ବିଜ୍ଞାନ ଯେତେ ଆଗେଇଥିଲେ ବି ପ୍ରକୃତି ମଧ୍ୟରେ ଆଜି ବି ଅନେକ ରହସ୍ୟ ଲୁଚି ରହିଛି ଯାହାକି ସାଧାରଣ ମଣିଷ ପକ୍ଷରେ ଭେଦ କରିବା ସମ୍ଭବପର ହୋଇନାହିଁ । ଆଜି ଆମେ ଆପଣଙ୍କୁ ଏମିତି ହିଁ ଏକ ଅଜବ ରହସ୍ୟ ବିଷୟରେ ଆପଣଙ୍କୁ କହିବାକୁ ଯାଉଛୁ । ଆମ ଦେଶ ଭାରତର ମେଘାଳୟ ରାଜ୍ୟରେ ଏମିତି ଏକ ମାଛ ଅଛି ଯାହାକୁ କି ପୃଥିବୀର ସବୁଠୁ ବଡ ଗୁମ୍ଫା ମାଛ ବୋଲି କୁହାଯାଇଥାଏ । ଏହି ରାଜ୍ୟର ଘନ ଜଙ୍ଗଲରେ ମହଜୂତ ଥିବା ‘କ୍ରମ ଉମ ଲର୍ଡ କେବ’ରେ ବିଶ୍ୱର ସବୁଠୁ ବଡ ଗୁମ୍ଫା ମାଛ ଠାବ କରାଯାଇଛି । ଯାହାର ଓଜନ ପାଖାପାଖି ଦୁଇ ପାଉଣ୍ଡ ବା ଏକ କିଲୋଗ୍ରାମ ହେବ । ଏହି ସ୍ୱତନ୍ତ୍ର ମାଛଟି ଭୂମିରୁ ୩୦୦ ଫୁଟ ଗଭୀରରେ ବାସ କରିଥାଏ ।
ସବୁଠୁ ଆଶ୍ଚର୍ଯ୍ୟର କଥା ଏହି ମାଛ ଟିକୁ ସୂର୍ଯ୍ୟାଲୋକର ଆବଶ୍ୟକତା ଜମା ବି ନଥାଏ । ନିଜେ ବି ଦେଖିପାରେ ନାହିଁ । ସମଗ୍ର ବିଶ୍ୱରେ ଏଧରଣର ୨୫୦ ପ୍ରଜାତିର ମାଛ ଠାବ କରାଯାଇଛି । କିନ୍ତୁ ସେମାନେ ଭାରତରେ ମିଳିଥିବା ଏହି ମାଛ ଠାରୁ ପ୍ରାୟ ୧୦ ଗୁଣ ସାନ । ‘ନ୍ୟାସନାଲ ଜିଓଗ୍ରାଫିକ’ର ଏକ ଗବେଷଣା ଅନୁଯାୟୀ ପୂର୍ବତ୍ତର ଭାଗର ‘ଉମ ଲର୍ଡ଼ କେବ’ରେ ହିଁ ଏହି ମାଛ ଠାବ କରାଯାଇଛି । ୨୦୧୯ ମସିହାରେ ଜୀବ ବିଜ୍ଞାନୀ ଡେନିଏଲ ହେରାନ ହିଁ ଠାବ କରିଥିଲେ । କିନ୍ତୁ ସେ ସମୟରେ ଗବେଷଣା ପାଇଁ ଆବଶ୍ୟକ ସୁବିଧା ସୁଯୋଗ ନଥିଲା । କିନ୍ତୁ ନିକଟରେ ଡେନିଏଲ ଜଣେ ଫଟୋଗ୍ରାଫରଙ୍କ ସହ ମାଛ ମାନଙ୍କ ସାମ୍ପଲର ଫଟୋକୁ ଏକାଠି କରିଥିଲେ ।
ସେମାନେ ପାଣିରେ ବିସ୍କୁଟ ପକାଇ ମାଛ ମାନଙ୍କୁ ଧରିଥିଲେ । ନିଜ ପ୍ରତିକ୍ରିୟାରେ ଡେନିଏଲ ଏହା ମଧ୍ୟ କହିଛନ୍ତିକି, ନିଜ ୨୦ ବର୍ଷର କ୍ୟାରିଅର ଭିତରେ ସେ ଏମିତି ଅଦ୍ଭୁତ ପ୍ରକାରର ବଡ ଜୀବ ଆଦୌ ଦେଖିନଥିଲେ । ଡେନିଏଲଙ୍କ ଅନୁସାରେ ‘ଉମ ଲର୍ଡ଼’ ପରି ଆହୁରି ଅନେକ ଗୁମ୍ଫା ଅଛି, ଯେଉଁଠିକି ଆଜିବି ସାଧାରଣ ମଣିଷ ପହଞ୍ଚି ପାରିନାହିଁ । ଏହି ଗୁମ୍ଫାରେ ଦେଖାଯାଉଥିବା ଜୀବ ଗୁଡିକୁ ଟରୋଗଲ ବାଇଟ ବୋଲି କୁହାଯାଏ । ଏମାନଙ୍କ ପାଚନ କ୍ରିୟା ଅନ୍ୟ ମାଛ ତୁଳନାରେ ଦୁର୍ବଳ । ସେମାନେ ଯାହା ବି ଖାଇଥାନ୍ତି ତାଠାରୁ ଅଧିକ ଉର୍ଜା ଉତ୍ପାଦନ କରିଥାଏ ।
ଏହି ସ୍ୱତନ୍ତ୍ର ଧରଣର ପ୍ରଜାତିଙ୍କର କୌଣସି ରଙ୍ଗ ବି ନଥାଏ ବା ଏମାନେ ରଙ୍ଗହୀନ । ଏମାନେ ଗୁମ୍ଫା ଭିତରେ ରହିବା କେମିତି ଶିଖିଲେ, ବିନା ସୂର୍ଯ୍ୟାଲୋକ ଓ ଖୋଲା ପବନରେ ବି ଏମାନେ କେମିତି ବଡ ହେଉଛନ୍ତି ଏବାବଦରେ ଜାଣିବା ପାଇଁ ବୈଜ୍ଞାନିକ ମାନେ ଅଧିକରୁ ଅଧିକ ଗବେଷଣା ଜାରି ରଖିଛନ୍ତି ।