଛି । ହଁ ଏହି କଥାଟି ସମ୍ପୂର୍ଣ୍ଣ ରୂପେ ସତ । ବିଭିନ୍ନ ସୋସିଆଲ ସାଇଟରେ ଭାଇରାଲ ହେଉଥିବା ଭିଡିଓଟିକୁ ଯିଏ ଦେଖୁଛି ସେ କନଫ୍ୟୁଜ ହେଇ ଯାଉଛନ୍ତି । କିଛି ଲୋକ ଛୁଆ କଇଁଛ ଟିର ସାହାସିକତାକୁ ପ୍ରଶଂସା କରୁଛନ୍ତିତ କିଛି ଜଣ ସିଂହର ସ୍ୱଭାବକୁ ।
— Wild Captured (@WildCaptured) June 7, 2021
୩୦ ସେକେଣ୍ଡର ଏହି କ୍ଲିପ ଟିରେ ଆପଣ ଦେଖିପାରିବେଯେ ଗୋଟେ ସିଂହ ଏକ ପୋଖରୀରୁ ପାଣି ପିଇବାରେ ଲାଗିଛି । ଅଚାନକ ସିଂହ ଟିର ନଜର ଏକ ଛୋଟ ଜୀବଟି ଉପରେ ପଡୁଛି । ଯିଏକି ପହଁରି ପହଁରି ବାରମ୍ବାର ତା ମୁହଁ ପାଖକୁ ଆସୁଛି | ପରେ ଜଣାପଡିଥିଲାକି ଏହି ଛୋଟ ଜୀବଟି ହେଉଛି ଏକ କଇଁଛ । ଛୁଆ କଇଁଛଟି ବାରମ୍ବାର ସିଂହ ଟିକୁ ଚୁମିବାକୁ ଚେଷ୍ଟା କରୁଥିଲେ ମଧ୍ୟ ସିଂହଟି ବାରମ୍ବାର ତାକୁ ଏଡାଇ ଚାଲିଛି । ଆଉ ଧୀରେ ଧୀରେ ସେହି ସ୍ଥାନରୁ ହଟି ମଧ୍ୟ ଯାଉଛି ।
ଏହି କ୍ଲିପଟିକୁ @Wild Captured ନାମକ ଏକ ଟ୍ୱିଟର ହ୍ୟାଣ୍ଡଲରୁ ସେୟାର କରାଯାଇଛି । ସେୟାର ହେବାର ଅଳ୍ପ କିଛି ସମୟ ଭିତରେ ଏହାକୁ 90 ହଜାରରୁ ଅଧିକ ଜଣ ଦେଖିସାରିଥିବା ବେଳେ ତିନି ହଜାରରୁ ଅଧିକ ଲାଇକ ମିଳିସାରିଲାଣି । ଏହା ସହ କୋଟି କୋଟି ୟୁଜର ନିଜ ନିଜ ପ୍ରତିକ୍ରିୟା ଦେବାରେ ଲାଗିଛନ୍ତି ।
