ଚୋରକୁ ଅଜବ ଦଣ୍ଡ, ମାଡ଼ ନୁହେଁ ମୁଣ୍ଡରେ ଟାଟୁ କଟାଇଦେଲେ ଲୋକେ
କେନ୍ୟୁଜ୍(ବ୍ୟୁରୋ): ଚୋରି କରିବାକୁ ଆସୁ ଧରାପଡିବା ପରେ ଅଜବ ଦଣ୍ଡ ଦେଲେ ଲୋକେ। ଚୋର ମୁଣ୍ଡରେ ଟାଟୁ ଆଙ୍କି ମୁଁ ଚୋର ବୋଲି ଲେଖିଦେଲେ ଉତ୍ୟେକ୍ତ ଲୋକେ। ଏହି ଖବର ଶୁଣି ଆଶ୍ଚର୍ଯ୍ୟ ହେଇ ଯାଛଉନ୍ତି କି ? ଖବରରୁ ନଜର ଜମାରୁ ହଟାନ୍ତୁ ନାହଁ । ହଁ ଆଜ୍ଞା ଆମେ କହିବୁ ଏହି ଟାଟୁ ବାଲା ଚୋରର ପୁରା ବିଚିତ୍ର କାହାଣୀ । ଏହି କାହାଣୀ ଏମିତି ଗୋଟିଏ ଚୋର ବିଷୟରେ କୁହାଯାଉଛି ଯିଏ ବାରମ୍ବାର ଧରାପଡ଼ିଥିଲେ ବି ତାର ଅଭ୍ୟାସ ଛାଡ଼ି ନଥିଲା ।
ଯଦି ଆପଣ ଅମିତାଭ ବଚ୍ଚନଙ୍କ ଗୋଟିଏ ଫିଲ୍ମ ଦେଖିଥିବେ, ଯେଉଁଥିରେ ତାଙ୍କ ହାତରେ ଲେଖା ହୋଇଥିଲା ‘ମେରା ବାପ୍ ଚୋର୍ ହେ’। ସେହି ଟାଟୋ କୁ ଲିଭେଇବା ପାଇଁ ତାଙ୍କୁ ଫିଲ୍ମ ସାରା ସଂଘର୍ଷ କରିବାକୁ ପଡ଼ିଥିଲା । ସେ ପରି ଏହି ଚୋରର କାହାଣୀ । ଆଉ ଡେରି ନକରି ଆସନ୍ତୁ ଜାଣିବା ପୁରା କାହାଣୀ ।
ସୂଚନା ଅନୁସାରେ ଏହି ଚୋର ଘର ହେଉଛି ବ୍ରାଜିଲରେ। ପାଖାପାଖି ପାଞ୍ଚ ବର୍ଷ ହେବ ଏହି ଚୋରକୁ ସାଇକେଲ ଚୋରି ମାମଲାରେ ଲୋକ ଧରିଥିଲେ ଏବଂ ବହୁତ ମାଡ଼ ବି ମାରିଥିଲେ । ଲୋକମାନେ ଏହି ଚୋରକୁ ପୋଲିସରେ ଦେବା ପୂର୍ବରୁ ତାର କପାଳରେ ଏକ ଟାଟୁ କରିଥିଲେ । ଟାଟୁ କରି ତାର କପାଳରେ ଲେଖିଥିଲେ ‘ମୁଁ ଚୋର ଏବଂ ମୁଁ ଲୁଜର୍’ ତା ପରେ ତାକୁ ପୋଲିସ୍ ରେ ଜିମା ଦେଇଥିଲେ ।କିଛି ଦିନ ପରେ ସେହି ଯୁବକକୁ ଛାଡ଼ି ଦିଆ ଯାଇଥିଲା । ପୁଣି କିଛି ଦିନ ବିତିଗଲା । ସେହି ଚୋରର ସେତିକିରେ ମନ ବୁଝି ନଥିଲା ଯେ ପୁଣି ଆଉ ଏକ ଚୋରି ମାମଲାରେ ଧରା ପଡ଼ିଲା । ରିପୋର୍ଟ ଅନୁସାରେ ଏହି ଟାଟୁ ବାଲା ଚୋର ଗୋଟିଏ ଘରେ ଚୋରି କରିବା ବେଳେ ଧରା ପଡ଼ିଲା । ସେ ଘରର ଝରକା ଦେଇ ଭିତରକୁ ପସିଥିଲା ତା ପରେ ଧରାପଡ଼ିଗଲା ।
ଘରଲୋକ ମଥାରେ ଟାଟୁ ଦେଖି ଚକିତ:
ଧରା ପଡ଼ିବା ପରେ ତାର ଘର ଲୋକ ଦେଖି ସବୁ ଆଶ୍ଚର୍ଯ୍ୟ ହୋଇଯାଇଥିଲେ । କାରଣ ତା କପାଳରେ ଏହି ସବୁ ଲେଖା ସରିଥିଲା । ଶେଷରେ ପୁଣି ତାକୁ ପୋଲିସ ହାଜତରେ ଛାଡ଼ିଥିଲେ। ପ୍ରକୃତରେ ଏହି ଚୋରର ନାମ ହେଉଛି ରୋଆନ ରୋଚା ଡା ସିଲ୍ବା । ତାର ଘର ବ୍ରାଜିଲରେ । ଚୋରର ମଥାରେ ଯେଉଁ ଶବ୍ଦ ଲେଖା ଯାଇଥିଲା , ସେ ସବୁ ବ୍ରାଜିଲର ସ୍ଥାନୀୟ ଭାଷାରେ ହିଁ ହୋଇଥିଲା । ଏବେ ଶୁଣା ଯାଉଛି ତାର କପାଳରୁ ସବୁ ଟାଟୁ ଲିଭାଯାଇଛି ।
