ବିରାଟଙ୍କ ସହିତ ଝଗଡା କରିବା ପରେ ପୁଣି ରାଗରେ ଟ୍ଵିଟ୍ କଲେ ଗମ୍ଭୀର
ବିରାଟ ଏବଂ ଗମ୍ଭୀରଙ୍କ ଝଗଡା ଦୁଇଦିନ ବିତିଯାଇଥିଲେ ସୁଦ୍ଧା କମିନି ଗମ୍ଭୀରଙ୍କ ରାଗ । ପୁଣି ରାଗରେ ଏମିତି ଟ୍ଵିଟ୍ କରି ହଟଚମଟ ସୃଷ୍ଟି କରିଛନ୍ତି ଗମ୍ଭୀର ।
ଆଇପିଏଲ୍ରେ ବିରାଟ କୋହଲି ଏବଂ ଗୌତମ ଗମ୍ଭୀରଙ୍କ ଝଗଡାକୁ ନେଇ ଏବେ ସବୁଠି ଚର୍ଚ୍ଚା । ତେବେ ଏହି ଘଟଣାକୁ ନେଇ ଦୁଇଦିନ ବିତିଯାଇଥିଲେ ମଧ୍ୟ ଗମ୍ଭୀରଙ୍କ ରାଗ ଶାନ୍ତ ହୋଇନାହିଁ । ଗମ୍ଭୀର ଟ୍ଵିଟ୍ କରି ପୁଣିଥରେ ସୋସିଆଲ ମିଡିଆରେ ହଟଚମଟ ସୃଷ୍ଟି କରିଛି । ଗମ୍ଭୀର ଟ୍ଵିଟ କରି ଲେଖିଛନ୍ତି, ଯେଉଁ ବ୍ୟକ୍ତି ଦିଲ୍ଲୀ କ୍ରିକେଟ ଛାଡି ଫେରାର ହୋଇଯାଇଥିଲା, ଏବେ ସେ ଚାପ ପକାଉଛି । କ୍ରିକେଟ ପ୍ରତି ନିଜର ଚିନ୍ତା ପ୍ରକଟ କରି ପଇସା ନେଇ ପିଆର କାମ କରୁଛନ୍ତି । ଏହା ଘୋର କଳିଯୁଗ ।
Man who ran away from Delhi Cricket citing “pressure” seems over eager to sell paid PR as concern for cricket! यही कलयुग़ है जहां ‘भगोड़े’ अपनी ‘अदालत’ चलाते हैं।
— Gautam Gambhir (@GautamGambhir) May 3, 2023
ସୂଚନାଯୋଗ୍ୟ, ଲକ୍ଷ୍ନୌର ଏକନା କ୍ରିକେଟ ଷ୍ଟାଡିୟମରେ ଲକ୍ଷ୍ନୌ –ବେଙ୍ଗାଲୁରୁ ଆଇପିଏଲ୍ ମ୍ୟାଚରେ ବେଙ୍ଗାଲୁରୁ ଲକ୍ଷ୍ନୌକୁ ୧୮ ରନରେ ହରାଇଥିଲା । ମ୍ୟାଚ୍ ଜିତିବାକୁ ଲକ୍ଷ୍ନୌକୁ ୧୨୭ ରନ୍ ଟାର୍ଗେଟ ଦେଇଥିଲା ବେଙ୍ଗାଲୁରୁ । ଜବାବରେ ଲକ୍ଷ୍ନୌ ୧୦୮ରନରେ ସୀମିତ ରହିଯାଇଥିଲା । ମ୍ୟାଚ୍ ସରିବା ପରେ ସବୁ ଖେଳାଳି ଏକାଠି ହୋଇଥିଲେ ।
ଏତିକି ବେଳେ କୌଣସି କଥାକୁ ନେଇ କୋହଲି ଓ ଗମ୍ଭୀରଙ୍କ ଭିତରେ ପ୍ରବଳ ପାଟିତୁଣ୍ଡ ହୋଇଥିଲା । ଝଗଡ଼ା ଏତେ ଜୋରରେ ହୋଇଥିଲା ଯେ ବାକି ଖେଳାଳି ଓ ଷ୍ଟାଫ ସେମାନଙ୍କୁ ଅଟକାଇଥିଲେ । ବିରାଟ-ଗମ୍ଭୀର ଝଗଡା ବେଳର ଫଟୋ ଓ ଭିଡିଓ ସୋସିଆଲ୍ ମିଡିଆରେ ଭାଇରଲ୍ ହେଉଛି । ଗୌତମ ଗମ୍ଭୀର ଏବଂ ବିରାଟ କୋହଲିଙ୍କଙ୍କ ୧୦୦ ପ୍ରତିଶତ ମ୍ୟାଚ ଫି କାଟି ଦିଆଯାଇଛି।
ଏହାପରେ ଗମ୍ଭୀର କହୁଛନ୍ତି, ତୁମେ ଯଦି ମୋ ଟିମର ପ୍ଲେୟାରକୁ କହିବେ, ତେବେ ମୋ ପରିବାକୁ ଗାଳ ଦେଲ । ତେବେ ଗମ୍ଭୀରଙ୍କ ଏଭଳି କଥାରେ ବିରାଟ କହିଥିଲେ କି, ତୁମେ ତୁମ ପରିବାରକୁ ସମ୍ଭାଳି ରଖ । ଏହି କଥାରେ ଗମ୍ଭୀର ରାଗିଯାଇଥିଲେ ।ଆଉ କହିଥିଲେ, ତୁ ଏବେ ମୋତେ ଶିଖାଇବୁ ।
ଏହାପରେ ଅନ୍ୟ ସାଥି ଖେଳାଳି ଆସି ତାଙ୍କୁ ଅଲଗା କରିଥିଲେ । ତେବେ ଏହି ଭିଡିଓ ଭାଇରଲ ହେବା ପରେ ଲୋକ ବିଭିନ୍ନ ପ୍ରକାର କମେଣ୍ଟ ଦେଉଛନ୍ତି ।
