ଚଳିତ ବର୍ଷ ଶ୍ରାବଣ ମାସ ଜୁଲାଇ ୨୫ ତାରିଖରୁ ଆରମ୍ଭ ହୋଇ ଅଗଷ୍ଟ ୨୨ ତାରିଖ ପର୍ଯ୍ୟନ୍ତ ଚାଲିବ । ମହାଦେବଙ୍କର ଏହି ମାସଟି ଖୁବ ପ୍ରିୟ । ଏହି ବିଧିବିଧାନ ଅନୁସାରେ ବାବାଙ୍କ ପୂଜାର୍ଚ୍ଚନା କଲେ ମହାଦେବ ଭକ୍ତଙ୍କ ଉପରେ ପ୍ରସନ୍ନ ହୋଇଥାନ୍ତି ବୋଲି କାହିଁ କେଉଁ କାଳରୁ ବିଶ୍ୱାସ ରହିଛି । ଶ୍ରବଣ ମାସରେ ଭୋଳାବାବାଙ୍କର ଗଙ୍ଗା ଜଳରେ ଅଭିଷେକ କରିବା ଉଚିତ । ଅନ୍ୟ ପକ୍ଷରେ ପ୍ରକୃତି ସହ ବି ଶ୍ରବଣର ଏକ ବିଶେଷ ସମ୍ବନ୍ଧ ରହିଛି ।ଏହି ଦିନ ମାନଙ୍କରେ ପ୍ରବଳ ବର୍ଷା ହେଉଥିବା କାରଣରୁ ଧରା ପୃଷ୍ଠରେ ଏକ ଅଜବ ଚମକ ଆସେ । ଯେମିତି ସବୁଜିମାରେ ସଜେଇ ହୋଇଯାଏ ଧରଣୀ ମା । ଗଛଲତା ଆଦିରେ କେବଳ ପତ୍ର ହିଁ ପତ୍ର । ତେଣୁ ଏହି ଋତୁରେ ସବୁଜ ରଙ୍ଗର ଏକ ବିଶେଷ ମହତ୍ତ୍ୱ ରହିଛି । ବିଶ୍ୱାସ ରହିଛିକି ଏହି ଦିନରେ ଯେତେଦୂର ସମ୍ଭବ ସବୁଜ ପୋଷାକ ପିନ୍ଧିବା ଉଚିତ । ମହିଳା ମାନେ ହାତରେ ଚୁଡ଼ି ବି ସବୁଜ ରଙ୍ଗର ପିନ୍ଧିବା ଉଚିତ । ଆସନ୍ତୁ ଜାଣିବା ଏହା ପଛରେ କଣ ରହିଛି କାରଣ । ଶ୍ରାବଣରେ ସବୁଜ ରଙ୍ଗକୁ ସୌନ୍ଦର୍ଯ୍ୟ ଓ ସଧବାର ପ୍ରତୀକ ଭାବେ ମଧ୍ୟ ଧରାଯାଏ ।
ଏମିତିରେ ଶ୍ରାବଣର ସବୁଜ ରଙ୍ଗ ଓ ପ୍ରକୃତୀର ଏକ ବିଶେଷ ସମ୍ପର୍କ ରହିଛି କିନ୍ତୁ ଧର୍ମ ଦୃଷ୍ଟିରୁ ବି ଏହାର ବିଶେଷ ମହତ୍ତ୍ୱ ଥିବା ଜଣାଯାଏ । ବିଶ୍ୱାସ ରହିଛିକି ଏହି ଦିନ ସବୁଜ ବସ୍ତ୍ର ପରିଧାନ କଲେ ଭଗବାନ ଶିବ ଓ ମା ପାର୍ବତୀ ପ୍ରସନ୍ନ ହୁଅନ୍ତି । ଏହା ସହ ଏହି ମାସ ପଡୁଥିବା ପର୍ବପର୍ବାଣି ଗୁଡିକରେ ବିବାହିତା ମହିଳା ମାନେ ମା ପାର୍ବତୀଙ୍କୁ ସଧବା ଜିନିଷ ଚଢେଇବା ଉଚିତ । ଯାହାଦ୍ୱାରା ସ୍ୱାମୀ ସ୍ତ୍ରୀଙ୍କ ମଧ୍ୟରେ ପ୍ରେମ ସମ୍ପର୍କ ବଢିଥାଏ । ଏଣୁ ଏହି ମାସ ପଡୁଥିବା ବ୍ରତ ମାନଙ୍କରେ ସବୁଜ ବସ୍ତ୍ର ପିନ୍ଧି ପୂଜାର୍ଚ୍ଚନା କରିବା ଉଚିତ । ଅନ୍ୟ ପକ୍ଷରେ ଜ୍ୟୋତିଷ ଶାସ୍ତ୍ରରେ ବୁଧ ଗ୍ରହ ସବୁଜ ରଙ୍ଗର ପ୍ରତିନିଧି ଭାବରେ ଧରାଯାଏ। ଏଣୁ ସବୁଜ ରଙ୍ଗ କୌଣସି ପଦାର୍ଥ ଧାରଣ କଲେ ବୁଧଙ୍କ କୃପା ଲାଭ ହୋଇଥାଏ ।