କରୋନା ଭାଇରସ ଯୋଗୁଁ ସମସ୍ତେ ଅଣନିଶ୍ୱାସୀ ହୋଇଗଲେଣି। ସାଧାରଣ ଜନତାଙ୍କ ଠାରୁ ଆରମ୍ଭ କରି ସରକାରଙ୍କ ପର୍ଯ୍ୟନ୍ତ। ଏହାଛଡା ପୃଥିବୀ ଅନେକ ବାତ୍ୟା, ଭୂମିକମ୍ପର ସାମ୍ନା ମଧ୍ୟ କରୁଛି। ଏବେ ଏସବୁ ଛାଡି ପୃଥିବୀ ଆଡକୁ ଆଉ ୮ଟି ଉଲ୍କାପିଣ୍ଡ ମାଡିଆସୁଛି। ଯାହାକୁ ନେଇ ନାସା ସତର୍କତା ସୂଚନା ଜାରି କରିଛି। ଏମାନଙ୍କ ମଧ୍ୟରେ କେତେକ ଛୋଟ ଆଉ କେକେ ବଡ ରହିଛନ୍ତି, ତାହା ବିଷୟରେ ନାସା ପତ୍ତା ଲଗାଇବା ବହୁତ କଷ୍ଟକର ବୋଲି ଜଣାଇଛି।
ପୃଥିବୀ ଆଡକୁ ମାଡି ଆସୁଛି ଉଲ୍କାପିଣ୍ଡ। ଯାହାଯୋଗୁଁ ଅନ୍ତରୀକ୍ଷ ଏଜେନ୍ସୀ ନାସା ସତର୍କ ସୂଚନା ଦେଇଛି। ନାସା କହିଛି, ୮ଟି ବସ୍ତୁ ପୃଥିବୀ ନିକଟରେ ଗତି କରିବ। ଜୁନ ୫ ତାରିଖ ସକାଳ ୪.୪୪ ମିନିଟରେ ଗୋଟେ ଉଲ୍କାପିଣ୍ଡ ଗତି କରିସାରିଛି। ଯାହାର ଗତି ୧୨.୬୬ କିଲୋମିଟର ପ୍ରତି ସେକେଣ୍ଡ ରହିଥିଲା। ଏହା ପୃଥିବୀ ଠାରୁ ୬୧ ଲକ୍ଷ କିଲୋମିଟର ଦୂରରେ ଗତି କରିଥିଲା। ଏହାଛଡା ଆଜି ସନ୍ଧ୍ୟା ୫.୪୧ରେ ପୃଥିବୀ ଠାରୁ ମାତ୍ର ୪୪ ଲକ୍ଷ କିଲୋମିଟର ଦୂରରେ ଗତି କରିବ। ଯାହାର ସ୍ପିଡ ୪୧,୬୫୨ କିଲୋମିଟର ପ୍ରତି ଘଣ୍ଟା ରହିଛି।
ଏହାପରେ ଜୁନ ୬ ତାରିଖ ସକାଳ ୮.୫୦ ମିନିଟରେ ୨୦୦୨ ଏନଏନ ୪ ପୃଥିବୀ ନିକଟରେ ଗତି କରିପାରେ। ଯାହାର ଗତି ୪୦,୧୪୦ କିଲୋମିଟର ପ୍ରତି ଘଣ୍ଟା ରହିଛି। ନାସା କହିବାନୁସାରେ ଏହି ଉଲ୍କାପିଣ୍ଡର ବ୍ୟାସ ୫୭୦ ମିଟର ରହିବ।
ସେହିପରି ଜୁନ ୬ ରାତି ୧୧.୦୮ ସମୟରେ ଆଉ ଏକ ଉଲ୍କାପିଣ୍ଡ ୨୦୨୦ କେକ୍ୟୁ ୧ ଗତି କରିବ। ଯାହାର ଗତି ୨୧,୯୩୦ କିମି ପ୍ରତି ଘଣ୍ଟା ରହିଛି। ସେହିପରି ୮.୪୫ରେ ପୃଥିବୀ ଠାରୁ ୧୪.୩୧ ଲକ୍ଷ କିଲୋମିଟର ଦୂରରେ ଆଉ ଏକ ଉଲକାପିଣ୍ଡ ଗତି କରିବ।
ଜୁନ ୫ ଓ ୬ ତାରିଖ ପରେ ୭ ତାରିଖ ୧୨.୦୩ରେ ପୃଥିବୀ ନିକଟରେ ଉଲ୍କାପିଣ୍ଡ ୨୦୨୦କେଏ୭ ଅତିକ୍ରମ କରିବ। କରିବ। ଯାହାର ଗତି ୨୬,୪୨୪ କିମି ପ୍ରତି ଘଣ୍ଟା ରହିଛି। ଏହି ଉଲ୍କାପିଣ୍ଡ ଗତି କରିବାର ମାତ୍ର ୪୦ ମିନିଟ୍ ପରେ ଆଉ ଏକ ଉଲ୍କାପିଣ୍ଡ ପୃଥିବୀ ନିକଟରେ ଗତି କରିବ। ଯାହା ପୃଥିବୀ ନିକଟରୁ ୬୮.୦୨ ଲକ୍ଷ କିଲୋମିଟର ଦୂରରେ ଗତି କରିବ। କିନ୍ତୁ ଏହି ଉଲ୍କାପିଣ୍ଡ ସବୁ ପୃଥିବୀର ନିକଟରେ ଗତି କଲେ ମଧ୍ୟ ପୃଥିବୀକୁ କୌଣସି କ୍ଷତି ପହଞ୍ଚିବ ନାହିଁ।