କଟକ (କେନ୍ୟୁଜ୍) : ଆଉ କେଇ ଘଣ୍ଟାର ଅପେକ୍ଷା। ଆରମ୍ଭ ହୋଇଯିବ ବାରବାଟୀ ଲଢେଇ। ସବୁଠି ବାରବାଟୀ ଦିନିକିଆର ଚର୍ଚ୍ଚା । ଏଥିପାଇଁ ରାଜ୍ୟ ତଥା ଦେଶର କୋଣ ଅନୁକୋଣରୁ ଦର୍ଶକ ଆସିଲେଣି କଟକ । ଦୁଇ ବର୍ଷ ପରେ କ୍ରିକେଟ ଫେରିଛି ବାରବାଟୀ । କ୍ରିକେଟ କ୍ରେଜରେ ସାରା ଓଡ଼ିଶା । କିଏ ହିଟମ୍ୟାନ୍ ରୋହିତଙ୍କ ବ୍ୟାଟରୁ ଆଉ ଗୋଟିଏ ହିଟ୍ ଇନିଂସ ଆଶା ରଖିଛି ତ କେହି ରନ୍ ମେସିନ୍ କୋହଲିଙ୍କ ଧମାକାଦାର କମବ୍ୟାକ୍ ନେଇ ଆଶାବାଦୀ । ସୁପର ସନ୍ଡେରେ ହାଇଭୋଲଟେଜ୍ ମ୍ୟାଚ୍ ଦେଖିବାକୁ ସମସ୍ତ ଅପେକ୍ଷା କରିଛନ୍ତି । ସିରିଜ ହାତେଇବା ଲକ୍ଷ୍ୟରେ ଉଭୟ ଟିମ୍। ମ୍ୟାଚ୍ ପାଇଁ କମିଶନରେଟ୍ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ବାରବାଟୀକୁ ପାଣି ବୋତଲ,କଏନ,ଖାଦ୍ୟ ପୁଡ଼ିଆ ମନା କରାଯାଇଛି। ଟିକେଟ ଥାଇ ବି ମଦ ପିଇ ଗଲେ ପୋଲିସ ବିଦା କରିବ।