ମ୍ୟାକ୍ସୱେଲଙ୍କ ଦମଦାର ଦ୍ୱିଶତକ ଆଫଗାନିସ୍ତାନ ଠାରୁ ଛଡାଇ ଆଣିଲା ବିଜୟ, ହେଲେ ଭାଙ୍ଗିପାରିଲାନି ଈଶାନଙ୍କ ରେକର୍ଡ
ମୁମ୍ବାଇ ଓ୍ଵାଙ୍ଖଡେରେ ମ୍ୟାକ୍ସୱେଲ ଦ୍ୱିଶତକ ମାରି ଧମାଲ୍ କରିଥିଲେ । କିନ୍ତୁ ଈଶାନ କିଶନଙ୍କ ରେକର୍ଡ ଭାଙ୍ଗିପାରିନଥିଲେ । ଦିନିକିଆ ଇଣ୍ଟରନ୍ୟାସନାଲ ମ୍ୟାଚରେ ସବୁଠାରୁ ଦ୍ରୁତତମ ଶତକ ରେକର୍ଡ ଈଶାନ କିଶନଙ୍କ ନାମରେ ରହିଛି । ୨୦୨୨ରେ ଈଶାନ ବାଂଲାଦେଶ ବିପକ୍ଷରେ ୧୨୬ ବଲରେ ଦ୍ୱିଶତକ କରିବାର ରେକର୍ଡ କରିଛନ୍ତି ।
ଅଷ୍ଟ୍ରେଲିଆର ଷ୍ଟାର ବ୍ୟାଟର ଗ୍ଲେନ ମ୍ୟାକ୍ସୱେଲ ଦମଦାର ବ୍ୟାଟିଂ କରି ଆଫଗାନିସ୍ତାନ ଠାରୁ ବିଜୟ ଛଡାଇ ଆଣିଛନ୍ତି । ଆଫଗାନିସ୍ତାନ ଓ୍ଵାଙ୍ଖଡେ ଷ୍ଟାଡିୟମରେ ଅଷ୍ଟ୍ରେଲିଆ ବିପକ୍ଷରେ ୨୯୧ ରନ୍ କରିଥିଲା । ହେଲେ ଅଷ୍ଟ୍ରେଲିଆ ୭ ଓ୍ଵିକେଟ ହରାଇ ଆଫଗାନିସ୍ତାନ ଠାରୁ ବିଜୟ ଛଡାଇନେଇଛି । ମୁମ୍ବାଇ ଓ୍ଵାଙ୍ଖଡେରେ ମ୍ୟାକ୍ସୱେଲ ଦ୍ୱିଶତକ ମାରି ଧମାଲ୍ କରିଥିଲେ । କିନ୍ତୁ ଈଶାନ କିଶନଙ୍କ ରେକର୍ଡ ଭାଙ୍ଗିପାରିନଥିଲେ ।
ଦିନିକିଆ ଇଣ୍ଟରନ୍ୟାସନାଲ ମ୍ୟାଚରେ ସବୁଠାରୁ ଦ୍ରୁତତମ ଶତକ ରେକର୍ଡ ଈଶାନ କିଶନଙ୍କ ନାମରେ ରହିଛି । ୨୦୨୨ରେ ଈଶାନ ବାଂଲାଦେଶ ବିପକ୍ଷରେ ୧୨୬ ବଲରେ ଦ୍ୱିଶତକ କରିବାର ରେକର୍ଡ କରିଛନ୍ତି । ଏହି ମାମଲାରେ ମ୍ୟାକ୍ସୱେଲ ଦ୍ୱିତୀୟ ସ୍ଥାନରେ ରହିଛନ୍ତି । ମ୍ୟାକ୍ସୱେଲ ୧୨୮ ବଲରେ ଦ୍ୱିଶତକ କରିଛନ୍ତି । କ୍ରିସ ଗେଲ୍ ୩ୟ ସ୍ଥାନରେ ରହିଛି । ସେ ଜିମ୍ବାୱେ ବିପକ୍ଷରେ ୨୦୧୫ରେ ୧୩୮ ବଲରେ ଦ୍ୱିଶତକ କରିଥିଲେ ।
Thank you India 🇮🇳 for Your Support 🫂💙 #AUSvAFG pic.twitter.com/NIkXkKFXKg
— Glenn Maxwell (@iGlennMaxwell32) November 7, 2023
ଆଫଗାନିସ୍ତାନର ୨୯୨ ରନର ଲକ୍ଷ୍ୟକୁ ପିଛା କରି ଅଷ୍ଟ୍ରେଲିଆ ବ୍ୟାଟିଂ ବିପର୍ଯ୍ୟୟର ସାମ୍ନା କରିଥିଲା । ମାତ୍ର ୯୧ ରନରେ ୭ଟି ୱିକେଟ ହରାଇଥିଲା । ମାକ୍ସୱେଲ ଏକା ହିଁ ୨୦୧ ରନ୍ କରି ଦଳକୁ ବିଜୟୀ କରାଇଛନ୍ତି । ଅଷ୍ଟ୍ରେଲିଆ ଆଫଗାନିସ୍ତାନ ବିପକ୍ଷରେ ୧୮.୩ ଓଭରେ ୭ ଓ୍ଵିକେଟ ହରାଇଥିଲା । ସେତେବେଳେ ଟିମ୍ ୯୧ ସ୍କୋର କରିଥିଲା । କିନ୍ତୁ ମ୍ୟାକ୍ସୱେଲଙ୍କ ଦମଦାର ଦ୍ୱିଶତକ ଆଫଗାନିସ୍ତାନ ଠାରୁ ବିଜୟ ଛଡା ଆଣିଥିଲା । ମ୍ୟାକ୍ସୱେଲ ୧୨୮ ବଲରେ ୨୦୧ ରନ୍ କରି ଅପରାଜିତ ରହିଥିଲେ । ଏହି ଇନିଂସରେ ମ୍ୟାକ୍ସୱେଲ ୨୧ଟି ଚଉକା ଏବଂ ୧୦ଟି ଛକା ମାରିଥିଲେ ।
ତେବେ ଅଷ୍ଟ୍ରେଲିଆ ଏହି ମ୍ୟାଚ ଜିତିବା ପରେ ବିଶ୍ୱକପ ୨୦୨୩ ସେମିଫାଇନାଲରେ ସ୍ଥାନ ପକା କରିଛି । ଅଷ୍ଟ୍ରେଲିଆ ଆଗରୁ ଭାରତ ସେମିଫାଇନାଲରେ ପ୍ରବେଶ କରିସାରିଛି । ଭାରତ, ଦକ୍ଷିଣ ଆଫ୍ରିକା, ଅଷ୍ଟ୍ରେଲିଆ ସେମିଫାଇନାଲରେ ପ୍ରବେଶ କରିଛି । ତେବେ ଚତୁର୍ଥ ଟିମ୍ ଏପର୍ଯ୍ୟନ୍ତ ସେମିଫାଇନାଲରେ ପ୍ରବେଶ କରିନାହିଁ । ଶ୍ରୀଲଙ୍କା, ବାଂଲାଦେଶ ଏବଂ ଇଂଲଣ୍ଡ ଟିମ୍ ବିଶ୍ୱକପରୁ ବାଦ୍ ପଡିଛନ୍ତି ।
