ଷ୍ଟାର ଫୁଟବଲର କ୍ରିଷ୍ଟିଆନୋ ରୋନାଲ୍ଡୋଙ୍କ ନବଜାତ ପୁତ୍ରର ମୃତ୍ୟୁ, ଟ୍ଵିଟ କରି ଦୁଃଖ ପ୍ରକାଶ କଲେ
ପର୍ତ୍ତୁଗାଲର ଷ୍ଟାର୍ ଫୁଟବଲର କ୍ରିଷ୍ଟିଆନୋ ରୋନାଲ୍ଡୋଙ୍କ ନବଜାତ ପୁତ୍ରର ମୃତ୍ୟୁରେ ଭାଙ୍ଗି ପଡିଛନ୍ତି ରୋନାଲ୍ଡୋ । ଇନଷ୍ଟାଗ୍ରାମରେ ଏକ ପୋଷ୍ଟ କରି ସୂଚନା ଦେଇଛନ୍ତି ରୋନାଲ୍ଡୋ। ରୋନାଲ୍ଡୋଙ୍କ ପତ୍ନୀ ଯାଆଁଳା ଶିଶୁ ଜନ୍ମ ଦେବା ବେଳେ ନବଜାତ ପୁତ୍ରର ମୃତ୍ୟୁ ଘଟିଥିଲା। କିନ୍ତୁ ଆଉ ଜଣେ ନବଜାତ କନ୍ୟା ସୁରକ୍ଷିତ ରହିଛନ୍ତି। ସେ ଓ ପତ୍ନୀ ଜର୍ଜିନା ଉଭୟ ମିଳିତ ବୟାନ ଜାରି କରି ଏନେଇ ଘୋଷଣା କରିଛନ୍ତି ।
ରୋନାଲ୍ଡୋ ନିଜର ପୋଷ୍ଟରେ ଲେଖିଛନ୍ତି, ନବଜାତ ପୁତ୍ରର ମୃତ୍ୟୁ ଘଟିଛି । ଦୁଃଖର ସହ ଏହା କହିବାକୁ ପଡୁଛି । ମାତା-ପିତାଙ୍କ ପାଇଁ ଏହା ସବୁଠୁ ବଡ ଦୁଃଖ । ଏହାସହ ଯେଉଁ ଡାକ୍ତର ଓ ନର୍ସମାନେ ସେମାନଙ୍କୁ ସହଯୋଗ କରିଥିଲେ ସେମାନଙ୍କୁ ସେ ଧନ୍ୟବାଦ ଜଣାଇଛନ୍ତି । ସେ ସବୁବେଳେ ନିଜ ପିଲା ପାଇଁ ସ୍ନେହ ଏବଂ ଭଲପାଇବା ରହିବ। ସେ ମୋ ପାଇଁ ଭଗବାନଙ୍କ ସଦୃଶ ଥିଲା। ଆଉ ଝିଅ ଯୋଗୁଁ ମୋତେ ବଞ୍ଚିବା ପାଇଁ ଶକ୍ତି ମିଳିଛି ବୋଲି କହିଛନ୍ତି।
View this post on Instagram
ସୂଚନାଯୋଗ୍ୟ, ରୋନାଲ୍ଡୋ ଓ ତାଙ୍କ ପତ୍ନୀ ଜର୍ଜିନା ଗତ ଅକ୍ଟୋବରରେ ଯମଜ ଶିଶୁର ମାତାପିତା ହେବାକୁ ଯାଉଥିବା ଘୋଷଣା କରିଥିଲ । ଉଭୟ ହସ୍ପିଟାଲରେ ନିଜ ଫଟୋ ମଧ୍ୟ ସେୟାର କରିଥିଲେ ।
View this post on Instagram
