ଡାର୍କ ପାର୍ଲେ-ଜି ର ଫଟୋ ସୋସିଆଲ ମିଡିଆରେ ହେଉଛି ଭାଇରାଲ, ୟୁଜର୍ସ କମେଣ୍ଟରେ ଦେଲେ ଭିନ୍ନ ଭିନ୍ନ ମତ
ପାର୍ଲେ-ଜି କେବଳ ଭାରତରେ ନୁହେଁ ସମଗ୍ର ବିଶ୍ୱରେ ସର୍ବଶ୍ରେଷ୍ଠ ବିକ୍ରି ହୋଇଥିବା ବିସ୍କୁଟ ହୋଇପାରିଛି । ଏହି ବିସ୍କୁଟ ସହିତ ଅନେକ ଲୋକଙ୍କର ପିଲାଦିନର ସ୍ମୃତି ରହିଛି । ଆଜିକାଲି ଡାର୍କ ପାର୍ଲେ-ଜି ର ଫଟୋ ଇଣ୍ଟରନେଟରେ ଭାଇରାଲ ହେଉଛି । ତେବେ ଲୋକମାନେ ଏହାକୁ ଦେଖି ଆଶ୍ଚର୍ଯ୍ୟ ହୋଇଛନ୍ତି ।
ଆଜିକାଲି ବଜାରରେ ଅନେକ ବିସ୍କୁଟ ମିଳୁଛି । କେତେକ ବିସ୍କୁଟ୍ ଶସ୍ତାରେ ତ ଆଉ କେତେକ ମହଙ୍ଗା ମିଳୁଛି । କିନ୍ତୁ ପାର୍ଲେ-ଜି ଏହି ସବୁ ବିସ୍କୁଟ ଠାରୁ ଭିନ୍ନ । ପାର୍ଲେ-ଜି ବିସ୍କୁଟ ସମସ୍ତ ଲୋକଙ୍କୁ ବହୁତ ପସନ୍ଦ ହୋଇଥାଏ । ତେବେ ପାର୍ଲେ-ଜି କେବଳ ଭାରତରେ ନୁହେଁ ସମଗ୍ର ବିଶ୍ୱରେ ସର୍ବଶ୍ରେଷ୍ଠ ବିକ୍ରି ହୋଇଥିବା ବିସ୍କୁଟ ହୋଇପାରିଛି । ଏହି ବିସ୍କୁଟ ସହିତ ଅନେକ ଲୋକଙ୍କର ପିଲାଦିନର ସ୍ମୃତି ରହିଛି । ଏହା ହେଉଛି ଏପରି ବିସ୍କୁଟ ଯାହା ଲୋକମାନେ କେବଳ ଚା କିମ୍ବା କ୍ଷୀର ସହିତ ନୁହେଁ ବରଂ ଏହାକୁ ପାଣିରେ ବୁଡ଼ାଇ ଖାଇଥାନ୍ତି । ତେବେ ପାର୍ଲେ-ଜି ବିସ୍କୁଟ ବିଷୟରେ ସୋସିଆଲ ମିଡିଆରେ ବିଭିନ୍ନ ପ୍ରକାରର ଚର୍ଚ୍ଚା ହୋଇଥାଏ । ଆପଣମାନେ ଜାଣି ଆଶ୍ଚର୍ଯ୍ୟ ହେବେ ଯେ ପାର୍ଲେ-ଜି କମ୍ପାନୀ ବଜାରରେ ବିସ୍କୁଟର ଏକ ନୂଆ ଫ୍ଲେବର ଆଣିଛି । ଆଜିକାଲି ଡାର୍କ ପାର୍ଲେ-ଜି ର ଫଟୋ ଇଣ୍ଟରନେଟରେ ଭାଇରାଲ ହେଉଛି, ଲୋକମାନେ ଏହାକୁ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି । ତାହେଲେ ଆସନ୍ତୁ ଏହି ବିସ୍କୁଟ୍ ବିଷୟରେ ବିଶେଷ ଭାବେ ଜାଣିବା ।
ସୋସିଆଲ ମିଡିଆ ୟୁଜର୍ସ ପାର୍ଲେ-ଜି ବିସ୍କୁଟର ଏହି ଫ୍ଲେବର ବିଷୟରେ କହୁଛନ୍ତି ଯାହା ଭାଇରାଲ ହେଉଛି ଏବଂ ଏହା ଚକୋଲେଟ୍ ସ୍ୱାଦ ମଧ୍ୟ ଦେଉଛି । ଭାଇରାଲ୍ ଫଟୋରେ ଦେଖିପାରିବେ ଯେ ବିସ୍କୁଟର ପ୍ୟାକେଟ ବହୁତ ଭିନ୍ନ । ପୁରୁଣା ଅପେକ୍ଷା ନୂଆ ବିସ୍କୁଟ କଲରରେ ସାମାନ୍ୟ ଗାଢା ଦେଖାଯାଉଛି । ତେବେ ଏପର୍ଯ୍ୟନ୍ତ ପାର୍ଲେ ପ୍ରଡକ୍ଟ ଦ୍ୱାରା କୌଣସି ନିଶ୍ଚିତକରଣ ଦିଆଯାଇନାହିଁ, କିନ୍ତୁ ଏହାକୁ ସୋସିଆଲ ମିଡିଆରେ ଖୁବ୍ ସେୟାର କରାଯାଇଛି ଏବଂ ଅନେକ ଚର୍ଚ୍ଚାର ବିଷୟ ପାଲଟିଛି । ଏହି ବିସ୍କୁଟର ଫଟୋ ସୋସିଆଲ ମିଡିଆ ପ୍ଲାଟଫର୍ମ X ରେ ସେୟାର କରାଯାଇଛି, ଯାହାକୁ ବହୁତ ଲୋକ ଦେଖୁଛନ୍ତି ଏବଂ ସେୟାର କରୁଛନ୍ତି ।
ତେବେ ୟୁଜର୍ସ ପୋଷ୍ଟରେ ବିଭିନ୍ନ ପ୍ରକାରର କମେଣ୍ଟ ଦେଉଛନ୍ତି । ଜଣେ ୟୁଜର ଲେଖିଛନ୍ତି, ଏହି ଫଟୋଗୁଡ଼ିକ ସଂପୂର୍ଣ୍ଣ ରୂପେ AI ଦ୍ୱାରା ନିର୍ମିତ ଏବଂ ନକଲି । ଏହା ପରେ ଅନ୍ୟ ଜଣେ ୟୁଜର ଲେଖିଛନ୍ତି, ସାଧା ପାର୍ଲେ ଜି ଡାର୍କ ପାର୍ଲେ ଜି ଠାରୁ ବହୁତ ଭଲ । ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, ଆପଣଙ୍କର ପ୍ରିୟ କଲର କ’ଣ ? ଏହା ପରେ ଅନ୍ୟ ଜଣେ ୟୁଜର ଲେଖିଛନ୍ତି, ଏପର୍ଯ୍ୟନ୍ତ ବଜାରରେ ଏହା ଦେଖିବାକୁ ମିଳିନାହିଁ ।
