ଭୟଙ୍କର ସ୍ୱପ୍ନ ଦେଖୁଛନ୍ତି ତ ଡ଼ରନ୍ତୁ ନାହିଁ, ଏଥିରୁ ବି ମିଳିଥାଏ ଶୁଭ ସଂକେତ
ରାତିରେ ଶୋଇବା ପରେ ବ୍ୟକ୍ତି ଏକ ଅଲଗା ଦୁନିଆରେ ଥାଏ | ସ୍ୱପ୍ନରେ ଆମେ କେବେ କେବେ ଅଜବ କଥା ଦେଖିଥାଉ | ବେଳେ ବେଳେ ବ୍ୟକ୍ତି ସ୍ୱପ୍ନରେ ଏମିତି କିଛି ଦେଖିଥାଏ, ଯାହାଦ୍ୱାରା ସେ ସମ୍ପୂର୍ଣ ଡରି ଯାଇଥାଏ |
ସ୍ୱପ୍ନ ବି ବେଳେ ବେଳେ ଆମକୁ ଭବିଷ୍ୟତ ଘଟଣା ସମ୍ପର୍କରେ ସଂକେତ ଦେଇଥାଏ | ସ୍ୱପ୍ନ ଶାସ୍ତ୍ରରେ ସ୍ୱପ୍ନ ସମ୍ପର୍କରେ ବହୁତ କିଛି କୁହାଯାଇଛି | ଯାହାକି ଆମକୁ ଭବିଷ୍ୟତରେ ଘଟିବାକୁ ଥିବା ଅନେକ ଘଟଣା ସମ୍ପର୍କରେ ସୂଚନା ଦେଇଥାଏ | ଆସନ୍ତୁ ଜାଣିବା ଏମିତି କିଛି ସ୍ୱପ୍ନ ସମ୍ପର୍କରେ |
1. ସ୍ୱପ୍ନରେ ସାପ ଦେଖିବା :
ବହୁତ ଲୋକ ସ୍ୱପ୍ନରେ ସାପ ଦେଖୁଥିବା ଶୁଣିବାକୁ ମିଳିଥାଏ | ଯଦି ଆପଣ ସ୍ୱପ୍ନରେ ସାପ ଦେଖୁଥାନ୍ତି, ତେବେ ଡରନ୍ତୁ ନାହିଁ | ଆପଣଙ୍କ ସାଥିରେ କିଛି ବି ଖରାପ ହେବନି | ସ୍ୱପ୍ନରେ ସାପ ଦେଖିବା ଅର୍ଥ ଆପଣଙ୍କୁ ଶୀଘ୍ର ସଫଳତା ମିଳିବାକୁ ଯାଉଛି |
2. ସ୍ୱପ୍ନରେ ଝିଟିପିଟି ଦେଖିବା :
ବ୍ୟକ୍ତି ଯଦି ସ୍ୱପ୍ନରେ ଝିଟିପିଟି କାନ୍ଥରେ ଲାଗିକରି ଥିବା ଦେଖନ୍ତି, ତେବେ ଏହାର ଅର୍ଥ କିଛି ଶୁଭ କାମ ହେବାକୁ ଯାଉଛି | କିମ୍ବା ଆପଣଙ୍କୁ ଅର୍ଥ ପ୍ରାପ୍ତି ହେବାକୁ ଯାଉଛି |
3. ନିଜର ମୃତ୍ୟୁ ହେବାର ଦେଖିଲେ :
ସ୍ବପ୍ନ ଆମ କଣ୍ଟ୍ରୋଲରେ ନଥାଏ,ଆମେ କିଛି ବି ସ୍ୱପ୍ନ ଦେଖିପାରୁ | ଯଦି ନିଜର ମୃତ୍ୟୁ ହେବାର ଦେଖିବେ ତେବେ ସ୍ବପ୍ନ ଶାସ୍ତ୍ର ଶୁଭ ସଂକେତ ଅଟେ | ସ୍ୱପ୍ନରେ ନିଜ ମୃତ୍ୟୁ ଦେଖିଲେ ଆୟୁଷ ବୃଦ୍ଧି ହେବାର କୁହାଯାଏ |